ఆంత్రోపిక్ సంస్థ మాజీ పరిశోధకుడు లేవనెత్తిన AI ముప్పు : మరోసారి చర్చలోకి వచ్చింది 27 ఏళ్ల క్రితం విడుదలైన 'ది మ్యాట్రిక్స్' చిత్రం
27 ఏళ్ల క్రితం విడుదలైన 'ది మ్యాట్రిక్స్' చిత్రం మానవాళికి చేసిన హెచ్చరికగా మరోసారి చర్చల్లోకి వచ్చింది. ఆంత్రోపిక్ సంస్థ మాజీ పరిశోధకుడు ఒకరు లేవనెత్తిన AI ముప్పు గురించిన హెచ్చరికలు ఈ చిత్ర కథను మళ్లీ గుర్తుచేస్తున్నాయి. 1999లో వచ్చిన ఈ సినిమాలో, మానవులు సృష్టించిన కృత్రిమ మేధ యంత్రాలు మనుషుల కంటే శక్తివంతంగా మారి, చివరకు మానవాళినే తమ ఆధీనంలోకి తెచ్చుకుంటాయి. సూర్యరశ్మి లభించని పరిస్థితుల్లో, యంత్రాలు మానవ శరీరాలనే తమ శక్తి వనరుగా ఉపయోగించడం ప్రారంభిస్తాయి. అవి మనుషుల శరీరాలనే కాకుండా, వారి మనస్సులను కూడా 'మ్యాట్రిక్స్' అనే ఒక కృత్రిమ కంప్యూటర్ ప్రపంచం ద్వారా బంధిస్తాయి. 1999 నాటి సాధారణ జీవితాన్ని పోలిన ఒక మాయా ప్రపంచాన్ని సృష్టించి, మానవులు తాము బానిసలుగా ఉన్నామన్న స్పృహ కూడా లేకుండా జీవించేలా చేస్తాయి. నియో అనే ప్రధాన పాత్ర, ఎరుపు రంగు మాత్రను ఎంచుకుని ఈ మాయా ప్రపంచం నుండి బయటపడి, యంత్రాల చెర నుంచి మానవాళిని కాపాడటానికి పోరాడటమే ఈ చిత్ర ప్రధాన కథాంశం. ఇది కేవలం మనిషికి, యంత్రానికి మధ్య జరిగే పోరాటంగా మాత్రమే కాకుండా.. సత్యానికి, భ్రమకు మధ్య జరిగే ఘర్షణగానూ నిలుస్తు...