LATEST NEWS AP TO TG

మైక్రోసాఫ్ట్ సహ-సృజనాత్మక మైక్రోసాఫ్ట్ లూప్ యాప్ ను ప్రకటించింది. ఇది భాగస్వామ్య వర్క్ స్పేస్‌ల ద్వారా టీమ్‌ సహకారంపై దృష్టి సారిస్తుంది. అలాగే ఈ టూల్ సహాయంతో ఉత్పాదకంగా, వ్యవస్థీకృతంగా ఉండటానికి బృంద సభ్యులను ప్రోత్సహిస్తుంది. మీరు మీ బృందం లేదా సంస్థ కోసం సమర్థవంతమైన ఉత్పాదకత సాధనం కోసం చూస్తుంటే మైక్రోసాఫ్ట్ లూప్ యాప్ మంచి ఎంపికగా ఉంటుంది. లూప్ యాప్ అనేది టాస్క్‌లు, ప్రాజెక్ట్‌లను ఒకే చోట నిర్వహించడానికి సమర్థవంతమైన సాధనాలను అందించడం ద్వారా వ్యక్తులు, బృందాలకు శక్తినిచ్చే సహకార సాధనం. ఈ యాప్‌ సాధనాలను వివిధ పరికరాలలో యాక్సెస్ చేయవచ్చు. మైక్రోసాఫ్ట్ లూప్ కోపిలట్ అని పిలిచే ఏఐ ఆధారిత సహాయాన్ని కూడా కలిగి ఉంది. ఇది బృందాలు కలిసి ఆలోచనలు చేయడానికి వీలు కల్పిస్తుంది లేదా వినియోగదారు ప్రాంఫ్ల ఆధారంగా మార్కెటింగ్ ప్లాన్‌ను కూడా రూపొందించవచ్చు. మైక్రోసాఫ్ట్ లూప్ యాప్ వినియోగదారులకు మూడు అంశాలను అందిస్తుంది భాగాలు, కార్యస్థలాలు, పేజీలు. ఈ మూడు అంశాల్లో సమర్థవంతమైన సహకారాన్ని నిర్ధారిస్తాయి. ఇది కొత్త అప్‌డేట్‌లతో తాజాగా ఉండటానికి అనుమతినిస్తుంది. అలాగే అన్ని మైక్రోసాఫ్ట్‌ 365 యాప్‌లకు యాక్సెస్‌ను పొందడానికి బృందాలను అనుమతిస్తుంది. చివరగా వర్క్ స్పేస్ వినియోగదారులు ప్రాజెక్ట్‌కు సంబంధించిన వ్యవస్థీకృత వీక్షణను పొందడానికి, పురోగతిని ట్రాక్ చేయడానికి అనుమతిస్తుంది. లూప్ కాంపోనెంట్లు వినియోగదారుల చాట్స్‌ ద్వారా ఆలోచనలు, అభిప్రాయాన్ని పొందేలా చేస్తాయి. ఇది సాధ్యమయ్యే ప్రతి ఆలోచనను పరిగణనలోకి తీసుకోవడానికి, కంపెనీ ఇచ్చే టార్గెట్స్‌లో సరిపోయేదాన్ని ఎంచుకోవడానికి బృందాలను అనుమతిస్తుంది. లూప్‌తో వినియోగదారులు చాట్‌లోని ఏ బృంద సభ్యులైనా సవరించగలిగే గమనికలు, టాస్క్ జాబితాలు, సంఖ్యా జాబితాలు, పట్టికలను సులభంగా సృష్టించవచ్చు. అందువల్ల ఇది మార్పుల గురించి ఎప్పటికప్పుడు తెలుసుకోవడానికి బృందాలను అనుమతిస్తుంది. లూప్‌ సహాయంతో వినియోగదారులు ఏఐ అసిస్టెంట్ కోపిలట్‌తో పాటు మైక్రోసాఫ్ట్ 365 టూల్‌కు సులభంగా యాక్సెస్ పొందవచ్చు. ఇది తమ పనిని సమర్ధవంతంగా నిర్వహించడానికి అధునాతన సాధనాలను బృందాలకు అందిస్తుంది. లూప్‌ యాప్‌ సహకారం, కమ్యూనికేషన్ను మెరుగుపరచడంలో బృందాలకు ప్రయోజనం చేకూరుస్తుంది. అలాగే సమర్థవంతమైన పని, ప్రాజెక్ట్ నిర్వహణ ద్వారా ఉత్పాదకతను ప్రోత్సహిస్తుంది. లూప్‌ యాప్‌ తెలివైన సూచనలు, పేజీ టెంప్లేట్లు, మరిన్నింటిని అందిస్తుంది. మైక్రోసాఫ్ట్ లూప్ యాప్‌ను వెబ్, ఐఓఎస్‌, ఆండ్రాయిడ్ ద్వారా సులభంగా యాక్సెస్ చేయవచ్చు. ఈ యాప్‌ అవుట్‌ లుక్‌, వర్డ్‌ ఫర్‌ ది వెబ్‌, వైట్‌బోర్డ్‌ వంటి సాధనాలతో కూడా అనుకూలంగా ఉంటుంది. అయినప్పటికీ, లూప్‌ను ఉపయోగించడానికి, వినియోగదారులు వారి వార్షిక లేదా నెలవారీ సభ్యత్వాన్ని ఇంటిలో లేదా వ్యాపార ఆకృతిలో కొనుగోలు చేయాలి. అధిక సబ్‌స్క్రిప్షన్ ప్లేతో వినియోగదారు తమ ఫైల్స్‌, వర్క్ డాక్యుమెంట్లను యాప్‌లో భద్రంగా ఉంచుకోవడానికి అదనపు స్టోరేజ్ తో పాటు ప్రత్యేక ఫీచర్లను అనుభవించవచ్చు.

వారంటీ, గ్యారెంటీ రెండు ఒకటేనని చాలా మంది భ్రమపడుతుంటారు. కానీ, ఈ రెండింటి మధ్య చాలా తేడా ఉంది. అయితే ఈ రెండు పదాల అర్థం, వాటి మధ్య తేడా ఉంది. ఏదైనా ప్రొడక్ట్ ని కొనుగోలుచేసినప్పుడు దానికి గ్యారెంటీ ఉంటే కంపెనీ తన ఉత్పత్తి నాణ్యతకు పూర్తి బాధ్యత తీసుకుంటుంది. ఆ కంపెనీ నుంచి కొనుగోలు చేసిన వస్తువులో చిన్న లోపం ఉన్నా దాన్ని రిపేర్ చేసేందుకు మెకానిక్ ను పంపుతారు. ఒకవేళ ఆ వస్తువులో పెద్ద లోపం ఉన్నట్లయితే ఆ ప్రొడక్ట్ ని వెనక్కి తీసుకొని, మరో కొత్త ప్రొడక్ట్ ని వినియోగదారులకు అందజేస్తారు. కొనుగోలు చేసిన వస్తువు వారంటీ వ్యవధిలో ఉంటే దెబ్బతిన్న వస్తువు ఉచితంగా రిపేర్ చేయబడుతుంది. వారంటీ కింద మీ వస్తువు భర్తీ చేయబడదు, కానీ మరమ్మత్తు చేయబడింది. ఈ సదుపాయం ప్రయోజనాన్ని పొందేందుకు, వస్తువుల బిల్లు, వారంటీ కార్డును తీసుకెళ్లాలి. ఇవి లేకుండా దుకాణదారుడు మరమ్మతును తిరస్కరించవచ్చు. కొనుగోలు చేసిన ప్రొడక్ట్ ని పూర్తిగా వెనక్కి తీసుకోవడం వల్ల సదరు కంపెనీకి ఎక్కువగా నష్టం ఉంటుంది కాబట్టి ఈ రోజుల్లో చాలా కంపెనీలు గ్యారెంటీకి బదులుగా వారెంటీని మాత్రమే కస్టమర్లకు అందజేస్తున్నాయి.

ఆనంద్ మహీంద్రా తాజాగా వీడియో తన ఎక్స్ (ట్విటర్) ఖాతాలో పోస్ట్ చేశారు. వీడియోలో ఇద్దరు వ్యక్తులు సోఫాలో ప్రయాణించడం చూడవచ్చు. ఈ సంఘటన చూసిన వెంటనే ఒక్క నిమిషం ఇదెలా సాధ్యమని చాలామంది షాక్ అవుతారు. ఇదెలా తయారైందో వీడియో చూస్తే మొత్తం అర్థమైపోతుంది. నిజానికి ఒక సోఫాను ఆన్‌లైన్ సోఫాను ఆర్డర్ చేసిన దానికి చక్రాలు, మోటార్ వంటి భాగాలను, దానిని కంట్రోల్ చేయడానికి ఒక హ్యాండింగ్ కూడా అమర్చారు. ఇది రోడ్దుపైన ప్రయాణించడానికి అనుకూలంగా ఉంది. ఈ వీడియోలో సోఫా ద్వారా రోడ్డుపైన ప్రయాణించే ఇద్దరి యువకులను చూడవచ్చు. ఈ వీడియో షేర్ చేసిన ఆనంద్ మహీంద్రా.. 'ఇది కేవలం ఓ సరదా ప్రాజెక్టు మాత్రమే.. అయితే ఇందులో ఆ యువకుల అభిరుచి, ప్రయత్నం తప్పకుండా ప్రశంసనీయం. ఒక దేశం ఆటోమొబైల్ రంగంలో వేగంగా అభివృద్ధి చెందాలంటే ఇలాంటి కొత్త ఆవిష్కరణలు ఎంతైనా అవసరం' అంటూ ఈ వెహికల్ చూస్తే RTO ఇన్స్‌పెక్టర్ ఎలా ఫీలవుతాడో చూడాలనుకుంటున్నా అని ట్వీట్ చేశారు. ప్రస్తుతం ఆనంద్ మహీంద్రా షేర్ చేసిన ఈ వీడియో నెట్టింట్లో తెగ వైరల్ అవుతోంది.. వేలమంది వీక్షించిన ఈ వీడియోపై కొందరు నెటిజన్లు తమదైన రీతిలో కామెంట్స్ కూడా చేస్తున్నారు. ఇందులో ఒకరు ఇలాంటి వీడియో 42 సంవత్సరాల క్రితమే వచ్చిందని దానికి సంబంధించిన వీడియో కూడా షేర్ చేశారు.

తెలంగాణ మాజీ మంత్రి కేటీఆర్ చేసిన ట్వీట్ వైరల్ అవుతోంది. మన ట్రైన్స్ ట్రాక్ పైన ఎలక్ట్రిక్ వైర్లు ఉంటాయి కదా. అలాంటివే ఎలక్ట్రిక్ వైర్లతో కూడిన ట్రాక్‌ను జర్మనీలోని ఓ ప్రాంతంలో ఏర్పాటు చేశారు. ఈ ఎలక్ట్రిక్ రోడ్ వే మీదుగా ట్రక్కులు రయ్ రయ్‌మంటూ దూసుకుపోతున్న ఒక వీడియోను కేటీఆర్ ట్వీట్ చేశారు. ఆ ఐడియాపై ప్రశంసల జల్లు కురిపించారు. ''ఇది నెక్ట్స్ లెవెల్'' అని కితాబిచ్చారు. దీనికి సంబంధించిన వీడియోను ట్విట్టర్‌లో @TansuYegen అకౌంట్‌లో డిసెంబర్ 29న పోస్ట్ చేయగా, దాన్ని మాజీ మంత్రి కేటీఆర్ డిసెంబర్ 30న రీట్వీట్ చేశారు. ఈ వీడియోకు ఇప్పటికే 3.58 లక్షల వ్యూస్, లక్షలాది లైక్స్ వచ్చాయి. జర్మనీలో ఈ ఎలక్ట్రిక్ రోడ్ వేను 'సీమెన్స్ మొబిలిటీ' కంపెనీ నిర్మించినట్లు తెలుస్తోంది. ఈ టెక్నాలజీ వల్ల ఆ రూట్‌లో రాకపోకలు సాగించే వాహనాల ఇంధన వాడకం 50 శాతం తగ్గిపోయింది. ఎలక్ట్రిక్ హైవే టెక్నాలజీలో భాగంగా హైవేపై వెళ్లే ట్రక్కుల పైభాగంలో రైళ్ల మాదిరి కరెంట్‌ సరఫరా కోసం ప్రత్యేక ఏర్పాటు ఉంటుంది. దాని నుంచి ట్రక్కులోని బ్యాటరీల్లోకి విద్యుత్‌ సరఫరా అవుతుంది. అవి రీచార్జ్‌ అవుతూ ట్రక్కు ముందుకు సాగుతుంది. హైవే నుంచి డైవర్షన్‌ తీసుకున్న తర్వాత ఎలాగూ అప్పటికే బ్యాటరీలు ఛార్జ్‌ అవుతాయి కాబట్టి అందులోని విద్యుత్‌ను వినియోగించుకుని వాహనం కదులుతుంది. ఈ టెక్నాలజీతో మార్గం మధ్యలో మళ్లీ ఛార్జింగ్‌ చేసుకోకుండా వాహనం కదులుతున్నప్పుడే చార్జ్‌ అయ్యే వెసులుబాటు ఉంటుంది. సోలార్‌ ఎనర్జీ సాయంతో రహదారులపై ట్రక్కులు, బస్సులు పరుగులు పెట్టేందుకు వీలుగా ఎలక్ట్రిక్‌ హైవేలు అభివృద్ధి చేయబోతున్నట్లు ఇటీవల కేంద్రమంత్రి నితిన్‌ గడ్కరీ వెల్లడించారు. రహదారిపై ఏర్పాటు చేసిన పవర్‌ కేబుళ్ల విద్యుత్‌ను వాడుకొని వాహనాలు సునాయాసంగా ప్రయాణిస్తాయన్నారు. ఇప్పటికే జర్మనీ, స్వీడన్‌, నార్వే వంటి దేశాల్లో ఈ సాంకేతికతను వినియోగిస్తున్నారని ఆయన తెలిపారు.

మహారాష్ట్రలోని పూణేకు చెందిన EV స్టార్టప్ టార్క్ మోటార్స్ క్రాటోస్-ఆర్ ఎలక్ట్రిక్ బైక్‌పై ఇయ్యర్ ఎండింగ్ ఆఫర్‌ను అందిస్తోంది. ఈ ఆఫర్ కింద కంపెనీ రూ.32,500 వరకు తగ్గింపును అందిస్తోంది. దీనితో పాటు డీల్‌ను మరింత మెరుగుపరచడానికి కంపెనీ తన కొత్త కస్టమర్‌లకు రూ. 10,500 వరకు సేవలను అందిస్తోంది. ఇందులో వారంటీ, డేటా ఛార్జ్, పీరియాడిక్ సర్వీస్ ఛార్జ్, ఛార్జ్‌ప్యాక్ ఉన్నాయి. కొత్త సంవత్సరానికి ముందు ఈ బైక్‌ను కొనుగోలు చేసిన తర్వాత మాత్రమే కస్టమర్‌లు ఈ ఆఫర్‌లను పొందగలరు. ఈ ఎలక్ట్రిక్ బైక్ ధర గురించి మాట్లాడితే.. Kratos-R మార్కెట్లో రూ. 1.67 లక్షల ఎక్స్-షోరూమ్ ధరతో అందుబాటులో ఉంది. Torque Kratos-R ఎలక్ట్రిక్ బైక్‌లో 4.0 kWh లిథియం-అయాన్ బ్యాటరీ ప్యాక్ ఉంది. ఇది దానిలో ఉన్న మోటారుకు 12 bhp, 38 NM శక్తిని ఉత్పత్తి చేస్తుంది. బైక్‌లో ఉన్న ‘సిటీ’ రైడ్ మోడ్‌లో దాని గరిష్ట వేగాన్ని గంటకు 70 కి.మీ. రేంజ్ గురించి చెప్పాలంటే.. ఇది ఒక్కసారి ఛార్జ్ చేస్తే 100 కి.మీ కంటే ఎక్కువ ప్రయాణించగలదు. ఇందులో నాలుగు రైడింగ్ మోడ్‌లు (ఎకో, ఎకో+, సిటీ, స్పోర్ట్స్) ఉన్నాయి.

రిఫ్రిజిరేటర్ ను సరైన ఉష్ణోగ్రత వద్ద ఉంచాలి. మారుతున్న వాతావరణానికి అనుగుణంగా టెంపరేచర్ ను ఉంచాలి. అయితే కొన్నిసార్లు ఈ విషయాన్ని సైతం ప్రజలు మర్చిపోతూ ఉంటారు. నిజానికి బయట వాతావరణం మార్పుతో ఫ్రిడ్జ్ లోని ఉష్ణోగ్రత కూడా మారుతూ ఉంటుంది. దీని కారణంగానే ఆహార పదార్థాలు కూడా తాజాగా ఉంటాయి. ఫ్రిడ్జ్ లోపల ఉష్ణోగ్రత సరిగ్గా సెట్ చేయకపోతే నిల్వ చేసిన ఆహార పదార్థాలు చెడిపోవడానికి కారణాలు అవుతాయి. ప్రస్తుతం అధునాతన రిఫ్రిజిరేటర్ల ఎక్కువగా ఉపయోగిస్తున్నారు. ఇందులో సీజన్ల వారీగా గుర్తులను ఫ్రిడ్జ్ కంపెనీల సైతం ఇస్తూ ఉంటాయి . ఫ్రిజ్ లో అలాంటి మోడ్ లేదా మార్కింగ్ లేకపోతే శీతాకాలంలో ఫ్రిడ్జ్ ని ఎలాంటి ఉష్ణోగ్రతలో ఉంచాలని విషయం తెలుసుకోవాలి. ముఖ్యంగా శీతాకాలం లో రిఫ్రిజిరేటర్ ను 1.7 నుంచి 3.3 డిగ్రీల సెల్సియస్ మధ్య ఉండేలా చూడాలి. దీని వల్ల ఫ్రిడ్జ్ లో పెట్టిన ఆహారం పాడవకుండా ఉండడమే కాకుండా విద్యుత్ వినియోగం ఆదా అవుతుంది. ఇలా ఏ కాలంలో అయితే ఆ కాలానికి అనుగుణంగా ఉష్ణోగ్రతను బట్టి రిఫ్రిజిరేటర్ టెంపరేచర్ ని మార్చుకుంటూ ఉండటం వల్ల ఫ్రిడ్జ్ జీవిత కాలం పెంచవచ్చు.

ముంబయికి చెందిన ఓ మహిళ దుబాయికి వెళ్లేందుకు విమాన టికెట్‌ బుక్‌ చేసుకోవాలనుకుంది. అందుకు గూగుల్‌లో సెర్చ్‌ చేయగా ఓ ప్రముఖ కంపెనీ పేరుతో నకిలీ వెబ్‌సైట్‌ కనిపించింది. అది అసలైన కంపెనీ అనుకుని ఆ మహిళ అక్కడున్న నెంబరుకు ఫోన్‌ చేసింది. ఓ వ్యక్తి ఆమెతో మాట్లాడుతూ ఆ కంపెనీకి తాను ప్రతినిధిని అంటూ నమ్మించాడు. టికెట్‌ బుక్‌ చేసేందుకు యాప్‌ను తన మొబైల్‌లో డౌన్‌లోడ్‌ చేసుకోవాలని కోరాడు. అతడిని నమ్మిన ఆమె అలాగే చేసింది. తన ఫోన్‌కు వచ్చే కోడ్‌ను చెప్పాల్సింది కోరాడు. కోడ్‌ను తెలుసుకున్న వెంటనే ఆమె ఫోన్‌ను తన కంట్రోల్‌లోకి తీసుకున్నాడు. దీంతో క్షణాల్లో మహిళ బ్యాంక్‌ ఖాతా నుంచి రూ. 4.4 లక్షలను స్వాహా చేశాడు. తన ఖాతా నుంచి డబ్బు మాయం కావడంతో తిరిగి ఆ వ్యక్తికి ఫోన్‌ చేసింది. అతను ఎంతకీ స్పందించకపోవడంతో తాను మోసపోయినట్లు గ్రహించింది. వెంటనే పోలీసులకు ఫిర్యాదు చేసింది. దీనిపై కేసు నమోదు చేసిన పోలీసులు దర్యాప్తు చేపట్టారు.

హ్యాకర్లు హ్యాకింగ్ చేస్తారని, ఇది తప్పు పద్ధతి లేదా చట్ట వ్యతిరేకం అని మనకు తెలుసు. కానీ, ఎథికల్ హ్యాకింగ్ తప్పు పద్ధతిగా పరిగణించబడదు. ఇలాంటి పరిస్థితుల్లో ఈ రెండింటికీ తేడా ఏంటి అనే ప్రశ్న చాలా మందిలో మెదులుతూనే ఉంటుంది. హ్యాకింగ్, ఎథికల్ హ్యాకింగ్‌ మధ్య వారి ఉద్దేశాల పరంగా,అవి చట్టబద్ధమైనవేనా అనే విషయంలో తేడా ఉంది. హ్యాకింగ్ అనేది హానికరమైన ఉద్దేశ్యంతో అనధికారిక పద్ధతిలో కంప్యూటర్ సిస్టమ్ లేదా నెట్‌వర్క్‌ని యాక్సెస్ చేసే పద్ధతి. ఇందులో డేటా చోరీకి గురవడం లేదా సిస్టమ్ కూడా ధ్వంసం అవుతుంది. హ్యాకింగ్ చట్టవిరుద్ధం,దానికి శిక్ష విధించే నిబంధన ఉంది. హ్యాకింగ్‌లో హ్యాకర్లు సిస్టమ్ యొక్క బలహీనతను గుర్తించి సిస్టమ్‌లోకి ప్రవేశించడానికి,వారి స్వంత ప్రయోజనం కోసం తప్పుడు పనులను చేయడానికి దాని ప్రయోజనాన్ని పొందుతారు. ఎథికల్ హ్యాకింగ్‌లో నెట్‌వర్క్ లేదా కంప్యూటర్ సిస్టమ్ యొక్క ఏదైనా లోపాన్ని పరిష్కరించడానికి ఇది చట్టబద్ధంగా యాక్సెస్ చేయబడుతుంది. ఎథికల్ హ్యాకింగ్‌ను వైట్ హ్యాట్ హ్యాకింగ్ అని కూడా అంటారు. ఎథికల్ హ్యాకింగ్ యొక్క లక్ష్యం సిస్టమ్‌ను రక్షించడం,అనధికారిక యాక్సెస్‌ను నిరోధించడం. ఎథికల్ హ్యాకర్లు తమ సిస్టమ్‌లు, డేటాను నిజమైన బెదిరింపుల నుండి రక్షించడంలో సంస్థలకు సహాయం చేయడంలో కీలక పాత్ర పోషిస్తారు. ఎథికల్ హ్యాకింగ్ కోసం కోర్సులు కూడా అందుబాటులో ఉన్నాయి. ఈ కోర్సు చేయడం ద్వారా అభ్యర్థులు ఫోరెన్సిక్ ఇన్వెస్టిగేటర్, సెక్యూరిటీ ఇన్వెస్టిగేటర్, నెట్‌వర్క్ సెక్యూరిటీ సిస్టమ్ అడ్మినిస్ట్రేటర్/మేనేజర్, వెబ్ సెక్యూరిటీ అడ్మినిస్ట్రేటర్,అప్లికేషన్ సెక్యూరిటీ ఎగ్జిక్యూటివ్‌గా కూడా పని చేయవచ్చు. భారతదేశంలోని ఎథికల్ హ్యాకర్ల జీతం వార్షిక ప్రాతిపదికన రూ. 1.77 లక్షల నుండి రూ. 40 లక్షల వరకు ఉంటుంది.

చైనా రోడ్డుపై పరుగులు పెట్టే ఈ ఎలక్ట్రిక్ ట్రైన్ గంటకు 60 మైల్స్ వేగంతో ప్రయాణిస్తుంది, ఒకేసారి 100 మందిని తీసుకెళ్లే కెపాసిటీని కలిగి ఉంటుంది. ఈ ట్రైన్ నగరంలో ప్రయాణించడం వల్ల సిటీ బస్సు మాదిరిగా ఎక్కువ మందికి చాలా ఉపయోగకరంగా ఉంటుంది. ఇది పూర్తిగా విద్యుత్తుతో పనిచేస్తుండం వల్ల జీరో ఉద్గారాలను విడుదల చేస్తుంది. అంటే ఇది పూర్తిగా కాలుష్య రహితమైన ట్రైన్ అని తెలుస్తోంది. ట్రాక్‌లెస్ అవసరం లేని ఈ ఎలక్ట్రిక్ ట్రైన్ వేగంగా ప్రయాణించడమే కాకుండా చాలా ఫ్లెక్సిబుల్‌గా ఉంటుంది. ప్రయాణ సమయంలో ట్రాఫిక్ సిగ్నెల్ పడితే ఆగుతుంది కూడా. ఇది ఆటోమాటిక్ టెక్నాలజీని కలిగి ఉండటం వల్ల రూట్ బాగా ఫాలో అవుతుంది. స్టీరింగ్ వీల్ కూడా ఈ టెక్నాలజీ ద్వారా ఆపరేట్ అవ్వడానికి ప్రత్యేకమైన సెన్సార్ సిస్టం కలిగి ఉంటుంది. వీడియోలు సోషల్ మీడియాలో వైరల్ అవుతున్నాయి.

'టెస్లా' త్వరలో భారత్‌లో ప్లాంట్ ఏర్పాటు చేయనున్నట్లు సమాచారం. గుజరాత్‌లో ఈ ఈవీ కార్ల తయారీ యూనిట్ ఏర్పాటు కోసం కేంద్రంతో జరిపిన చర్చలు తుది దశకు చేరుకున్నట్లు తెలుస్తోంది. వచ్చేనెలలో గుజరాత్‌లో జరిగే 'వైబ్రంట్ గుజరాత్' సదస్సులో 'టెస్లా ప్లాంట్'పై ఓ ప్రకటన వెలువడనున్నదని విశ్వసనీయంగా తెలుస్తున్నది. ఇప్పటికే దేశంలోని ప్రముఖ కార్ల తయారీ కంపెనీలు మారుతి సుజుకి, మహీంద్రా అండ్ మహీంద్రా, టాటా మోటార్స్ వంటి సంస్థలు కూడా గుజరాత్ లోనే తయారీ యూనిట్లు ఏర్పాటు చేశాయి. గుజరాత్‌తోపాటు తమిళనాడు, మహారాష్ట్రల్లోనూ ప్రొడక్షన్ యూనిట్ ఏర్పాటు అవకాశాలను టెస్లా పరిశీలించినట్లు సమాచారం. మహారాష్ట్ర, తమిళనాడు రాష్ట్రాల్లో ఈవీ కార్ల తయారీ ఎగుమతులకు అనుకూల వ్యవస్థ ఉన్నా, టెస్లా యాజమాన్యం మాత్రం గుజరాత్‌లోనే ప్లాంట్ ఏర్పాటు చేయడానికి సిద్ధపడినట్లు తెలుస్తున్నది. కాండ్లా, ముంద్రా నౌకాశ్రయాలు ఉండటమే దీనికి కారణమని చెబుతున్నారు. ఎగుమతులు, దిగుమతులకు గుజరాత్ తమకు అనువైన రాష్ట్రం అని టెస్లా భావిస్తున్నట్లు తెలుస్తున్నది. గుజరాత్ లోని సనంద్, ధొలెరా, బెచరాజీ ప్రాంతాల్లో తన ప్లాంట్ ఏర్పాటు అవకాశాలను పరిశీలిస్తున్నది. తొలుత విదేశాల నుంచి కార్లను దిగుమతి చేయనున్నది. అటుపై దేశీయంగా కార్ల తయారీ చేపడుతుందని తెలుస్తోంది. టెస్లా కార్ల తయారీ యూనిట్ ఏర్పాటు విషయమై వచ్చేనెలలో జరిగే వైబ్రంట్ గుజరాత్ సదస్సులో స్పష్టత వచ్చే అవకాశం ఉందని ఆ రాష్ట్ర వైద్యారోగ్యశాఖ మంత్రి రిషికేష్ పటేల్ తెలిపారు.

చాట్ జీపీటీ ఏఐ ప్రపంచంలో అత్యంత ప్రజాదరణ పొందిన ప్లాట్‌ఫామ్. ఇది కవిత్వం రాయడం నుండి వ్యాసం గురించి ఆలోచనలు ఇవ్వడం వరకు అనేక పనులలో మనకు సహాయం చేస్తుంది. అలాగే కోడింగ్‌లో కూడా సహాయపడుతుంది. యం తీసుకోవచ్చు.

గూగుల్ బర్డ్ సహాయంతో బార్డ్ గూగుల్ యాప్‌లు, యూట్యూబ్, మ్యాప్స్, హోటల్‌లు, విమానాలు, జీమెయిల్, డాక్స్,డ్రైవ్ వంటి సేవల నుండి సమాచారాన్ని సంగ్రహిస్తుంది. అంతేకాకుండా, ఇది కథనాలను సంగ్రహించడానికి, కంటెంట్‌ను రూపొందించడానికి, చిత్రాలను చదవడానికి కూడా ఉపయోగించబడుతుంది.

మైక్రోసాఫ్ట్ బింగ్ బ్రౌజర్ ఇప్పుడు చాట్ జీపీటీ సామర్థ్యాలతో అమర్చబడింది. వెబ్ బ్రౌజింగ్ కాకుండా, వినియోగదారులు కంటెంట్ ప్రొడక్ట్ , ఇమేజ్ ప్రొడక్ట్ వంటి అనేక ఇతర పనులను చేయవచ్చు. దీనిలో ఇమేజ్ రూపొందించడానికి కేవలం టెక్స్ట్ ఆధారిత ప్రాంప్ట్ ఇస్తే సరిపోతుంది.

ముబెర్ట్ AI మ్యూజిక్ జనరేటర్ ప్లాట్‌ఫారమ్. దీంతో వినియోగదారులు వ్యక్తిగతీకరించిన సంగీతం,సౌండ్‌ట్రాక్‌ని రూపొందించవచ్చు. సంగీతాన్ని రూపొందించడానికి, వినియోగదారులు టెక్స్ట్ ప్రాంప్ట్ మాత్రమే ఇవ్వాలి.

యానిమేకర్ AIతో యానిమేషన్ వీడియో కావాలంటే ఇప్పుడు మునుపటిలా ఫ్రేమ్‌ని డిజైన్ చేస్తూ గంటల తరబడి కూర్చోవలసిన అవసరం లేదు. ఈ ప్లాట్‌ఫారమ్ ద్వారా వీడియోను రూపొందించడానికి చేయాల్సిందల్లా మన దృష్టికి సంబంధించిన చిన్న వివరణను ఇవ్వండి. అలాగే వీడియో టోన్‌ని చెప్పాలి, దాని వ్యవధిని చెప్పాలి. దీనితో యానిమేషన్ సులభంగా సిద్ధమవువుతోంది.

మోటోవోల్ట్ మొబిలిటీ ప్రైవేటు లిమిటెడ్ కంపెనీ యూఆర్బీఎన్ ఎలక్ట్రిక్ స్కూటర్ లాంచ్ చేసింది. దీని ధర రూ. 49,999. ఇప్పటికే బుకింగ్స్ కూడా ప్రారంభించింది. రూ. 999 టోకెన్ అమౌంట్ తో బుక్ చేసుకోవచ్చు. ఈ యూఆర్బీఎన్ ఈ-బైక్ కు జ్ వందకు పైగా ఫిజికల్ రిటైల్ పాయింట్లను ఏర్పాటు చేసింది. పసుపు, బ్లూ, రెడ్, ఆరెంజ్ రంగుల్లో ఇది లభిస్తుంది. మోటోవోల్ట్ యూఆర్బీఎన్ ఎలక్ట్రిక్ స్కూటర్ బీఐఎస్ అప్రూవ్డ్ రిమూవబుల్ బ్యాటరీ ప్యాక్ తో వస్తుంది. దీనిని ఇంట్లోనే చార్జ్ చేసేసుకోవచ్చు. బైక్ ఇంటి బయట పార్క్ చేసుకొని, బ్యాటరీని ఇంట్లోకి తెచ్చుకొని చార్జ్ చేసుకోవచ్చు. దీనిలో పెడల్ అసిస్ట్ సెన్సార్ ఉంటుంది. ఇది పలురకాల రైడింగ్ మోడ్స్ ఉంటాయి. ఆటోమేటిక్ రైడ్ ప్రిఫరెన్స్ లను ఎంపిక చేసుకోవచ్చు. ఇగ్నిషన్ కీ, హ్యాండిల్ లాక్ సేఫ్టీ ఉంటుంది.ఈ-బైక్ 1,700ఎంఎం పొడవు, 645ఎంఎం వెడల్పు, 1010ఎంఎం ఎత్తు ఉంటుంది. 40కేజీల బరువు ఉంటుంది. 120 కేజీల బరువను మోయగలుగుతుంది. యూఆర్బీఎన్ ఈ-స్కూటర్ కేవలం 10 సెకండ్ల లోపే గంటకు 25కిలోమీటర్ల వేగంతో ప్రయాణించగలుగుతుంది. బ్యాటరీ లిథియం అయాన్ టైప్ ఉంటుంది. ఇది పూర్తిగా చార్జ్ అవడానికి నాలుగు గంటల సమయం పడుతుంది. దీని రేంజ్ సింగిల్ చార్జ్ పై 120 కిలోమీటర్లు వస్తుంది. దీనిలో మోటార్ 36వోల్ట్స్ సామర్థ్యంతో ఉంటుంది. బీఎల్డీసీ రకం 20 అంగుళాల చక్రాలు ఉంటాయి. దీనిలోని మోటార్ 35ఎన్ఎం నుంచి 40ఎన్ఎం వరకూ టార్క్ ను ఉత్పత్తి చేస్తుంది. ముందు, వెనుక డిస్క్ బ్రేకులు ఉంటాయి. సస్పెన్షన్ చూస్తే ముందు వైపు స్ప్రింగ్ యూనిట్స్, వెనుకవైపు హైడ్రాలిక్ కాయిల్ స్ప్రింగ్స్ ఉంటాయి. ఇవి రైడర్ కు మంచి సౌకర్యాన్ని అందిస్తాయి. ఈ ఎలక్ట్రిక్ స్కూటర్ సిటీ పరిధిలో చక్కగా ఉపయోగపడుతుంది. ఇంట్లో ఆడవారు కూడా ఇంటి అవసరాలను దీనిని వినియోగించుకోవచ్చు. లో స్పీడ్ స్కూటర్ కాబట్టి ఎటువంటి లైసెన్స్, రిజిస్ట్రేషన్ కూడా అవసరం ఉండదు.

'ఇన్‌కాగ్నిటో' మోడ్‌లో ఇంటర్నెట్ బ్రౌజ్ చేస్తున్న లక్షల మంది యూజర్ల వ్యక్తిగత డేటాను గూగుల్ ట్రాకింగ్ చేస్తున్నట్లు అభియోగాలు ఎదుర్కొంటున్నది. దీనిపై గూగుల్ యాజమాన్యానికి వ్యతిరేకంగా ఒక కంపెనీ 'క్లాస్ యాక్షన్ లా సూట్' దాఖలు చేసింది. ఈ కేసు కాలిఫోర్నియాలోని యూఎస్ డిస్ట్రిక్ట్ జడ్జి య్వోన్నె గొనాలెజ్ రోజర్స్ బెంచ్ ముందుకు విచారణకు వచ్చింది. తొలుత ఈ కేసు తిరస్కరించాలని గూగుల్ చేసిన అభ్యర్థనను న్యాయమూర్తి తిరస్కరించారు. దీంతో పిటిషనర్‌తో రాజీ ఒప్పందం కుదుర్చుకునేందుకు గూగుల్ ముందుకు వచ్చింది. అప్పటి వరకూ విచారణను నిలిపేస్తున్నట్లు న్యాయమూర్తి య్వోన్నె గొనాలెజ్ రోజర్స్ ప్రకటించారు. సదరు పిటిషనర్‌కు రూ.41 వేల కోట్లు (500 కోట్ల డాలర్లు) చెల్లించేందుకు గూగుల్ సిద్ధమైనట్లు సమాచారం. పిటిషనర్, గూగుల్ మధ్య కుదిరిన ఒప్పందం పూర్తి వివరాలు వెల్లడి కాకున్నా.. సెర్చింజన్ న్యాయవాదులు మధ్యవర్తిత్వం ద్వారా రాజీ ఒప్పందానికి కట్టుబడి ఉంటామని అంగీకరించారు. సదరు మధ్యవర్తిత్వ రాజీ ఒప్పందానికి 2024 ఫిబ్రవరి 24న న్యాయమూర్తి ఆమోదం తెలుపుతారని భావిస్తున్నారు. 'ఇన్‌కాగ్నిటో' మోడ్‌లో ఇంటర్నెట్ బ్రౌజ్ చేస్తున్న లక్షల మంది యూజర్ల వ్యక్తిగత డేటాను గూగుల్ తన గూగుల్ అనలిటిక్స్, కుకీస్, యాప్స్ ద్వారా ట్రాక్ చేస్తున్నదని సదరు పిటిషనర్ ఆరోపించారు. 'ఇన్‌కాగ్నిటో' మోడ్‌ను ఏర్పాటు చేసిందే గూగుల్. 'ఇన్‌కాగ్నిటో' మోడ్‌ అంటే ప్రైవేట్‌గా ఇంటర్నెట్ బ్రౌజింగ్ చేసే పద్దతి. ఈ మోడ్‌లో ఇంటర్నెట్ బ్రౌజ్ చేస్తున్నప్పుడు మీ 'బ్రౌజింగ్ హిస్టరీ'ని కుకీస్ ట్రాక్ చేయబోవని గూగుల్ పేర్కొంటున్నది. పిటిషన్ దాఖలు చేసిన సంస్థ తమ స్నేహితులు, హామీలు, ఫేవరెట్ ఫుడ్, షాపింగ్ హాబిట్స్ తదితర వ్యక్తిగత సమాచారాన్ని గూగుల్ దొంగిలిస్తున్నదని ఆరోపించింది. దీనిపై ఇరుపక్షాల వాదనలు విన్న తర్వాత జడ్జి రోజర్స్ స్పందిస్తూ.. ప్రైవేట్ మోడ్‌లో నెట్ బ్రౌజింగ్ చేస్తున్న యూజర్ల డేటాను సేకరించబోమని చేసిన వాగ్ధానానికి చట్టబద్ధంగా గూగుల్ కట్టుబడి ఉంటుందా? లేదా? అన్న ప్రశ్న ఉదయిస్తుందని అన్నారు. 2016 జూన్ ఒకటో తేదీ నుంచి లక్షల మంది యూజర్ల డేటాను గూగుల్ తస్కరిస్తున్నదని 2020లో సదరు సంస్థ ఈ పిటిషన్ దాఖలు చేసింది. ఇది కాలిఫోర్నియా వ్యక్తిగత గోప్యత చట్టాలను ఉల్లంఘించడమేనని, యూజర్లకు 5000 డాలర్ల నష్ట పరిహారం చెల్లించాలని ఆ పిటిషన్‌లో డిమాండ్ చేసింది.

జనవరి 17న శాంసంగ్ గెలాక్సీ S24 విడుదలయ్యే అవకాశాలు వున్నట్లు నివేదికలు సూచిస్తున్నాయి. అయితే అధికారిక లాంచ్ తేదీని కంపెనీ ప్రకటించలేదు. దేశీయ మార్కెట్లో శాంసంగ్ గెలాక్సీ ఎస్23 సిరీస్ ధర రూ. 74,999 నుంచి ప్రారంభమవుతుంది. యూరప్‌లో శాంసంగ్ గెలాక్సీ ఎస్24 బేస్ 8జీబీ ర్యామ్ + 128జీబీ స్టోరేజ్ మోడల్‌కు ఈయూఆర్ 899 (సుమారు రూ. 82వేల) ప్రారంభ ధరతో వస్తుంది. 256జీబీ స్టోరేజ్ మోడల్ ధర ఈయూఆర్ 959 (సుమారు రూ. 88వేలు) ఉండవచ్చు. గెలాక్సీ ఎస్24+ ధర 12జీబీ ర్యామ్ + 256జీబీ స్టోరేజ్ మోడల్ ధర ఈయూఆర్ 1,149 (సుమారు రూ. 1,05,000) మధ్య ఉండవచ్చు. శాంసంగ్ గెలాక్సీ ఎస్24 అల్ట్రా బ్రాండ్ నుంచి అత్యంత ప్రీమియం ఆఫర్‌గా అందించనుంది. 12జీబీ ర్యామ్ + 256జీబీ వెర్షన్ ధర ఈయూఆర్ 1,449 (సుమారు రూ. 1,33,500) ధర ఉంటుంది. శాంసంగ్ అల్ట్రా మోడల్‌ను 12జీబీ ర్యామ్+ 512జీబీ 12జీబీ + 1టీబీ వేరియంట్‌లతో రానుంది. ఈ శాంసంగ్ ధర వరుసగా ఈయూఆర్ 1,569 (దాదాపు రూ. 1,44,500), ఈయూఆర్ 1,809 (సుమారు రూ. 1,66,500) మధ్య ఉండవచ్చు.

వాట్సాప్ బిజినెస్ ద్వారా, వ్యాపారులు తమ కస్టమర్‌లతో కమ్యూనికేషన్‌ను ఏర్పాటు చేసుకుంటారు. వాట్సాప్ బిజినెస్ అనేది చిన్న వ్యాపారాలకు ఫ్రీ ఆప్షన్. అదే సమయంలో, కంపెనీ పెద్ద వ్యాపారాల కోసం పేమెంట్ API పరిష్కారాన్ని కూడా కలిగి ఉంది. అదే సమయంలో, వాట్సాప్ బిజినెస్ లోగోలో బి కూడా వ్రాయబడింది. దీని ద్వారా చిరు వ్యాపారులు తమ వ్యాపారాన్ని మరింత ఎక్కువ మందికి సులభంగా చేరుకోవచ్చు. ఈ ఖాతాలో నేరుగా కాల్, పేమెంట్ ఆప్షన్ ను కూడా సెట్ చేయవచ్చు. వాట్సాప్ యాప్ వ్యాపారం అనేక మార్కెటింగ్ సాధనాలను కూడా అందిస్తుంది. కానీ, సాధారణ వాట్సాప్‌లో అలాంటి ఫీచర్లు అందుబాటులో లేవు. వాట్సాప్ బిజినెస్ ద్వారా ఒకేసారి పెద్ద సంఖ్యలో వినియోగదారులకు ప్రసార సందేశాలను పంపవచ్చు. అయితే, వినియోగదారులు ఈ సందేశాన్ని స్వీకరించాలా వద్దా అనేది నిర్వహించవచ్చు. వాట్సాప్ యాప్ బిజినెస్ లో వ్యాపారులు QR కోడ్‌లు,క్లిక్-టు-చాట్ లింక్‌లను పొందుతారు. తద్వారా వినియోగదారులు నంబర్‌ను సేవ్ చేయకుండానే వారితో మాట్లాడగలరు. వాట్సాప్ యాప్ బిజినెస్ ద్వారా వ్యాపారులు,వ్యాపార నిపుణులు అనేక ప్రశ్నలకు ఆటోమేటిక్ ప్రత్యుత్తరాలను సెట్ చేయవచ్చు. అదేవిధంగా, ఏదైనా స్వాగత సందేశం లేదా సమాచార సందేశాన్ని కూడా ఆటోమేటిక్ రిప్లైగా సెట్ చేయవచ్చు. వాట్సాప్ యాప్ వ్యాపారం కంపెనీలకు ధృవీకరించబడిన వ్యాపార ప్రొఫైల్‌ను అందిస్తుంది. తద్వారా కస్టమర్‌లు తాము విశ్వసనీయమైన సోర్స్‌తో మాట్లాడుతున్నారని నిర్ధారించుకోవచ్చు. అంతేకాకుండా, కంపెనీలు డిపి,కవర్ ఫోటోను కూడా ఉంచవచ్చు. వాట్సాప్ బిజినెస్ కేటలాగ్‌ను సెటప్ చేయడానికి వ్యాపారులను అనుమతిస్తుంది. దీని ద్వారా కంపెనీలు తమ ఉత్పత్తులను ప్రదర్శించవచ్చు.

ఐకూ నియో 8 స్మార్ట్‌ఫోన్‌కు కొనసాగింపుగా ఐకూ నియో 9 సీరీస్ స్మార్ట్ ఫోన్‌ను తీసుకొచ్చారు. ఈ స్మార్ట్ ఫోన్‌ రెడ్‌, వైట్‌ సోల్‌, నాటికల్‌ బ్లూ, ఫైటింగ్ బ్లాక్‌ కలర్స్‌ ఆప్షన్స్‌లో లాంచ్‌ చేశారు. 12 జీబీ ర్యామ్‌, 256 జీబీ స్టోరేజ్‌ ధర రూ. 26,700, 16 జీబీ ర్యామ్‌,256 జీబీ స్టోరేజ్‌ వేరియంట్‌ ధర రూ. 29,000, 16 జీబీ ర్యామ్‌, 512 జీబీ స్టోరేజ్‌ ధర రూ. 32,600, 16 జీబీ ర్యామ్‌, 1 టీబీ స్టోరేజ్‌ ధర రూ. 37,200గా నిర్ణయించారు. ఐకూ నియో 9 సిరీస్‌లో భాగంగా ఐకూ నియో 9, నియో 9 ప్రో పేరుతో రెండు ఫోన్‌లను లాంచ్‌ చేసింది. ఇక ఈ ఫోన్‌ ఫీచర్ల విషయానికొస్తే ఇందులో 6.78 ఇంచెస్‌తో కూడిన ఓఎల్‌ఈడీ డిస్‌ప్లేను అందించారు. 1.5కే రిజల్యూషన్‌, 144 హెచ్‌జెడ్‌ రిఫ్రెష్‌ రేట్‌ను అందించారు. ఈ స్మార్ట్‌ ఫోన్స్‌లో ఫింగర్‌ప్రింట్‌ స్కానర్‌ను అందించారు. ఐకూ క్యూ1 చిప్‌ ప్రాసెసర్‌తో మంచి గేమింగ్‌ ఎక్స్‌పీరియన్స్‌ను అందిస్తుంది. ఇక ఈ స్మార్ట్ ఫోన్స్‌లో స్నాప్‌డ్రాగన్‌ 8 జెన్‌ 2 ప్రాసెసర్‌ను అందించారు. 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 16 మెగాపిక్సెల్స్‌తో కూడిన ఫ్రంట్ కెమెరాను అందించారు. ఇక ఈ స్మార్ట్‌ ఫోన్‌లో 6కే వీసీ లిక్విడ్‌ కూలింగ్ 3డీ హీట్‌ను డిసిపేషన్‌ను అందించారు. దీంతో ఫోన్‌ హీట్‌ అవ్వదు. 120 వాట్స్‌ ఫాస్ట్ ఛార్జింగ్‌కు సపోర్ట్‌ చేసే 5160 ఎమ్‌ఏహెచ్‌ బ్యాటరీని అందిస్తున్నారు. అలాగే ఈ ఫోన్స్‌లో డ్యూయల్ స్పీకర్‌, ఐఆర్‌ బ్లాస్టర్‌, ఎక్స్‌-యాక్సిస్‌ లైనర్‌ మోటర్‌, వైఫై-7ను అందించారు. ఈ రెండు ఫోన్‌లు ఆండ్రాయిడ్ 14 ఆపరేటింగ్‌ సిస్టమ్‌తో పనిచేస్తుంది.

అమెజాన్‌, ఫ్లిప్‌కార్టుల్లో వన్‌ప్లస్‌ నార్డ్‌ 3 స్మార్ట్‌ఫోన్‌ పై తగ్గింపు ప్రకటించాయి. ఈ స్మార్ట్‌ఫోన్‌ 8GB ర్యామ్‌, 128GB అంతర్గత స్టోరేజీ వేరియంట్‌ ధర రూ.4000 తగ్గింది. ఈ హ్యాండ్‌సెట్‌ రూ.29999 ధరకు అందుబాటులో ఉంది. అయితే ఈ ఆఫర్‌ ఎప్పటి వరకు ఉంటుందనే వివరాలు వెల్లడికాలేదు. 120Hz రీఫ్రెష్‌ రేట్‌తో 6.7 అంగుళాల అమోలెడ్‌ డిస్‌ప్లేను కలిగి ఉంది. మరియు ఈ ప్యానల్‌ కూడా చాలా సౌకర్యంగా ఉంటుంది. మరియు మెరుగైన పరితీరును కనబరుస్తుంది. ఆండ్రాయిడ్‌ 13.1 ఆధారిత ఆక్సిజన్‌OS 13పైన పనిచేస్తుంది. మరియు 80W సూపర్‌వోక్‌ ఫాస్ట్‌ ఛార్జర్‌తో 5000mAh బ్యాటరీని కలిగి ఉంటుంది. వెనుక వైపు ట్రిపుల్‌ కెమెరాలను కలిగి ఉంటుంది. OIS (ఆప్టికల్‌ ఇమేజ్ స్టెబిలైజేషన్‌) ఫీచర్‌తో 50MP సోనీ IMX890 ప్రధాన కెమెరా, 8MP అల్ట్రావైడ్‌ సోనీ IMX355 కెమెరా, f/2.4 అపేచర్‌తో 2MP మ్యాక్రో కెమెరాను కలిగి ఉంటుంది. మరియు ముందువైపు సెల్ఫీ, వీడియో కాల్స్‌ కోసం 16MP కెమెరాను అమర్చారు. ఈ కెమెరాలను అనేక ఫీచర్లను కలిగి ఉన్నాయి.8 GB ర్యామ్‌ + 128 GB అంతర్గత స్టోరేజీ, 16GB ర్యామ్‌ + 256GB అంతర్గత స్టోరేజీ వేరియంట్లలో అందుబాటులో ఉంది.

బొంబాయిలోని ఇండియన్ ఇన్‌స్టిట్యూట్ ఆఫ్ టెక్నాలజీ వార్షిక సైన్స్ అండ్ టెక్నాలజీ ఈవెంట్ టెక్‌ఫెస్ట్‌లో సోమ్‌నాథ్ మాట్లాడుతూ మార్పు గుర్తింపు, డేటా విశ్లేషణ, ఏఐ- సంబంధిత డేటా ఆధారిత ప్రయత్నాల పరంగా ఉపగ్రహాల సామర్థ్యాన్ని మెరుగుపరచడం చాలా ముఖ్యమని చెప్పారు. భారత దేశం బలమైన దేశంగా ఎదగాలన్న ఆకాంక్షను సాకారం చేసుకోవడానికి ప్రస్తుతం ఉన్న ఉపగ్రహ నౌకల పరిమాణం సరిపోదని, అది ఈ రోజు ఉన్న దానికంటే 10 రెట్లు అవసరమని సోమ్‌నాథ్ పేర్కొన్నారు. దేశ సరిహద్దులు, పొరుగు ప్రాంతాలపై నిఘా ఉంచే సామర్థ్యం ఈ వ్యోమనౌకకు ఉందన్నారు. ఇదంతా శాటిలైట్ల ద్వారా చూడవచ్చని సోమ్‌నాథ్ అన్నారు. అ ఉపగ్రహాలను ప్రయోగిస్తున్నాము. కానీ, ఇప్పుడు భిన్నమైన ఆలోచనా విధానం ఉంది అని ఆయన చెప్పారు. అయితే, ఏదైనా దేశం బలం దాని చుట్టూ ఏమి జరుగుతుందో తెలుసుకోగల సామర్థ్యమేనని ఇస్రో ఛైర్మన్ ఎస్. సోమ్ నాథ్ వెల్లడించారు. వచ్చే ఐదేళ్లలో పూర్తి చేసేందుకు 50 ఉపగ్రహాలను సమీకరించామన్నారు. వచ్చే ఐదేళ్లలో ఈ ప్రత్యేక జియో-ఇంటెలిజెన్స్ సేకరణలో సహకరించేందుకు భారత్‌కు పంపుతున్నామని ఆయన అన్నారు. భారత్ ఈ స్థాయిలో ఉపగ్రహాలను ప్రయోగించగలిగితే దేశం ఎదుర్కొంటున్న ముప్పులను మరింత మెరుగైన రీతిలో తగ్గించవచ్చని సోమనాథ్ చెప్పారు.

ఎలన్ మస్క్ ఎక్స్‌లో 'గ్రోక్ ఏఐ' అనే చాట్‌బాట్‌ను ప్రవేశపెట్టారు. అయితే ఈ చాట్‌బాట్‌ ఎంపిక చేసిన యూజర్లకు మాత్రమే అందుబాటులోకి తీసుకొచ్చినట్లు కంపెనీ వర్గాలు తెలిపాయి. ఈ ఏఐ చాట్‌బాట్‌ను కేవలం ఎక్స్ ప్రీమియం+ యూజర్లు మాత్రమే యాక్సెస్ చేసుకునే వెసులుబాటు ఉంది. ఎక్స్ హోమ్‌పేజ్ ఓపెన్ చేసి లాగిన్ అవగానే సైడ్ మెనూలో గ్రోక్ పేరిట న్యూ ట్యాబ్ కనిపిస్తుంది. అందులోకి వెళ్లి పూర్తి వివరాలు తెలుసుకోవచ్చని కంపెనీ తెలిపింది. గ్రోక్ఏఐ వినియోగించుకునేందుకు ప్రీమియం+ సబ్‌స్క్రైబ్ చేయాలనుకుంటే భారత్‌లో సబ్‌స్క్రిప్షన్ నెలకు రూ.1300 కాగా, వెబ్ వెర్షన్‌కు ఏడాదికి రూ.13,600గా ఉంది. చాట్‌జీపీటీ కంటే ఎక్స్‌ ప్రవేశపెట్టిన గ్రోక్‌ఏఐ చాట్‌బాట్‌ కొంత ఖరీదుగా ఉందని టెక్‌ వర్గాలు అభిప్రాయపడుతున్నాయి.

షావోమీ కార్ల తయారీ రంగంలోకి ఎంట్రీ ఇస్తుందని గతకొన్ని రోజులుగా వస్తున్న విషయం తెలిసిందే. అయితే తాజాగా ఇందుకు సంబంధించి కంపెనీ అధికారిక ప్రకటన చేసింది. ఈరోజు చైనాలో జరిగిన షావోమీ ఈవీ టెక్నాలజీ లాంచ్‌ ఈవెంట్‌లో ఈ విషయాన్ని కంపెనీ అధికారికంగా ప్రకటించింది. షావోమీ నుంచి వస్తున్న తొలి ఎలక్ట్రిక్‌ వాహనాన్ని ఆవిష్కరించింది. ఈ కారుకు షావోమీ ఎస్‌యూ7గా నామకరణం చేసింది. అత్యాధునిక ఫీచర్లు, స్టైలిష్‌ లుక్‌లో ఈ కారును తీసుకొస్తున్నట్లు కంపెనీ తెలిపింది. ఈవీ వాహనాల రంగంలో రానున్న రోజుల్లో అగ్రగామిగా రాణించాలన్నదే తమ లక్ష్యమని షావోమీ చీఫ్‌ ఎగ్జిక్యూటివ్‌ లీ జున్‌ తెలిపారు. వచ్చే 15 నుంచి 20 ఏళ్లలో ప్రపంచంలోని టాప్‌ 5 ఆటోమొబైల్ తయారీదారుల్లో ఒకరిగా ఎదుగుతామని ధీమా వ్యక్తం చేశారు. ఇప్పటికే ఈ కారు తయారీ ప్రారంభమైంది. బీజింగ్‌లోని బీఏఐసీ అనే కార్ల తయారీ కంపెనీ షావోమీ కార్లను తయారు చేయనుంది. ఏడాదికి రెండు లక్షల కార్ల తయారీచేయగల కెపాసిటీ ఈ ప్లాంట్ సొంతం. ఈ కారు 4997 ఎమ్‌ఎమ్‌ పొడవు, 1963 ఎమ్‌ఎమ్‌ల వెడల్పు, 3000 ఎమ్‌ఎమ్ వీల్‌ బేస్‌తో రానుంది. షావోమీ ఎంట్రీ లెవల్‌ కారు 73.6 కేడబ్ల్యూహెచ్‌ బ్యాటరీ ప్యాక్‌తో రానుంది. ఇక టాప్‌ ఎండ్ విషయానికొస్తే 101 కేడబ్ల్యూహెచ్‌ కెపాసిటీగల బ్యాటరీని ఇవ్వనున్నారు. ఈ కార్లలో షావోమీ ప్రత్యేకంగా సెల్‌ టు బాడీ అనే టెక్నాలజీని తీసుకొస్తోంది. ఇక ఇక ఈ కారును ఒక్కసారి ఫుల్ ఛార్జింగ్ చేస్తే ఏకంగా 800 కిలోమీటర్లు నాన్‌ స్టాప్‌గా దూసుకుపోతుందని కంపెనీ చెబుతోంది. అలాగే క్యాబిన్‌ విశాలంగా ఉండాలనే ఉద్దేశంతో క్యాబిన్‌ ఎత్తును తగ్గిస్తున్నారు. ఈ కారులో 21,000 ఆర్‌పిఎమ్ గరిష్ట రోటర్ వేగంతో వీ6, వీ6ఎస్‌లు భారీ సంఖ్యలో ఉత్పత్తి అవుతాయి.

అమెరికాలోని ఆస్టిన్⁬ టెస్లా గిగా టెక్సాస్ ఫ్యాక్టరీలో కార్ల తయారీలో ఉపయోగించే అల్యూమినియం పార్ట్⁬ను తీసుకెళ్లేందుకు రోబోలను వినియోగిస్తున్నారు. అయితే ఓ రోబోలో తలెత్తిన సాంకేతిక లోపం ఓ ఇంజనీర్ ప్రాణాల మీదకు తెచ్చింది. రోబోల మెయింటెనెన్స్⁬లో భాగంగా ఓ ఇంజనీర్ సాఫ్ట్⁬వేర్ అప్ డేట్ చేస్తుండగా ఈ ఘటన జరిగింది. మెయింటెనెన్స్ కోసం రెండు రోబోలను డిసేబుల్ చేసిన సదరు ఇంజనీర్ కు మూడో రోబోతో సమస్య తలెత్తింది. ఒక్కసారిగా ఇంజనీర్ పై దాడికి పాల్పడిన రోబో అతని వీపుతో పాటు భుజంపై గాయం చేసింది. వెంటనే అప్రమత్తమైన ఇతర సిబ్బంది రోబోను డిసేబుల్ చేసి తీవ్రంగా గాయపడిన బాధితున్ని హాస్పిటల్ కు తరలించారు. అతని వీపుతో పాటు ఎడమ చేతికి బలమైన గాయమైనట్లు డాక్టర్లు చెప్పారు. 2021 ఇంజ్యూరీ రిపోర్ట్⁬లో రోబో దాడి విషయం వెల్లడైంది. అయితే ఈ ఘటనపై స్పందించేందుకు టెస్లా నిరాకరించింది. 2021 టెస్లా టెక్సాస్ ఫ్యాక్టరీలో ఈ ఘటన మినహా మరే ప్రమాదాలు జరగలేదని రిపోర్టు స్పష్టం చేసింది. ఇదిలా ఉంటే ఉద్యోగుల భద్రత గురించి టెస్లా పట్టించుకోదని, వారి ప్రాణాలను రిస్క్⁬లో పెట్టి పనిచేయిస్తుందని పలువురు ఉద్యోగులు ఆరోపిస్తున్నాయి.

టెక్నో కంపెనీ త్వరలో టెక్నో పాప్ 8 అప్ లాంచ్ చేయబోతున్నట్లు ప్రకటించింది. అమెజాన్ స్పెషల్ గా తీసుకు వస్తున్న ఈ స్మార్ట్ ఫోన్ కీలకమైన స్పెక్స్ తో టీజింగ్ స్టార్ట్ చేసింది. ఈ ఫోన్ చాలా స్లీక్, స్టన్నింగ్ డిజైన్ తో కనిపిస్తోంది. బడ్జెట్ ఫ్రెండ్లి సిరీస్ గా ఈ టెక్నో పాప్ సిరీస్ ముందు నుండే సుపరిచితమైనది. అంటే, ఈ ఫోన్ ను కూడా బడ్జెట్ ధరలో లాంచ్ చేసే అవకాశం ఉంటుంది. ఈ టెక్నో పాప్ 8 అప్ కోసం అందించిన ప్రత్యేకమైన మైక్రో సైట్ పేజ్ నుండి ఈ ఫోన్ కీలకమైన స్పెక్స్ తో అమెజాన్ టీజింగ్ చేస్తోంది. ఈ టీజర్ పేజ్ ద్వారా, ఈ ఫోన్ లో 4GB RAM, 4GB మెమొరీ ఫ్యూజన్ కలిపి టోటల్ 8GB ర్యామ్ ఉన్నట్లు చెబుతోంది. ఈ ఫోన్ లో 64GB అంతర్గత మెమొరీ కూడా ఉన్నట్లు వెల్లడించింది. టెక్నో పాప్ 8 అప్ ఫోన్ గ్రావిటీ బ్లాక్ మరియు మిస్టరీ వైట్ రెండు కలర్ ఆప్షన్ లలో వస్తుందని కంపెనీ తెలిపింది. ఈ ఫోన్ లో వెనుక డ్యూయల్ రియర్ కేమెరా సెటప్ మరియు సింగిల్ LED ఫ్లాష్ కనిపిస్తున్నాయి. అయితే, ఈ సెటప్ చూడటానికి ఈ ఫోన్ లో వెనుక ట్రిపుల్ కెమెరా ఉన్నట్లు కనిపించే చేస్తోంది. ఇది 12MP AI డ్యూయల్ రియర్ కెమేరా సెటప్ తో వస్తోంది. ఈ ఫోన్ వెనుక ప్యానల్ లో క్రాస్ లైన్స్ కలిగిన విలక్షణమైన డిజైన్ తో కనిపిస్తోంది. టెక్నో పాప్ 8 అప్ ఫోన్ లో సెంటర్ పంచ్ హోల్ డిజైన్ సెల్ఫీ కెమేరా డిజైన్ తో కనిపిస్తోంది. దీనికి చుట్టూ నోటిఫికేషన్ బార్ ఉన్నట్లు కూడా కనిపిస్తోంది.

ఇన్ఫినిక్స్ ల్యాప్‌టాప్ సిరీస్‌లలో ఒకటైన Y సిరీస్‌ నుంచి సరికొత్త మోడల్ ఆవిష్కరించింది. ఇన్‌బుక్ Y2 ప్లస్ ల్యాప్‌టాప్ ధర కేవలం రూ. 27,490కు అందిస్తోంది. సరసమైన ధరలో ప్రీమియం లుక్, టాప్-నాచ్ ఫీచర్‌లను అందిస్తోంది. ఇన్‌బుక్ Y2 ప్లస్ అద్భుతమైన తేలికపాటి డిజైన్‌తో వస్తుంది. సన్నని, మన్నికైన మెటల్ బాడీని కలిగి ఉంటుంది. పోర్టబిలిటీ, స్థితిస్థాపకత రెండింటినీ కలిగి ఉంటుంది. అల్యూమినియం అల్లాయ్ మెటల్ డిజైన్, రగ్డ్ బ్రష్ మెటల్ ఫినిషింగ్‌తో రూపొందించిన ఈ ల్యాప్‌టాప్ ఎక్కువగా మన్నిక ఉంటుంది. పవర్, స్టైల్ మిశ్రమంగా ఉంటుంది. అత్యాధునిక 11వ జనరేషన్ ఇంటెల్ కోర్ ప్రాసెసర్‌తో ఆధారితమైన ఈ ల్యాప్‌టాప్ సున్నితమైన, సమర్థవంతమైన కంప్యూటింగ్ అనుభవాన్ని అందిస్తుంది. స్టోరేజీ పరంగా ఇన్‌బుక్ వై2 ప్లస్ పీసీఐఈ3.0తో గరిష్టంగా 1టీబీ ఎస్ఎస్‌డీని అందిస్తుంది. వినియోగదారు అనుభవం కోసం వేగంగా చదవడం, రాసేలా స్పీడ్ అందిస్తుంది. అదనంగా, పీడీ3.0 టెక్నాలజీ ద్వారా 65డబ్ల్యూ ఫాస్ట్ ఛార్జింగ్‌కు సపోర్టు ఇచ్చే 50డబ్ల్యూహెచ్ పెద్ద బ్యాటరీని కలిగి ఉంది. గరిష్టంగా 10 గంటల వెబ్ బ్రౌజింగ్‌ను అందిస్తుంది. అంతేకాకుండా, టైప్-సి నుంచి టైప్-సి ఫాస్ట్ ఛార్జింగ్ ఫీచర్ కేవలం 60 నిమిషాల్లో ల్యాప్‌టాప్‌ను 75 శాతం వరకు ఛార్జ్ చేయగలదు. 83 శాతం (sRGB) కలర్ గామట్, 260నిట్స్ బ్రైట్‌నెస్‌ను కలిగిన స్పష్టమైన రంగులతో 15.6-అంగుళాల డిస్‌ప్లేను కలిగి ఉంది. ఈ ల్యాప్‌టాప్ ఆకట్టుకునే 82శాతం స్క్రీన్ టు బాడీ రేషియోతో లీనమయ్యే వ్యూ ఎక్స్‌పీరియన్స్ అందిస్తుంది. అల్ట్రా-క్లియర్ ఫుల్ హెచ్‌డీ రిజల్యూషన్ (1920*1080) స్టీరియో సరౌండ్ సౌండ్‌ని అందించే డ్యూయల్ స్పీకర్‌లతో పాటు అసాధారణమైన ఆడియో-విజువల్ ఎక్స్‌పీరియన్స్ అందిస్తుంది.

వాట్సాప్‌ వెబ్‌ యూజర్లను మెరుగైన అనుభూతిని అందించేందుకు పనిచేస్తున్నట్లు తెలిపింది. ఫలితంగా తక్కువ కాంతిలోనూ ఎంతో సౌకర్యవంతంగా వాట్సాప్‌ను వినియోగించుకొనేందుకు వీలుంటుందని పేర్కొంది. ఫలితంగా కళ్లపై ఒత్తిడి తగ్గుతుందని తెలిసింది. దీంతోపాటు వాట్సాప్‌ వెబ్‌ సైడ్‌బార్‌, మెసెజ్‌ క్వాలిటీని అప్‌గ్రేడ్‌ చేస్తోంది. వాట్సాప్‌ సైడ్‌బార్‌ రీడిజైన్ కొనసాగుతున్నందున ప్రస్తుతం ప్రత్యేక బ్యాక్‌గ్రౌండ్‌ కలర్‌ను ఆవిష్కరించేందుకు ప్రయత్నం చేస్తోంది. ఈ మార్పులతో వాట్సాప్‌ ఇంటర్‌ఫేస్‌ మరింత మెరుగ్గా కనిపిస్తుందని తెలుస్తోంది. అయితే దీని ప్రధాన ఉద్దేశం తక్కువ కాంతిలోనూ కళ్లపై ఒత్తిడి ఉండేలా అభివృద్ధి చేయడమే లక్ష్యంగా తెలుస్తోంది. ఆండ్రాయిడ్‌ వినియోగదారుల అంచనాలను అనుగుణంగా రంగుల్లో మార్పులు జరుగుతున్నాయి. ఇందులో టార్క్‌ థీమ్‌, కిందన ఉన్న నావిగేషన్‌ ఉన్నాయి. ప్రస్తుతం ఈ కొత్త బ్యాక్‌గ్రౌండ్‌ అభివృద్ధి జరుగుతోందని సమాచారం. ఈ మార్పులు అన్ని అందుబాటులోకి వాట్సాప్‌ ఇంటర్‌ఫేస్‌ మరింత ఆకర్షణీయంగా కనిపిస్తుందని తెలుస్తోంది. వాట్సాప్‌ స్టేటస్ అప్‌డేట్స్‌ కోసం కొత్త లేఅవుట్‌ను టెస్టింగ్‌ చేస్తోందని తెలుస్తోంది. అయితే ప్రస్తుతం ఈ ఫీచర్‌ ఆండ్రాయిడ్‌ బీటా టెస్టర్‌లకు మాత్రమే అందుబాటులో ఉన్నట్లు తెలుస్తోంది. వాట్సాప్‌ ఫీచర్ ట్రాకర్‌ WABetainfo ఈ వివరాలను వెల్లడించింది. వాట్సాప్‌ స్టేటస్‌ అప్‌డేట్స్‌లో మరో రెండు అదనపు బటన్లను విడుదల చేస్తున్నట్లు తెలుస్తోంది. కెమెరా, పెన్సిల్‌ ఐకాన్లు ఉండనున్నాయి. వీటి ద్వారా ఫొటో, వీడియో సహా ఇతర టెక్ట్స్‌లను స్టేటస్‌ అప్‌డేట్లుగా షేర్‌ చేసేందుకు వీలుంటుందని తెలుస్తోంది. ఈ కొత్త ఫీచర్‌ వాట్సాప్‌ వినియోగదారుల అనుభవాన్ని మెరుగుపరుస్తుందని తెలుస్తోంది. గతంలో వాట్సాప్‌ రెండు ఫ్లోటింగ్‌ యాక్షన్‌ బటన్లను కలిగి ఉండేది. వీటి ద్వారా స్టేటస్‌లో కంటెంట్‌ను షేర్‌ చేసుకొనే వీలుంటుంది. అనంతరం ఛానల్‌ ట్యాబ్‌ను అప్‌డేట్‌ ట్యాబ్‌లో మెర్జింగ్‌ చేశారు. మరియు కెమెరా, పెన్సిల్‌ ఐకాన్‌లను స్టేటస్‌ అప్‌డేట్స్‌లో ఇంటిగ్రేట్‌ చేసింది. అయితే వినియోగదారులకు మరింత మెరుగైన అనుభూతిని ఇచ్చేందుకు వాట్సాప్‌ ప్రయత్నం చేస్తున్నట్లు తెలుస్తోంది.

యాపిల్ మాజీ ఉద్యోగులు బెథానీ బొంగియోర్నో, ఇమ్రాన్ చౌదరి స్థాపించిన ఏఐ స్టార్టప్ హ్యూమన్ జూలైలో మొదటిసారిగా ఏఐ పిన్ స్మార్ట్ పరికరాన్ని ప్రదర్శించింది. నవంబర్‌లో ప్రెస్ బ్రీఫింగ్‌లో చౌదరి కొత్త ధరించగలిగే స్మార్ట్‌ఫోన్‌లను ఎలా భర్తీ చేయగలదో చెప్పారు. ఏఐ శక్తితో ధరించే ఈ ఉత్పత్తి కొత్త ఆలోచనా విధానం, ఒక కొత్త అవకాశం లాంటిదని ఆయన పేర్కొన్నారు. ఈ పరికరం ప్రస్తుతం ప్రీ-ఆర్డర్‌ల కోసం కూడా అందుబాటులోకి వచ్చింది, అయితే ఈ పరికరాన్ని షిప్పింగ్ ఎప్పుడు ప్రారంభిస్తుందో కంపెనీ వెల్లడించలేదు. హ్యూమన్‌ ఏఐ పిన్‌ గురించి వివరాలను తెలుసుకుందాం. హ్యూమన్ ఇప్పుడు ఏఐ ధరించగలిగిన షిప్పింగ్ మార్చి 2024 లో ప్రారంభమవుతుందని ప్రకటించింది . ఈ మేరకు సోషల్ మీడియా ప్లాట్‌ఫామ్ ఎక్స్‌లో వివరాలను పోస్ట్‌ చేసింది. ప్రీ ఆర్డర్‌ చేసిన తేదీ ఆధారంగా త్వరలోనే అన్ని ఆర్డర్లు షిప్పింగ్‌ చేస్తామని పేర్కొన్నారు. ఇంతకు ముందు ఉంచిన ఏఐ వేరబుల్స్‌కు సంబంధించిన ప్రీ-ఆర్డర్‌లు ముందుగా షిప్పింగ్‌కు వస్తాయని ఇది సూచిస్తుంది. ఈ ఏఐ పిన్‌ ధర 699 డాలర్ల నుంచి ప్రారంభం అవుతుంది. అంటే మన కరెన్సీ 56 నుంచి 60 వేల రూపాయలు ఉంటుంది. అలాగే ఈ పిన్‌ పని చేయాలంటే సెల్యులార్ డేటా, ఫోన్ నంబర్ కోసం నెలవారీ 24 డాలర్ల చందా అవసరం. ఈ పరికరం మూడు రంగుల ఎంపికలలో అందుబాటులో ఉంది ఎక్లిప్స్ (నలుపు) 699 డాలర్లు, మూన్‌ (పాలిష్ చేసిన క్రోమ్‌తో తెలుపు) 799 డాలర్లు, ఎక్వినాక్స్‌ (నలుపు పాలిష్ చేసిన క్రోమ్) 799 డాలర్లు. హ్యూమన్ ఏఐ పిన్ ప్రాథమికంగా ధరించగలిగే పరికరం. ఇది ఏఐ టెక్నాలజీ ద్వారా పని చేస్తుంది. ఈ పిన్‌లో స్నాప్‌డ్రాగన్ చిప్‌సెట్‌ ఆకర్షనీయంగా ఉంటుంది. డిస్‌ప్లేకు బదులుగా ఇది వినియోగదారు చేతి వంటి ఉపరితలాలపై సమాచారాన్ని ప్రొజెక్ట్ చేసేలా ప్రొజెక్టర్‌ను కలిగి ఉంటుంది. ఈ హ్యూమన్ వేరబుల్‌లోని ఏఐ ఇంటిగ్రేషన్, భాషా అనువాదం, వాయిస్ ఆధారిత సందేశం, సమాచారం కోసం శోధించడం, ఇమెయిల్‌లను యాక్సెస్ చేయడం, వంటి వివిధ చర్యలను నిర్వహించడానికి అనుమతిస్తుంది. అయితే వినియోగదారులు ఈ చర్యలను ప్రారంభించడానికి వాయిస్ సూచనలను అందించాలి. ఇది ఎలా పని చేస్తుందో వివరించడానికి కంపెనీ ఇటీవల ఓ యూట్యూబ్ వీడియోను కూడా షేర్ చేసింది.

మైక్రోసాఫ్ట్ బింగ్ చాట్ ను కోపైలట్ గా రీబ్రాండ్ చేసింది. ఇప్పుడు కంపెనీ ఆండ్రాయిడ్ వినియోగదారుల కోసం ప్రత్యేక యాప్ ను విడుదల చేసింది. ఈ యాప్ ఛాట్ జీపీటీని పోలి ఉంటుంది. అయితే ఇందులో కొన్ని అదనపు ఫీచర్లు అందుబాటులో ఉన్నాయి. మీరు ఈ యాప్ని గూగుల్ ప్లేస్టోర్ నుంచి డౌన్లోడ్ చేసుకోవచ్చు. మైక్రోసాఫ్ట్ కోపైలట్ యాప్ లో ఛాట్ జీపీటీ వంటి ప్రశ్నలు అడిగే సదుపాయాన్ని పొందుతారు. ఇది కాకుండా ఇమేజ్ క్రియేషన్, ఈ-మెయిల్స్, డాక్యుమెంట్ల కోసం డ్రాఫ్ట్ నోట్స్, డాల్-ఈ 3 ద్వారా జీపీటీ-4 సౌకర్యాన్ని కలిగి ఉంది. జీపీటీ-4 అనేది ఓపెన్ ఏఐ ఛాట్ జీపీటీలో పేమెంట్ ఫీచర్. అయితే ఇది కోపైలట్ లో ఉచితం. ప్రస్తుతం కంపెనీ ఈ యాప్ ను ఆండ్రాయిడ్ వినియోగదారుల కోసం మాత్రమే విడుదల చేసింది. ఈ యాప్ రాబోయే కాలంలో ఐవోఎస్ వినియోగదారుల కోసం కూడా అందుబాటులోకి రావచ్చు. యాప్ ని ఉపయోగించడానికి లాగిన్ అవ్వాలి. దీన్ని మొదటిసారి ఉపయోగించినప్పుడు రిజిస్టర్ చేసుకోవాలి. కంపెనీ వెబ్ సైట్ నుంచి కూడా కోపైలట్ ను యాక్సెస్ చేయవచ్చు. దీని కోసం మీరు copilot.Microsoft.comకి వెళ్లాలి. ఇక్కడ మీరు మైక్రోసాఫ్ట్ ఖాతా, స్కైప్ లేదా మొబైల్ నంబర్ ద్వారా లాగిన్ చేయవచ్చు.

క్యూఆర్‌ కోడ్‌ను హోమ్‌ పేజీపై షార్ట్‌కట్‌ క్రియేట్‌ చేయాలంటే కచ్చితంగా జీపే యాప్ తాజాగా ఉండాలి. స్మార్ట్‌ఫోన్ హోమ్ స్క్రీన్‌పై క్యూఆర్‌ కోడ్ స్కానర్ షార్ట్‌కట్‌ను రూపొందించడానికి జీపే '’స్కాన్ ఏదైనా క్యూఆర్‌ఎంపికను ఎక్కువసేపు నొక్కండి. ఈ షార్ట్‌కట్ కెమెరాను తెరుస్తుంది. క్యూఆర్‌ కోడ్‌లను స్కాన్ చేస్తుంది. అలాగే మూడో పక్ష భాగస్వాముల నుంచి మద్దతు ఉన్న యూపీఐ క్యూఆర్‌ కోడ్‌లకు చెల్లింపులు చేయడానికి వినియోగదారులను అనుమతిస్తుంది. జీపే ఖాతాకు చెల్లింపును స్వీకరించడానికి టాప్‌ రైట్‌లో ఉన్న క్యూఆర్‌ కోడ్ లోగోపై క్లిక్ చేయాలి. ఇలా చేయడం ద్వారా మీ జీపే ఖాతాకు లింక్ చేసిన మీ వ్యక్తిగత క్యూఆర్‌ కోడ్‌ను వేగంగా తెరవచ్చు. అలాగే అర్హత ఉన్న రూపే క్రెడిట్ కార్డ్‌లను కలిగి ఉన్నవారికి జీపే యాప్‌లో అందుబాటులో ఉన్న సంబంధిత చెల్లింపు ఎంపికపై క్లిక్ చేయడం ద్వారా అదే ఎంపికను ఉపయోగించి యూపీఐ చెల్లింపులు చేయవచ్చు. క్యూఆర్‌ కోడ్‌ షార్ట్‌కట్‌తో ప్రతిరోజూ కనీసం ఐదు యూపీఐ చెల్లింపులు చేయడం, సమయాన్ని ఆదా చేయడం, ప్రక్రియను క్రమబద్ధీకరించడం వంటి వ్యక్తులకు ఈ ఫీచర్ ఎంతో సహాయపడుతుంది. అదనంగా ప్రతి చెల్లింపుకు పిన్‌ ఆధారిత ప్రమాణీకరణ అవసరం, ఫీచర్ యొక్క సంభావ్య దుర్వినియోగం గురించి ఆందోళనలను తగ్గిస్తుంది. సామ్‌సంగ్‌ స్మార్ట్‌ఫోన్ వినియోగదారులు సామ్‌సంగ్‌ పేలో అందుబాటులో ఉన్న సారూప్య ఫీచర్ నుంచి ప్రయోజనం పొందవచ్చు. యూపీఐ చెల్లింపులు, క్రెడిట్, డెబిట్ కార్డ్ లావాదేవీలను అనుమతిస్తుంది. జీపేకు డిజిటల్ క్రెడిట్, డెబిట్ కార్డ్‌లను జోడించడం వల్ల యూపీఐ చెల్లింపులను అంగీకరించని సంస్థలలో ఎన్‌ఎఫ్‌సీ చెల్లింపులను సులభతరం చేస్తుంది.

వాట్సాప్‌ వెబ్‌ వర్షన్‌ నుంచి కూడా వాట్సాప్‌ స్టేటస్‌ ను అప్‌డేట్‌ చేసుకునేలా ఫీచర్‌ను వాట్సాప్‌ తీసుకురాబోతోంది. ప్రస్తుతం వాట్సాప్‌ బీటా వెర్షన్‌లో ఫీచర్‌ టెస్టింగ్‌ దశలో ఉన్నది. ప్రస్తుతం కేవలం మొబైల్‌లోనే స్టేటస్‌ను అప్‌డేట్‌ చేసుకునే అవకాశం ఉంది. త్వరలోనే కంప్యూటర్ లో అప్డేట్ చేసుకొనే అవకాశాన్ని అందిస్తుంది.. వాట్సాప్ యూజర్లు నాలుగు వేర్వేరు డివైజెస్‌లో ఒకే అకౌంట్‌ను లాగిన్‌ చేసుకునే వీలుంటుంది. స్టేటస్‌లో వాట్సాప్ వెబ్ నుంచి స్టేటస్‌లకు ఫొటోలు, వీడియోలు, టెక్స్ట్ ను షేర్‌ చేసే అవకాశం వాట్సాప్‌ కల్పిస్తోంది. ఫీచర్‌ సహాయంతో వెబ్ వెర్షన్‌ లేదంటే.. లింక్‌ చేయబడిన కంపానియన్‌ నుంచి స్టేటస్‌ను అప్‌డేట్‌ చేసుకోవచ్చు. ప్రస్తుతం ఈ ఫీచర్‌ వాట్సాప్‌ బీటా వెర్షన్‌ను అందుబాటులో ఉందని తెలుస్తుంది. ఈ కొత్త ఫీచర్ అందరికీ అందుబాటులోకి వచ్చిన తర్వాత అందుబాటులోకి వస్తే ల్యాప్‌టాప్‌, కంప్యూటర్ల నుంచి సైతం వాట్సాప్‌ను అప్‌డేట్‌ చేసుకునే అవకాశం కలుగనున్నది. స్టేటస్‌ అప్‌డేట్‌ చేసిన సమయంలో కంటెంట్ మొత్తం ఎండ్-టు-ఎండ్ ప్రొటెక్ట్ చేయబడుతుందని వాట్సాప్‌ బీటా ఇన్ఫో తెలిపింది.. ఈ ఫీచర్ ముందుగా ఆండ్రాయిడ్ యూజర్స్ కు అందుబాటులోకి రానుంది.. ఇప్పటి వరకు వచ్చిన ఫీచర్స్ అన్ని కూడా యూజర్స్ కు సంతృప్తిని ఇచ్చాయని తెలుస్తుంది.. ఇక ముందు ఇంకా మరెన్నో ప్రైవసీ ఫీచర్స్ ను తీసుకురావాలనే యోచనలో వాట్సాప్ ఉంది.

విండోస్ కంప్యూటర్లలోని పవర్ ఆప్షన్లలో స్లీప్ మోడ్ మంచిదా ? షట్ డౌన్ మోడ్ మంచిదా ? హైబర్నేట్ మోడ్ మంచిదా ? వీటిలో బెస్ట్ ఆప్షన్ ఏది అనే డౌట్ చాలామందికి వస్తుంటుంది. వాస్తవానికి ఈ మూడు ఆప్షన్లకు తోడుగా ఫాస్ట్ స్టార్టప్ అనే మరో ఆప్షన్ను కూడా మైక్రోసాఫ్ట్ జోడించింది. మనం 'హైబర్నేట్ మోడ్‌'ను వాడితే.. కంప్యూటర్ ర్యామ్లోని కంటెంట్ను హార్డ్ డిస్క్ లేదా ఎస్ఎస్డీలో సేవ్ చేస్తుంది. ఆ తర్వాతే కంప్యూటర్ పవర్ ఆఫ్ అవుతుంది. మనం ఎక్కువ అప్లికేషన్లు ఓపెన్ చేసినప్పుడు, కంప్యూటర్ హైబర్నేట్ కావడానికి కాస్త ఎక్కువ సమయం పడుతుంది. మనం మళ్లీ కంప్యూటర్ ఆన్ చేసినప్పుడు.. అంతకుముందు ఉపయోగించిన అప్లికేషన్లు అన్నీ బ్యాకప్ అవుతాయి. ప్రొఫెషనల్స్కు, చాలా అప్లికేషన్లు వాడేవారికి హైబర్నేట్ ఆప్షన్ ఉపయోగపడుతుంది. కంప్యూటర్‌ను లోపవర్ మోడ్లో ఉంచే ఆప్షన్ పేరే 'స్లీప్ మోడ్'. ఈ మోడ్లో ఉన్నప్పుడు కంప్యూటర్‌లోని ర్యామ్కు పవర్ సప్లై అవుతుంది. ఫలితంగా మీరు పీసీలో ఉపయోగించిన అన్ని యాప్లు, డేటా ప్రాసెస్లోనే ఉంటాయి. ఈ దశలో కంప్యూటర్ పవర్ ఆఫ్ చేసినా, ఎటువంటి డేటాను కోల్పోయే ఛాన్స్ ఉండదు. 'స్లీప్ మోడ్'లో ఉన్నప్పుడు.. ఫుల్ షట్డౌన్ కంటే త్వరగా యాప్‌లు రీలోడ్ అవుతాయి. ఇలాంటి దశలో పీసీ లేదా ల్యాప్టాప్లో బ్యాటరీ ఛార్జ్ అయిపోయినప్పుడు ర్యామ్లో ఉన్న సమాచారం అంతా పోతుంది. అందుకే ఈ మోడ్లో ఉంచేటప్పుడు పవర్ సప్లై జరిగేలా చూసుకోవడం అవసరం. కంప్యూటరులో 'షట్ డౌన్' ఆప్షన్ వాడితే.. అప్పటి వరకు ఓపెన్ చేసి ఉన్న యాప్లన్నీ క్లోజ్ అవుతాయి. ఏ అప్లికేషన్, డేటా కూడా ప్రిజర్వ్ కాదు. మళ్లీ మీరు పీసీ ఓపెన్ చేయాలనుకుంటే మొత్తం రీబూట్ అవుతుంది. షట్డౌన్ ఆప్షన్ అనేదది కంప్యూటర్కు పవర్కట్ చేస్తుంది. స్లీప్, హైబర్నేట్లతో పోలిస్తే కంప్యూటర్ షట్డౌన్ కావడానికి ఎక్కువ టైమే పడుతుంది. కొద్దిసేపు కంప్యూటర్ను ఉపయోగించము అనుకున్న టైంలో కంప్యూటరును స్లీప్ మోడ్లో ఉంచొచ్చు. కంప్యూటరు బ్యాటరీలో తగినంత ఛార్జింగ్ ఉన్నప్పుడే ఈ ఆప్షన్ను ఉపయోగించుకుంటే బెస్ట్. కంప్యూటరు బ్యాటరీ పవర్ తక్కువగా ఉన్నప్పుడు సిస్టమ్ను ఎక్కువ టైం ఉపయోగించాలనుకుంటే హైబర్నెట్ ఆప్షన్ బెస్ట్. కంప్యూటరులో వర్క్ అంతా పూర్తయ్యాక షట్డౌన్ ఆప్షన్‌ను ఎంచుకోవాలి. కంప్యూటరు ప్రతిసారీ కొత్తగా ప్రారంభించాలి అనుకుంటే మైక్రోసాఫ్ట్ వాళ్లు అందించిన ఫాస్ట్ స్టార్టప్ ఆప్షన్ను వాడాలి.

డీప్‌ఫేక్‌ సమస్యకు చెక్ పెట్టే చర్యలపై కేంద్ర ఎలక్ట్రానిక్స్ అండ్‌ ఇన్ఫర్మేషన్ టెక్నాలజీ మంత్రిత్వ శాఖ దృష్టి పెట్టింది. సోషల్ మీడియాలో ఆర్టిఫిషియల్ ఇంటెలిజెన్స్ జనరేటెడ్‌ కంటెంట్‌ను నియంత్రించే లక్ష్యంతో కొన్ని సూచనలు జారీ చేసింది. ఐటీ నిబంధనలను సంబంధిత కంపెనీలు కచ్చితంగా ఫాలో అవ్వాలని స్పష్టం చేసింది. ఇటీవల వివిధ సోషల్ మీడియా ప్లాట్‌ఫామ్స్‌లో ప్రముఖ సినీతారలు, రాజకీయ నాయకుల డీప్‌ఫేక్‌ వీడియోలు వైరల్‌ అయిన సంగతి తెలిసిందే. ఈ నేపథ్యంలో ప్రభుత్వం ఈ కీలక నిర్ణయాలు తీసుకుంది. కేంద్ర ఐటీ శాఖ మంత్రి అశ్విని వైష్ణవ్, ఐటీ శాఖ సహాయ మంత్రి రాజీవ్ చంద్రశేఖర్ నవంబర్ 22, 23 తేదీల్లో టెక్నాలజీ కంపెనీలతో విస్తృతంగా చర్చించారు. ఈ క్రమంలో తాజాగా కొన్ని సూచనలు జారీ చేశారు. ఇన్ఫర్మేషన్ టెక్నాలజీ (ఇంటర్మీడియరీ గైడ్‌లైన్స్‌ అండ్‌ డిజిటల్‌ మీడియా ఎథిక్స్‌ కోడ్‌) రూల్స్, 2021 కింద అనుమతి లేని కంటెంట్‌ గురించి ఆయా టెక్‌ కంపెనీలు వినియోగదారులకు స్పష్టంగా కమ్యూనికేట్ చేయాలి. రూల్ 3(1)(బి) కింద ఈ కంటెంట్‌ను లిస్టు చేశారు. ఏదైనా సోషల్ మీడియా ప్లాట్‌ఫామ్‌లో యూజర్లు ఇనీషియల్‌ రిజిస్ట్రేషన్‌ చేసుకుంటున్న సమయంలోనే నిషేధిత కంటెంట్ గురించి తెలియజేయాలి. పరిమితులకు సంబంధించి రెగ్యులర్ రిమైండర్లు తప్పనిసరిగా అందించాలి. ముఖ్యంగా లాగిన్ అయిన ప్రతి సందర్భంలో ప్లాట్‌ఫామ్‌లో ఇన్‌ఫర్మేషన్‌ అప్‌లోడ్ చేసేటప్పుడు లేదా షేర్‌ చేస్తున్నప్పుడు రిమైండ్‌ చేయాలి. మెటా కంపెనీకి చెందిన ఇన్‌స్టాగ్రామ్, వాట్సాప్, గూగుల్‌ కంపెనీకి చెందిన యూట్యూబ్, ఇతర ప్రధాన సోషల్ మీడియా కంపెనీలకు ప్రభుత్వం కొన్ని సూచనలు చేసింది. డీప్‌ఫేక్ కంటెంట్‌ను ఉద్దేశపూర్వకంగా క్రియేట్‌ చేస్తే ఎదుర్కొనే పెనాల్టీల గురించి వినియోగదారులకు తెలియజేయాలని పేర్కొంది. రూల్ 3(1)(బి)ని ఉల్లంఘించిన సందర్భంలో భారతీయ శిక్షాస్మృతి 1860, IT చట్టం, 2000, ఇతర సంబంధిత చట్టాల ప్రకారం ఎదుర్కొనే చట్టపరమైన చర్యలు గురించి వినియోగదారులు పూర్తిగా తెలుసుకోవాలి. ఇన్ఫర్మేషన్ టెక్నాలజీ (ఇంటర్మీడియరీ గైడ్‌లైన్స్‌ అండ్‌ డిజిటల్‌ మీడియా ఎథిక్స్‌ కోడ్‌) రూల్స్, 2021లోని రూల్ 3(1)(బి)(వీ) ఇప్పటికే డీప్‌ఫేక్‌లను స్పష్టంగా ప్రస్తావించింది. ఈ నియమం మధ్యవర్తులను మోసగించే లేదా తప్పుదారి పట్టించే సమాచారాన్ని హోస్ట్ చేయడం, డిస్‌ప్లే చేయడం, అప్‌లోడ్ చేయడం, మాడిఫై చేయడం, పబ్లిష్‌ చేయడం, ఇతరులకు ట్రాన్స్‌ఫర్‌ చేయడం, స్టోర్‌ చేయడం, అప్‌డేట్‌ చేయడం లేదా షేర్‌ చేయడం నిషేధిస్తుంది. కొత్త అడ్వైజరీ జారీ చేయడమంటే కొత్త చట్టాన్ని ప్రవేశపెట్టడం కాదని, డీప్‌ఫేక్‌లపై ఇప్పటికే ఉన్న చట్టపరమైన ఫ్రేమ్‌వర్క్‌కు కట్టుబడి ఉండాలని సంస్థలకు గట్టిగా సూచించడమని ప్రభుత్వం స్పష్టం చేసింది. నిషేధిత కంటెంట్ గురించి వినియోగదారులకు అవగాహన కల్పించడం, నిబంధనలు తెలియజేయడం వంటి క్రియాశీల చర్యలను అనుసరించడానికి ప్లాట్‌ఫారమ్‌లను ప్రోత్సహించడంపై ప్రభుత్వం దృష్టి పెట్టింది. ఈ సూచనల అమలును పర్యవేక్షించాలని మంత్రిత్వ శాఖ యోచిస్తోంది. ప్లాట్‌ఫారమ్‌లు రూల్స్ పాటించడంలో విఫలమైతే, అమలును మెరుగుపరచడానికి, ఏదైనా అస్పష్టతను తొలగించడానికి నిబంధనలను సవరించే అవకాశం ఉంది.

కొత్త ఏడాదికి ముందు నైక్ వందలాది ఉద్యోగాలను తొలగించనున్నట్లు ప్రకటించింది. నైక్ కొన్ని సర్వీస్‌ల ఆటోమేషన్‌ను $2 బిలియన్ల ఖర్చులకు పెంచాలని యోచిస్తున్నట్లు గార్డియన్ నివేదించింది. గత ఏడాది పేలవమైన అమ్మకాల కారణంగా నైక్ వివిధ విభాగాల్లో ఖర్చులను తగ్గించుకుంది. నైక్ సంస్థను క్రమబద్ధీకరించడానికి చర్యలు తీసుకుంటున్నామని మరియు మార్పులపై మరియు ప్రధానంగా ఉద్యోగుల చెల్లింపులపై $450 వరకు ఖర్చు చేయనున్నట్లు తెలిపింది. గత మూడు నెలల్లో అమ్మకాలలో 1% అప్‌స్టిక్ స్వల్పంగా ఉన్నప్పటికీ, 2023లో నైక్ గణనీయమైన అమ్మకాల పెరుగుదలను చూడలేదు.

ఓపెన్ఏఐ ఇంటరాక్టివ్ ఏఐ చాట్‌బాట్ చాట్‌జీపీటీని ప్రవేశపెట్టిన అనంతరం ఆర్టిఫిషియల్ ఇంటెలిజెన్స్ టెక్ ప్రపంచంలో హాట్ డిబేట్‌గా మారింది. గూగుల్‌, మైక్రోసాఫ్ట్ వంటి టెక్ దిగ్గజాలు తమ సొంత ఏఐ చాట్‌బాట్స్‌ను ప్రవేశపెట్టగా మెటా సైతం ఏఐ రేస్‌లోకి ఎంట్రీ ఇచ్చింది. ఏఐ అసిస్టెంట్‌తో పాటు స్మార్ట్ గ్లాసెస్ లాంఛ్ చేయనున్నట్టు ఈ ఏడాది సెప్టెంబర్‌లో మెటా ప్రకటించింది. ఇక ఈ ప్రపంచంలోనే అత్యంతాధునిక టెక్నాలజీతో ఏఆర్ గ్లాసెస్‌ను ప్రవేశపెడతామని మెటా సీటీవో ప్రకటించారు. వినిమయ ఎలక్ట్రానిక్స్ విభాగంలో స్మార్ట్ గ్లాసెస్ అత్యాధునిక టెక్నాలజీతో కూడినవని మెటా సీటీవో ఆండ్రూ బాస్‌వర్త్ పేర్కొన్నారు. ఈ ప్రాజెక్టును అంతర్గతంగా ప్రాజెక్ట్ నజారేగా వ్యవహరిస్తారు. మనం స్మార్ట్‌ఫోన్లను ఏమాత్రం ఉపయోగించని రోజులను దృష్టిలో ఉంచుకుని ఈ గ్లాసులను డిజైన్ చేస్తున్నారు. తొలి ప్రొటోటైప్ 2024లో ఆవిష్కరించేందుకు మెటా ఉద్యోగులు కసరత్తు సాగిస్తుండగా, అత్యాధునిక డిజైన్లు 2029 నాటికి సిద్ధమవుతాయని భావిస్తున్నారు. ఈ గ్లాస్‌లు ప్రామాణిక వీడియో కాల్స్‌కు వెలుపల ఇతరుల హాలోగ్రామ్స్‌తో ఇంటరాక్ట్ అయ్యే వెసులుబాటుతో పాటు యూజర్లకు అద్భుతమైన ఎక్స్‌పీరియన్స్ అందిస్తాయని చెబుతున్నారు. ఇక మెటా ఇప్పటికే రేబాన్ సహకారంతో న్యూ స్మార్ట్ గ్లాసెస్‌ను ప్రకటించగా ఇవి మ్యూజిక్ ప్లే చేయడం, ఫొటోలు తీయడం, వీడియోలను రికార్డు చేయడంతో పాటు ఆయా ఈవెంట్స్‌ను నేరుగా ఫేస్‌బుక్‌, ఇన్‌స్టాగ్రామ్‌లో లైవ్ స్ట్రీమింగ్ చేసే వెసులుబాటు కల్పిస్తాయి.

ఫాక్స్‌కాన్‌కు చెందిన హాన్ హాయ్ ప్రెసిషన్ ఇండస్ట్రీస్ ప్రతినిధి వీ లీ నేతృత్వంలోని బృందం ముఖ్యమంత్రి రేవంత్ రెడ్డిని సచివాలయంలో కలిసింది. ఈ సందర్భంగా సీఎం రేవంత్‌ మాట్లాడుతూ అన్ని వర్గాలకు స్నేహపూర్వకంగా ఉండే విధానాన్ని అవలంబిస్తున్నామని, పారిశ్రామిక వేత్తలకు కూడా పూర్తి సహాయ, సహకారం అందిస్తామని చెప్పారు. పరిశ్రమల అభివృద్ధి, ఏర్పాటుకు కావాల్సిన అనుమతులు సులభంగా అందించడంతో పాటు, మౌలిక సదుపాయాలను కల్పిస్తామని రేవంత్ రెడ్డి పేర్కొన్నారు. రాష్ట్రాన్ని పారిశ్రామికంగా దేశంలోనే అగ్రగామిగా ఉంచేందుకు కావాల్సిన అన్ని చర్యలను తీసుకుంటామని తెలిపారు. ఈ సమావేశంలో పరిశ్రమల శాఖ మంత్రి శ్రీధర్ బాబు, ప్రభుత్వ ప్రధాన కార్యదర్శి శాంతి కుమారి, ఇతర ఉన్నతాధికారులు పాల్గొన్నారు.

సైబర్ నేరగాళ్లు వాట్సాప్ యూజర్ల సున్నితమైన సమాచారాన్ని దొంగిలించి వినియోగదారులను మోసగిస్తున్నారు. ఆన్‌లైన్ ద్వారా ఆపరేట్ చేసే గుర్తుతెలియని వ్యక్తుల మాయలో పడి వేలాది మంది ప్రజలు కష్టపడి సంపాదించిన డబ్బును పోగొట్టుకున్న ఘటనలు అనేకం వెలుగులోకి వస్తున్నాయి. వర్క్ ఫ్రమ్ హోమ్ స్కామ్‌లు, యూట్యూబ్ వీడియో స్కామ్‌లు, హోటల్ రేటింగ్ స్కామ్‌లు, హాయ్ మామ్ స్కామ్‌లు (స్కామర్‌లు బంధువులుగా నటిస్తూ డబ్బు అడగడం) మొదలైనవి ఉన్నాయి. అయితే, ఈ స్కామర్ల ఫిషింగ్ ట్రిక్స్‌ ఎప్పటికప్పుడూ కొత్తదనంతో మోసగించడం మరింత ఆందోళన కలిగిస్తుంది. వాట్సాప్ ఇటీవలే లాంచ్ చేసిన స్క్రీన్ షేర్ ఫీచర్‌ను లక్ష్యంగా చేసుకుని స్కామర్లు కొత్త స్కామ్‌కు పాల్పడుతున్నారు. వినియోగదారులను మోసం చేయడానికి సైబర్ నేరగాళ్లు సరికొత్త మార్గాల్లో ప్రయత్నిస్తున్నారు. వాట్సాప్ స్క్రీన్ షేర్ స్కామ్ అనేది మోసపూరిత స్కామ్. ఇందులో స్కామర్‌లు వాట్సాప్ యాప్ ద్వారా వారి ఫోన్‌లో స్క్రీన్ షేరింగ్‌ను ఎనేబుల్ చేసేలా యూజర్లను మోసగిస్తారు. సున్నితమైన సమాచారం కోసం డైరెక్ట్ రిక్వెస్టులపై ఆధారపడే సాంప్రదాయ స్కామ్‌ల మాదిరిగా కాకుండా ఈ స్కామ్ వినియోగదారులను స్కామర్‌లకు రియల్ టైమ్ ఫోన్ స్క్రీన్‌కు యాక్సెస్‌ని పొందేలా చేస్తుంది. స్కామర్‌లు యూజర్ల ఐడెంటిటీని క్లోన్ చేయడం ద్వారా లేదా ఫోన్ సంబంధిత సమస్యలతో హెల్ప్ అందించడం వంటివి ద్వారా వ్యక్తిగత సమాచారాన్ని దొంగిలిస్తారు. అయితే, వినియోగదారులు స్క్రీన్ షేర్‌ను ఎనేబుల్ చేసిన వెంటనే వారికి తెలియకుండానే స్కామర్‌కు తమ స్క్రీన్‌పై జరుగుతున్న ప్రతిదాన్ని రియల్ టైమ్ చూసే సామర్థ్యాన్ని పొందుతారు. ఈ యాక్సెస్ వాట్సాప్ మెసేజ్‌లకు మించినది. బ్యాంక్ అకౌంట్లు, సోషల్ మీడియా లేదా ఇతర ముఖ్యమైన సర్వీసులకు వన్-టైమ్ పాస్‌వర్డ్‌లు (OTP) వంటి సున్నితమైన సమాచారం వరకు స్కామర్ల చేతుల్లోకి వెళ్లిపోతుంది. స్క్రీన్ షేర్ వ్యవధిలో వినియోగదారులు స్క్రోల్ చేసే ఏదైనా సమాచారాన్ని ఉపయోగించి, స్కామర్‌లు బ్యాంక్ అకౌంట్లను ఖాళీ చేసేందుకు ఓటీపీలను ఉపయోగిస్తుంటారు. వినియోగదారుని సోషల్ మీడియా నుంచి లాక్ చేయడానికి పాస్‌వర్డ్‌లను మార్చవచ్చు లేదా భవిష్యత్తులో ట్రాకింగ్ కోసం మాల్వేర్‌ను ఇన్‌స్టాల్ చేయవచ్చు. ఈ స్కామ్‌ ఎందుకు ప్రమాదకరమైనదంటే.. స్కామర్‌లకు వినియోగదారులు సమాచారాన్ని అందించాల్సిన అవసరం లేదు. స్క్రీన్ షేరింగ్‌ని ఎనేబుల్ చేయడానికి యూజర్లు బటన్‌ను క్లిక్ చేయడం మాత్రమే వారికి అవసరం. ఇలా చేయడం సురక్షితం కాదు. యూజర్ల నుంచి ఎలాంటి యాక్టివ్ ఇన్‌పుట్ లేకుండా సున్నితమైన డేటాను యాక్సెస్ చేయడానికి స్కామర్‌లను అనుమతిస్తుంది. ఒకసారి పొందిన తర్వాత ఈ డేటా బ్యాంక్ అకౌంట్లను తొలగించడానికి సోషల్ మీడియా అకౌంట్లను హ్యాక్ చేయడానికి స్కామర్లను అనుమతిస్తుంది.

వాట్సాప్‌లో తెలియని నంబర్‌ల నుంచి వాయిస్/వీడియో కాల్‌లను స్వీకరించేటప్పుడు జాగ్రత్తగా ఉండండి. తెలియని కాంటాక్టుల నుంచి వచ్చిన కాల్‌లకు సమాధానం ఇవ్వకుండా ఉండండి. సందేహాలు ఉంటే.. కొనసాగించే ముందు కాలర్ ఐడెంటిటీని ధృవీకరించండి. చట్టబద్ధమైన అభ్యర్థనలు చేసినప్పటికీ ఓటీటీపీలు, క్రెడిట్/డెబిట్ కార్డ్ నంబర్‌లు లేదా సీవీవీ ఎవరితోనూ షేర్ చేయవద్దు. మీ పాస్‌వర్డ్‌ల ప్రైవసీని కాపాడుకోండి. బ్యాంకు అధికారులు సహా ఎవరికీ వ్యక్తిగత వివరాలను వెల్లడించవద్దు. వీడియో కాల్‌లో స్క్రీన్‌ను షేర్ చేస్తున్నప్పుడు చూపించే ఫైల్‌ను ఓపెన్ చేసినట్టు నిర్ధారించుకోండి. మీరు పాస్‌వర్డ్‌ల వంటి సున్నితమైన సమాచారాన్ని పంపిన మెసేజ్‌లు లేదా నోట్‌ప్యాడ్‌ల వంటి యాప్‌లను ఓపెన్ చేయొద్దు.

దేశీయ మార్కెట్లోకి లిస్టా కొత్త స్మార్ట్‌ వాచ్‌ను లాంచ్‌ చేసింది. 'SmartRist E' సిరీస్‌లో భాగంగా మొత్తం మూడు వేరియంట్స్‌లో ఈ వాచ్‌ను లాంచ్‌ చేసింది. ఈ సిరీస్‌లో భాగంగా SmartRist E-1, SmartRist E-2, SmartRist E-4 వేరియంట్స్‌లో వాచ్‌లను లాంచ్‌ చేశారు. కంపెనీ అధికారిక వెబ్‌సైట్‌తో పాటు అమెజాన్‌లో ఈ వాచ్‌లు అందుబాటులోకి తీసుకొచ్చారు. ఇక ఈ స్మార్ట్‌ వాచ్‌ ధర విషయానికొస్తే రూ. 1299గా నిర్ణయించారు. ఫీచర్ల విషయానికొస్తే.. E-1, E-2 వాచ్‌లలో 2.01 ఇంచెస్‌తో కూడిన ఐపీఎస్‌ డిస్‌ప్లేను అందించారు. 240 x 296 పిక్సెల్‌ రిజల్యూషన్‌ ఈ వాచ్‌ సొంతం. ఈ స్మార్ట్ వాచ్‌ను వైర్‌లెస్‌ ఛార్జింగ్ సపోర్ట్‌తో తీసుకొచ్చారు. ఈ వాచ్‌ను ఒక్కసారి ఛార్జ్‌ చేస్తే 15 రోజులు నాన్‌ స్టాప్‌గా పనిచేస్తుంది. ఇక వాచ్‌లపై ఫ్రేమ్‌ వాటర్‌ రెసిస్టెంట్ మెటాలిక్‌ను ఇచ్చారు. ఈ స్మార్ట్‌ వాచ్‌లో బ్లూటూత్‌ కాలింగ్‌ ఫీచర్‌ను అందించారు. దీంతో వాచ్‌తోనే నేరుగా కాల్స్‌ మాట్లాడుకోవచ్చు. ఇందుకోసం ఇన్‌బిల్ట్‌ స్పీకర్‌తో పాటు మైక్‌ను అందించారు. ఇక హెల్త్ కోసం Spo2 మానిటరింగ్, హార్ట్ రేట్ మానిటర్, బ్లడ్ ప్రెజర్ మానిటర్, స్లీప్ మానిటర్, ఫిట్‌నెస్ మానిటరింగ్ వంటి ఫీచర్స్‌ను ఇచ్చారు.

'కమీలియన్‌' అనే ప్రమాదకర మాల్వేర్‌ను స్కామర్లు వివిధ ఆండ్రాయిడ్ యాప్స్, ఏపీకేల ద్వారా డివైజ్‌ల్లోకి పంపిస్తూ మోసాలకు పాల్పడుతున్నారు. ఈ మాల్వేర్‌ డివైజ్‌ బయోమెట్రిక్‌లను కూడా సులభంగా అధిగమించగలదు. కమీలియన్‌ మాల్‌వేర్ డివైజ్‌ సెక్యూరిటీ మెజర్స్‌కు చిక్కకుండా, బ్యాంక్ అకౌంట్‌ పాస్‌వర్డ్‌లు, పిన్ కోడ్, ఇతర సున్నితమైన ఫైనాన్షియల్ డేటాను దొంగిలిస్తుంది. ఈ మాల్వేర్ జాంబ్‌బైండర్ అనే డార్క్ వెబ్ నెట్‌వర్క్ ద్వారా డిస్ట్రిబ్యూట్‌ అవుతుందని సైబర్ సెక్యూరిటీ సంస్థ 'థ్రెట్‌ఫ్యాబ్రిక్' గుర్తించింది. కమీలియన్‌ ట్రోజన్ పాతదే అయినా, ఇది అడ్వాన్స్‌డ్‌గా మారిందని థ్రెట్‌ఫ్యాబ్రిక్ కంపెనీ వెల్లడించింది. ఈ ముప్పు కొత్తది కాదని, ఒక సంవత్సరం లేదా అంతకంటే ఎక్కువ కాలంగా సర్క్యులేట్ అవుతోందని పేర్కొంది. అయితే ఇటీవల స్కామర్లు ఈ మాల్వేర్‌ను మరింత అడ్వాన్స్‌గా మార్చారని, ఇప్పుడు ఇది యూజర్‌ సెన్సిటివ్‌ ఇన్‌ఫర్మేషన్‌ కాజేయడానికి HTML ట్రిక్‌ని ఉపయోగించి డివైజ్‌లలోకి సులువుగా చేరుతుందని తెలిపింది. ఈ మాల్వేర్ పర్సనల్ డేటా, ఫైనాన్షియల్‌ డేటాను సేకరించేందుకు ప్రయత్నిస్తుందని థ్రెట్‌ఫ్యాబ్రిక్ రిపోర్ట్ స్పష్టం చేసింది. స్కామర్ల చేతికి బ్యాంక్‌ అకౌంట్‌ యాక్సెస్‌ వెళ్తే తీవ్ర ఆర్థిక నష్టాలు ఎదుర్కోవాల్సి వస్తుందని హెచ్చరించింది. వినియోగదారులు డబ్బు, పరువు కోల్పోకుండా ఉండాలంటే వీలైనంత జాగ్రత్తగా ఉండాలని ThreatFabric సూచించింది. డివైజ్‌లో కెమీలియన్‌ వంటి మాల్వేర్ చొరబడకుండా ఉండాలంటే ఏకైక మార్గం.. ర్యాండమ్‌ వెబ్‌సైట్‌ల నుంచి యాప్‌లు, APKలు డౌన్‌లోడ్ చేయకూడదు. ముఖ్యంగా పెయిడ్‌ యాప్‌లను ఉచితంగా అందిస్తున్నామనే ఆఫర్లను నమ్మకూడదు. అన్‌ వెరిఫైడ్‌ సోర్సుల నుంచి యాప్‌లు డౌన్‌లోడ్ చేయడం డేంజర్. కాబట్టి గుర్తు తెలియని వ్యక్తులు పంపిన ర్యాండమ్‌ లింక్ నుంచి ఫిషీగా అనిపించే ఏ వెబ్‌సైట్‌ నుంచి కూడా యాప్‌ను డౌన్‌లోడ్ చేయకూడదు. సెండర్‌ లేదా వెబ్‌సైట్ అథెంటిసిటీని ఎల్లప్పుడూ చెక్‌ చేయండి. ఫోన్ నంబర్‌లు, ఇమెయిల్ అడ్రస్‌లు, డొమైన్ నేమ్స్‌, సెండర్‌ ఐడెంటిటీ తెలుసుకోండి. సేఫ్టీకి మరొక మార్గం.. గూగుల్‌ ప్లే ప్రొటెక్ట్‌ను ఆన్‌లో ఉంచడం. ఈ బిల్ట్‌ ఇన్‌ గూగుల్‌ టూల్‌, డివైజ్‌ సేఫ్టీని మానిటర్ చేస్తుంది. వీటితో పాటు యూజర్లు లేటెస్ట్‌ ఆన్‌లైన్ స్కామ్‌లు, మోసాల గురించి ఎప్పటికప్పుడు తెలుసుకోవాలి. ఇన్వెస్ట్‌మెంట్‌ స్కీమ్‌లు, లాటరీ లేదా ప్రైజ్ స్కామ్‌లు, రొమాన్స్ స్కామ్‌లు, టెక్ సపోర్ట్ స్కామ్‌ల పట్ల జాగ్రత్తగా ఉండాలి. వార్నింగ్‌ సైన్స్‌, రెడ్‌ ఫ్లాగ్స్‌పై అవగాహన పెంచుకోవాలి. కంప్యూటర్, స్మార్ట్‌ఫోన్, ఇతర డివైజ్‌ల లేటెస్ట్ సెక్యూరిటీ ప్యాచ్‌లు, యాంటీవైరస్ సాఫ్ట్‌వేర్‌ను ఎప్పటికప్పుడు అప్‌డేట్‌ చేసుకోవాలి.

ఐటెల్‌ ఏ05ఎస్‌ పేరుతో ఈ ఫోన్‌ను మార్కెట్లోకి తీసుకువచ్చింది. మొదట 4జీబీ ర్యామ్‌, 64 జీబీ వేరియంట్‌లో తీసుకురాగా ఇప్పుడు 2 జీబీ ర్యామ్‌, 32 జీబీ స్టోరేజ్‌ వేరియంట్‌లో మరో వేరియంట్‌ను లాంచ్‌ చేసింది. ఇందులో 6.6 ఇంచెస్‌తో కూడిన హెచ్‌డీ+ ఐపీఎస్ డిస్‌ప్లేను అందించారు. 720 x 1,612 పిక్సెల్‌, 60Hz రిఫ్రెష్ రేట్, 120Hz టచ్ శాంప్లింగ్ రేట్ ఈ స్క్రీన్‌ సొంతం. ఆండ్రాయిడ్‌ 13 ఆపరేటింగ్ సిస్టమ్‌తో పనిచేస్తే ఈ ఫోన్‌లో ఆక్టా-కోర్ UniSoC SC9863A ప్రాసెసర్‌తో పని చేస్తుంది. ఎస్‌కార్డు ద్వారా ఇంటర్నల్‌ మెమోరీని 1 టీబీ వరకు పెంచుకోవచ్చు. ఐటెల్‌ ఏ05ఎస్‌ స్మార్ట్‌ ఫోన్‌లో 8 మెగాపిక్సెల్స్‌తో కూడిన రెయిర్‌ కెమెరాను అందించారు. ఎల్‌ఈడీ ఫ్లాష్‌ను అందించారు. సెల్ఫీలు, వీడియో కాల్స్‌ కోసం 5 మెగాపిక్సెల్స్‌ ఫ్రంట్‌ కెమెరాను అందించారు. ఇకపోతే ఈ ఫోన్ బ్యాటరీ విషయానికొస్తే.. ఈ స్మార్ట్‌ ఫోన్‌లో 4,000 ఎమ్‌ఏహెచ్‌ బ్యాటరీని అందించారు. ఫింగర్ ప్రింట్ సెన్సార్‌ను ఫోన్‌కి వెనకాల అందించారు. ఫేస్‌ అన్‌లాక్‌ ఫీచర్‌ను అందించారు.

రిలయన్స్ ఇండస్ట్రీస్, వాల్ట్ డిస్నీ తమ భారతీయ మీడియా కార్యకలాపాలను విలీనం చేయబోతున్నాయని ఒక నివేదిక తెలిపింది. ఈ విలీనం వల్ల షేర్లు, నగదు ద్వారా రిలయన్స్ 51 శాతం యాజమాన్యాన్ని కలిగి ఉంటుందని, మిగిలిన 49 శాతం డిస్నీ కలిగి ఉంటుందని ఎకనామిక్ టైమ్స్ నివేదిక పేర్కొంది. రిలయన్స్- డిస్నీ స్టార్ మధ్య నాన్- బైండింగ్ ఒప్పందం కుదిరింది. గత వారం లండన్‌లో కలిసి ఇరు కంపెనీల ప్రతినిధులు.. రిలయన్స్- డిస్నీ విలీన ఒప్పందాన్ని ఫిక్స్ చేశారు. 2024 జనవరిలోనే విలీన ప్రక్రియ పూర్తి చేయాలని ముకేశ్ అంబానీకి చెందిన రిలయన్స్ అభిప్రాయపడుతోంది. కానీ.. ఫిబ్రవరి నాటికి మర్జర్ పూర్తవుతుందని తెలుస్తోంది. ఇది దేశంలోని అతిపెద్ద ఎంటర్‌టైన్‌మెంట్ సమ్మేళనాలలో ఒకటిగా ఉండేందుకు వేదికను ఏర్పాటు చేసింది. ఈ ఏర్పాటు కొత్త సంస్థపై ముఖేష్ అంబానీకి చెందిన రిలయన్స్ గ్రూప్ నియంత్రణను బలపరుస్తుందని నివేదిక పేర్కొంది. ఫిబ్రవరి నాటికి డీల్ పూర్తవుతుందని, అవసరమైన నియంత్రణాపరమైన అనుమతులు పెండింగ్‌లో ఉన్నాయని, రిలయన్స్ జనవరి చివరి నాటికి ప్రక్రియను ముగించాలని లక్ష్యంగా పెట్టుకుంది. జీ ఎంటర్‌టైన్‌మెంట్‌, సోనీ వంటి టీవీ దిగ్గజాలు, నెట్‌ఫ్లిక్స్, అమెజాన్ ప్రైమ్ వంటి స్ట్రీమింగ్ సేవలతో పోటీ పడి భారతదేశంలో అతిపెద్ద వినోద సామ్రాజ్యాలలో ఒకదానిని సృష్టించగల సామర్థ్యాన్ని ఈ విలీనం కలిగి ఉంది. రిలయన్స్ డిస్నీతో దూకుడుగా పోటీపడుతోంది. ప్రత్యేకించి ప్రముఖ ఇండియన్ ప్రీమియర్ లీగ్ క్రికెట్ మ్యాచ్‌ల ఉచిత స్ట్రీమింగ్‌ను అందించడం ద్వారా ఇది గతంలో డిస్నీ యొక్క హాట్‌స్టార్ యాప్‌కు చందాదారుల సంఖ్యను పెంచింది. రిలయన్స్ తన మీడియా, ఎంటర్‌టైన్‌మెంట్ యూనిట్ వయాకామ్ 18 ద్వారా అనేక టీవీ ఛానెల్‌లు, జియోసినిమా స్ట్రీమింగ్ యాప్‌ను నిర్వహిస్తోంది. నివేదిక ప్రకారం, ప్రతిపాదిత ఒప్పందం ప్రకారం, రిలయన్స్ వయాకామ్ 18 కింద ఒక యూనిట్ స్టార్ ఇండియాను స్టాక్ స్వాప్ ద్వారా నియంత్రణలోకి తీసుకుంటుంది. వ్యాపారంలో $1 బిలియన్ నుంచి $1.5 బిలియన్ల వరకు పెట్టుబడి పెట్టాలని పార్టీలు యోచిస్తున్నట్లు సమాచారం. నివేదిక ప్రకారం, బోర్డు రిలయన్స్, డిస్నీ నుండి సమాన సంఖ్యలో డైరెక్టర్లను కలిగి ఉండవచ్చు. కనీసం ఇద్దరు స్వతంత్ర డైరెక్టర్లను కలిగి ఉండడాన్ని పరిశీలిస్తోంది.

మొబైల్ వరల్డ్ కాంగ్రెస్ 2024లో నథింగ్ ఫోన్ మిడ్-రేంజ్ స్మార్ట్‌ఫోన్ నథింగ్ ఫోన్ (2ఎ)ని లాంచ్ చేయాలని యోచిస్తున్నట్లు తెలుస్తుంది. ‘నథింగ్ టు సీ’ అనే ఆసక్తికర శీర్షికతో ఫిబ్రవరి 26-29 వరకు బార్సిలోనాలో జరగనున్న మొబైల్ వరల్డ్ కాంగ్రెస్ నేపథ్యంలో ఈ ఈవెంట్ జరుగనుంది. ఈ సందర్భంగా అనేక సరికొత్త ప్రొడక్టుల లాంచ్‌లతో టెక్ ఔత్సాహికులను ఆకర్షించనుంది. టిప్‌స్టర్ నివేదిక ప్రకారం.. నథింగ్ ఫోన్ (2ఎ) 6.7-అంగుళాల ఓఎల్ఈడీ ప్యానెల్‌తో 1080*2412 పిక్సెల్‌ల పూర్తి హెచ్‌డీ ప్లస్ రిజల్యూషన్, 120హెచ్‌జెడ్ రిఫ్రెష్ రేట్‌తో రావచ్చు. శాంసంగ్ ఎస్5కెఎన్9 సెన్సార్, అల్ట్రా-వైడ్ శాంసంగ్ ఎస్5కెజీఎన్9 లెన్స్‌తో కూడిన 50ఎంపీ ప్రైమరీ కెమెరాతో రౌండ్ కెమెరా మాడ్యూల్‌లో అమర్చిన డ్యూయల్ కెమెరా సెన్సార్‌తో నథింగ్ ఫోన్ (2ఎ) రావచ్చని నివేదిక పేర్కొంది. ప్రాసెసర్ పరంగా నథింగ్ ఫోన్ (2ఎ) 8జీబీ ర్యామ్, 128జీబీ స్టోరేజీతో డైమెన్సిటీ 7200 ఎస్ఓసీ ద్వారా పవర్ అందిస్తుందని Gizmochina రిపోర్టు పేర్కొంది. ఈ స్మార్ట్‌ఫోన్ లేటెస్ట్ ఆండ్రాయిడ్ 14 ఆధారంగా నథింగ్ ఓఎస్ 2.5లో రన్ అవుతుందని అంచనా.

ప్రపంచంలో అత్యంత ఖరీదైన ఇయర్‌ఫోన్స్‌ లూయిస్ విట్టన్ అనే కంపెనీ ఈ ఏడాది మార్చిలో హారిజన్ లైటప్ ఇయర్‌ఫోన్‌లను విడుదల చేసి అభిమానులను విస్మయానికి గురి చేసింది. వీటి ధర అక్షరాలా 1,660 డాలర్లు అంటే భారతీయ కరెన్సీలో సుమారు రూ. 1.38 లక్షలు. అత్యాధునిక ఫీచర్లతోపాటు ఈ సొగసైన ఇయర్‌బడ్‌ల ధర సోషల్ మీడియాలో వైరల్‌ మారి వీటికి క్రేజ్‌ను పెంచాయి. మతిపోగొట్టే ధరతోపాటు క్రేజీ ఫీచర్లు వీటి సొంతం. బ్రాండ్ ఐకానిక్ మోనోగ్రామ్ ప్యాట్రన్‌తో తేలికపాటి అల్యూమినియం ఫ్రేమ్‌తో ఈ ఇయర్‌బడ్‌లను రూపొందించారు. యాక్టివ్ నాయిస్ క్యాన్సిలేషన్, బ్యాక్‌గ్రౌండ్ నాయిస్ ఎలిమినేటింగ్ మైక్రోఫోన్, బ్లూటూత్ మల్టీపాయింట్ వంటివి వీటి ప్రత్యేకతలు. ఐదు రంగులలో లభ్యమయ్యే ఈ ఇయర్‌బడ్స్‌కు 28 గంటల బ్యాటరీ లైఫ్, గ్రేడియంట్‌ రంగులతో ప్రకాశించే సొగసైన స్టెయిన్‌లెస్ స్టీల్ ఛార్జింగ్ కేస్‌ దీని ప్రత్యేకత.

మైక్రోసాఫ్ట్ కో-ఫౌండర్ బిల్ గేట్స్ వారాంతపు సెలవులపై ఆసక్తికర వ్యాఖ్యలు చేశారు. తన సంస్థలో పని చేసే మొదట్లో వారాంతపు సెలవులు తీసుకుని, పని చేయకుండా ఉండటం తనకు నచ్చేది కాదన్నారు. కానీ తండ్రయ్యాకే తన అభిప్రాయం మారిందని బిల్ గేట్స్ స్వయంగా తన బ్లాగ్‌లో రాశారు. పని కంటే జీవితం గొప్పదని, విలువైందని గ్రహించానని పేర్కొన్నారు. తన పిల్లల వయస్సులో తాను ఉన్నప్పుడు సెలవులపై ఆసక్తి ఉండేది కాదన్నారు. తండ్రినయ్యాకే తన అభిప్రాయం మారిందన్నారు. తన పిల్లల ఎదుగుదల తనకు ఎంతో ఆనందంగా ఉందన్నారు. పని - జీవితం సమ తుల్యతపై బిల్ గేట్స్ మాట్లాడటం ఇదే ఫస్ట్ టైం కాదు. ఈ ఏడాది మొదట్లో అరిజోనా విశ్వవిద్యాలయంలో జరిగిన ఓ సమావేశంలో విద్యార్థులను ఉద్దేశించి మాట్లాడుతూ పని కంటే జీవితం ఎంతో గొప్పదని, కానీ, ఆ సంగతి తెలుసుకోవడానికి చాలా టైం పట్టిందని బిల్ గేట్స్ చెప్పారు. మీరు మీ బృందాలను బల పర్చుకోవడానికి, మీరు సాధించిన విజయాలను షేర్ చేసుకోవడానికి, నష్టాల నుంచి కోలుకోవడానికి కొంత టైం వెచ్చించండి` అని విద్యార్థులకు సూచించారు.

మానవ శరీరంలోని బయో ఎలక్ట్రానిక్‌ పరికరాలను ఛార్జింగ్‌ చేయడానికి వైర్‌ లెస్‌ చార్జింగ్‌ పరికరాన్ని శాస్త్రవేత్తలు అభివృద్ధి చేశారు. ఈ పరికరాన్ని చర్మం కింది భాగంలో అమర్చవచ్చని శాస్త్రవేత్తలు తెలిపారు. ఎలుకలకు దీనిని అమర్చి పరీక్షించినపుడు మంచి ఫలితాలు వచ్చాయన్నారు. మానవులపై నిర్వహించే ప్రయోగాల్లో కూడా విజయం సాధిస్తే, బ్యాటరీలు, వైరింగ్‌ లేని మెడికల్‌ ఇంప్లాంట్స్‌ (శరీరంలో కలిసిపోయే) అందుబాటులోకి వస్తాయన్నారు. శాస్త్రవేత్త వెయ్‌ లాన్‌ మాట్లాడుతూ బయోడిగ్రేడబుల్‌ ఇంప్లాంటబుల్‌ మెడికల్‌ డివైసెస్‌ ను విస్తృత స్థాయికి తీసుకెళ్లడంలో తమ నమూనా పవర్‌ సప్లయ్‌ సిస్టమ్‌ గొప్ప ముందడుగును సూచిస్తుందన్నారు.

బీఎండబ్ల్యూ ఎం 1000 ఆర్ఆర్ డెలివరీని ప్రారంభించింది. కంపెనీ ఈ బైక్‌ను స్టాండర్డ్, కాంపిటీషన్ మోడల్‌లో రెండు వెర్షన్లలో విడుదల చేసింది. స్టాండర్డ్ వెర్షన్ బైక్ ధర రూ. 49 లక్షలు (ఎక్స్-షోరూమ్) మరియు పోటీ వెర్షన్ ధర రూ. 55 లక్షలు (ఎక్స్-షోరూమ్). ధరను పరిశీలిస్తే, ఈ బైక్ టొయోటా ఫార్చ్యూనర్ SUV కంటే ఖరీదైనది. భారతదేశంలో టయోటా ఫార్చ్యూనర్ టాప్ మోడల్ ధర రూ.51.44 లక్షలు. BMW యొక్క ఈ బైక్ S 1000 RR ఆధారిత స్పోర్ట్స్ బైక్. అయితే, డిజైన్‌లో అనేక మార్పులు చేసిన తర్వాత కంపెనీ దీనిని ప్రారంభించింది. బీఎండబ్ల్యూ ఎం 1000 ఆర్ఆర్ పూర్తిగా రేసింగ్ బైక్‌లా కనిపిస్తుంది. బైక్‌లో 999cc ఇన్‌లైన్, 4-సిలిండర్ శక్తివంతమైన ఇంజన్‌ను ఏర్పాటు చేసింది, ఇది 211 bhp పవర్, 113 Nm టార్క్‌ను ఉత్పత్తి చేస్తుంది. ఈ BMW బైక్ 6 స్పీడ్ గేర్‌బాక్స్‌తో వస్తుంది. గేర్‌షిఫ్టింగ్‌ను సులభతరం చేయడానికి, బైక్‌కు ద్వి-దిశాత్మక క్విక్‌షిఫ్టర్ కూడా అందించబడింది. భద్రతను దృష్టిలో ఉంచుకుని ఈ బైక్‌లో డ్యూయల్ ఛానెల్ ABS, ట్రాక్షన్ కంట్రోల్, స్లైడ్ కంట్రోల్, 7 రైడ్ మోడ్‌లు, లాంచ్ కంట్రోల్, వీలీ కంట్రోల్, స్టీరింగ్ స్టెబిలైజర్, క్రూయిజ్ కంట్రోల్ డ్రాప్ సెన్సార్, హిల్ స్టార్ట్ వంటి ఫీచర్లు స్టాండర్డ్‌గా అందించబడ్డాయి. ఈ బైక్‌లో USD ఫ్రంట్ ఫోర్క్, మోనోషాక్ రియర్ సస్పెన్షన్, ఫ్రంట్ వీల్‌పై 320 mm డ్యూయల్ డిస్క్,వెనుక భాగంలో 220 mm వెనుక డిస్క్ బ్రేక్ ఉన్నాయి. బైక్ గరిష్ట వేగం గంటకు 306 కిలోమీటర్లు. అదే సమయంలో, ఇది కేవలం 3.1 సెకన్లలో గంటకు 0 నుండి 100 కిలోమీటర్ల వేగాన్ని అందుకుంటుంది. ఇది భారతదేశంలోని డుకాటి పానిగేల్ V4Rతో మాత్రమే పోటీపడే BMW నుండి ప్రత్యేకమైన బైక్. ఈ బైక్ ధర రూ. 70 లక్షలు.

ఇన్ఫోసిస్‌ ఆర్టిఫిషియల్ ఇంటెలిజెన్స్ సొల్యూషన్స్ కోసం ఇన్ఫోసిస్ ఒక విదేశీ కంపెనీతో 150 బిలియన్ డాలర్ల (రూ. 12,475 కోట్లు) విలువైన ఒప్పందంపై సంతకం చేసింది, అది ఇప్పుడు రద్దు చేయబడింది. దీనికి సంబంధించి రెండు కంపెనీల మధ్య ఎంవోయూ కూడా కుదిరింది.ఇన్ఫోసిస్ డీల్ రద్దు గురించి సమాచారం ఇచ్చింది కానీ డీల్ రద్దు చేసిన కంపెనీ పేరు మాత్రం ఇవ్వలేదు. సెప్టెంబరు 2023లో $150 బిలియన్ల విలువైన ఈ డీల్ కోసం ఇన్ఫోసిస్ మెమోరాండం ఆఫ్ అండర్స్టాండింగ్ పై సంతకం చేసింది. ఎంఓయూ 15 ఏళ్ల పాటు ఉంది. దీని కింద, ఇన్ఫోసిస్ తన ప్లాట్‌ఫారమ్ ద్వారా గ్లోబల్ కంపెనీకి డిజిటల్ అనుభవాలు, AI పరిష్కారాలను అందించాల్సి వచ్చింది. సెప్టెంబరు 2023లో $150 బిలియన్ల విలువైన ఈ డీల్ కోసం ఇన్ఫోసిస్ మెమోరాండం ఆఫ్ అండర్స్టాండింగ్ పై సంతకం చేసింది. ఎంఓయూ 15 ఏళ్ల పాటు ఉంది. దీని కింద, ఇన్ఫోసిస్ తన ప్లాట్‌ఫారమ్ ద్వారా గ్లోబల్ కంపెనీకి డిజిటల్ అనుభవాలు మరియు AI పరిష్కారాలను అందించాల్సి వచ్చింది. కాంట్రాక్ట్ విలువ పరంగా ఇన్ఫోసిస్‌కి ఇప్పటి వరకు సెప్టెంబర్ త్రైమాసికం బలమైన త్రైమాసికం. ఈ త్రైమాసికంలో కంపెనీ మొత్తం 770 బిలియన్ డాలర్ల విలువైన ఆర్డర్‌లను పొందింది. అందులో ఈ ఒక్క గ్లోబల్ కంపెనీతో 150 బిలియన్ డాలర్ల విలువైన డీల్ జరిగింది. ఇన్ఫోసిస్‌కు పదిహేను రోజుల్లో రెండో ఎదురుదెబ్బ తగిలింది. రెండు వారాల క్రితమే ఇన్ఫోసిస్ చీఫ్ ఫైనాన్షియల్ ఆఫీసర్ నీలంజన్ రాయ్ హఠాత్తుగా రాజీనామా చేశారు. ఆయన 6 ఏళ్లుగా ఈ పదవిలో ఉన్నారు. ఇన్ఫోసిస్ డీల్ రద్దుతో భారతీయ ఐటీ వ్యాపారం నిరంతరం సవాళ్లను ఎదుర్కొంటోందని ఐటీ రంగ నిపుణులు అభిప్రాయపడుతున్నారు.

ఫ్లిప్‌కార్ట్‌లో వింటర్ ఫెస్ట్ మొదలైంది. డిసెంబర్ 31న ఈ సేల్‌ ముగియనుంది. దాదాపు అన్ని కంపెనీలు స్మార్ట్‌ఫోన్‌లపై భారీ తగ్గింపులను అందిస్తున్నాయి. అయితే, మీరు హై-ఎండ్ శామ్‌సంగ్ ఫోన్‌ను కొనుగోలు చేయాలని భావిస్తుంటే ఈ సేల్ అద్భుతమైన ఆఫర్‌ను అందిస్తుంది. ఈ సేల్‌లో మీరు శాంసంగ్ గెలాక్సీ ఎస్22 5జీ, ఎస్21 ఎఫ్ఈ 5జీ ఫోన్లను 50శాతం కన్నా ఎక్కువ తగ్గింపుతో కొనుగోలు చేయవచ్చు. ఆకర్షణీయమైన బ్యాంక్ డిస్కౌంట్‌లు, బ్యాంక్ ఆఫర్‌లతో ఈ ఫోన్‌లు కూడా మీ సొంతం చేసుకోవచ్చు. శాంసంగ్ గెలాక్సీ 21 ఎఫ్ఈ 5జీ ఫోన్ 8జీబీ ర్యామ్, 128జీబీ ఇంటర్నల్ స్టోరేజ్ ధర రూ.69,999కు సొంతం చేసుకోవచ్చు. మీరు డిస్కౌంట్ తర్వాత సేల్ సమయంలో రూ. 32,999కి కొనుగోలు చేయవచ్చు. అదనంగా, బ్యాంక్ డీల్‌లో కంపెనీ ఈ ఫోన్‌పై 10శాతం అదనపు తగ్గింపును అందిస్తోంది. ఎక్స్ఛేంజ్ ఆఫర్‌తో ఈ ఫోన్‌ను రూ. 25,350 వరకు కొనుగోలు చేయవచ్చు. వినియోగదారులు ఎంచుకున్న కొన్ని మోడళ్లపై అదనంగా రూ. 3వేలు ఆదా చేసుకోవచ్చు. 5జీ ఫోన్ 6.4-అంగుళాల ఫుల్ హెచ్‌డీ ప్లస్ డిస్‌ప్లే కలిగి ఉంది. ఫొటోలు క్యాప్చర్ తీసేందుకు రెండు 12ఎంపీ, ఒక 8ఎంపీ కెమెరాలను ఉపయోగిస్తారు. ఓఐఎస్ లేదా ఆప్టికల్ ఇమేజ్ స్టెబిలైజేషన్ అనేది ఫోన్ ప్రాధమిక కెమెరా ఫీచర్ అని చెప్పవచ్చు. ఈ ఫోన్ సెల్ఫీ కెమెరా 32ఎంపీ కలిగి ఉంది. బ్యాటరీ విషయానికి వస్తే.. ఈ ఫోన్‌లో 4500ఎంఎహెచ్ బ్యాటరీ ఉంది. హార్డ్‌వేర్ విషయానికొస్తే.. ఈ ఫోన్‌లో స్నాప్‌డ్రాగన్ 888 ప్రాసెసర్ ఉంది. శాంసంగ్ గెలాక్సీ ఎస్ 22 5జీ ఫోన్ 56శాతం తగ్గింపుతో అందిస్తోంది. ఈ డివైజ్ వాస్తవానికి రూ. 85,999కి జాబితా అయింది. కానీ విక్రయంలో భాగంగా ఇప్పుడు రూ. 36,999కి మాత్రమే అందుబాటులో ఉంది. ఇందులో 8జీబీ ర్యామ్, 128 జీబీ ఇంటర్నల్ స్టోరేజ్ ఉన్నాయి. బ్యాంక్ ఆఫర్‌లో మీకు 10శాతం అదనంగా డిస్కౌంట్ ఉంటుంది. స్వాప్ డీల్‌లో బిజినెస్ కస్టమర్‌లకు రూ.25,550 వరకు తగ్గింపును అందిస్తుంది. కొన్ని మోడళ్లపై రూ. 3వేలు అదనపు తగ్గింపును కూడా పొందవచ్చు. ఈ శాంసంగ్ ఫోన్‌లో 6.1-అంగుళాల ఫుల్ హెచ్‌డీ+ డిస్‌ప్లే ఉంది. అదనంగా, ఫోన్ తయారీదారు అందించే 50ఎంపీ ట్రిపుల్ కెమెరా కాన్ఫిగరేషన్‌ను కలిగి ఉంది. ఈ ఫోన్‌లో 3700ఎంఎహెచ్ బ్యాటరీ ఉంది. స్నాప్ డ్రాగన్ 8 జెన్ 1 చిప్ ఈ ఫోన్‌కు పవర్ అందిస్తుంది.

క్రిస్మస్ సేల్ విక్రయంలో భాగంగా భారీ తగ్గింపు ధరలకు ఆపిల్ మ్యాక్‌బుక్ డివైజ్‌లపై ఆకర్షణీయమైన డిస్కౌంట్లను అందిస్తోంది. మ్యాక్‌బుక్ ఎయిర్, మ్యాక్‌బుక్ ప్రో, మ్యాక్ మినీ, ఐమ్యాక్ కంప్యూటర్‌లు అధికారిక రీసేల్లర్ నుంచి అందుబాటులో ఉన్నాయి. కొత్త M3 చిప్‌తో ఆధారితమైన వాటితో సహా ఆపిల్ లేటెస్ట్ మోడళ్లకు తగ్గింపులు వర్తిస్తాయి. పాత డివైజ్ ఎక్స్చేంజ్ చేసుకుంటే కొనసాగుతున్న సేల్‌లో భాగంగా మరిన్ని బ్యాంక్ డిస్కౌంట్‌లను పొందవచ్చు. ఇమాజిన్ క్రిస్మస్ కార్నివాల్ సేల్‌లో ఆపిల్ కంప్యూటర్‌లపై భారీ డిస్కౌంట్‌లను అందిస్తోంది. హెచ్‌డీఎఫ్‌సీ బ్యాంక్ కార్డ్‌లపై రూ. 5వేలు ఇన్‌స్టంట్ క్యాష్‌బ్యాక్, రూ. 10వేల ఎక్స్చేంజ్ బోనస్, అలాగే వివిధ మోడళ్లపై వివిధ ఇన్‌స్టంట్ డిస్కౌంట్లను అందిస్తోంది. మ్యాక్‌బుక్ ఎయిర్, మ్యాక్‌బుక్ ప్రో, ఐమ్యాక్, మ్యాక్ మినీ వంటి ప్రొడక్టులపై ఆకర్షణీయమైన తగ్గింపులను అందిస్తోంది. ఆపిల్ ఎం1 మ్యాక్‌బుక్ ఎయిర్ (256జీబీ) రూ. 46,918, రిటైల్ ధర రూ. 99,900కు ఆఫర్ చేస్తోంది. రూ. 17,982 ఇన్‌స్టంట్ డిస్కౌంట్, హెచ్‌డీఎఫ్‌సీ కార్డ్‌లపై రూ. 5వేలు ఇన్‌స్టంట్ క్యాష్‌బ్యాక్, పాత డివైజ్ ఎక్స్చేంజ్ చేసుకుంటే.. తాత్కాలికంగా రూ.20వేలు ఎక్స్ఛేంజ్ బోనస్, క్యాషిఫై నుంచి రూ. 10వేలు ఎక్స్ఛేంజ్ బోనస్ కూడా పొందవచ్చు. పైన జాబితా చేసిన డిస్కౌంట్‌తో పాటు, కొనసాగుతున్న సేల్ సమయంలో మ్యాక్‌బుక్ ఎయిర్ (ఎం2, 256జీబీ), మ్యాక్‌బుక్ ఎయిర్ (ఎం2, 15-అంగుళాల), మ్యాక్‌బుక్ ప్రో (ఎం2, 256జీబీ, 512జీబీ)పై కూడా డిస్కౌంట్‌లను పొందవచ్చు.

Subscribe to: Posts ( Atom )

2023

Popular Posts

Wikipedia

Featured Coupons

Multimedia Updates

Fashion

News

Food

Circulos

Sports

Food

Technology

Menu Footer Widget

Featured

Social Plugin

Videos

Bonjour & Welcome

Popular Posts

Formulir Kontak

Contact Us

Instagram

Subscribe

Categories

Comment

Ad Code

Contact Us

statistics

Archive

Follow by Email

Recent

Comment

Blogger templates

Subscribe

Updates

Like Us

DCM V1

Follow Us

About The Author

Followers

Category

Label

Labels

Translate

Custom Featured

Blogger templates

Blogroll

Get The App

Social Buttons

Video

About

Blogroll

About

Popular Posts

Comments

Pages

Entri Populer

Labels