ఫోన్‌లో యాడ్స్ నిరోధించాలంటే....!

ఏదో ఒక పనిలో బిజీగా ఉన్నప్పుడు ప్రకటన వస్తే సమస్యగా ఉంటుంది. మన పని ఆగిపోవచ్చు.ఏ మనీ చెల్లించేటప్పుడో ఇలా యాడ్ వస్తే, మనీ చెల్లించినా, చెల్లించనట్లు చూపిస్తే దానంతటికీ కారణం ఆ యాడే అయితే.. దాని వల్ల మనం చాలా ఇబ్బంది పడతాం. Apple iPhoneలో ప్రకటనలు ఎప్పుడూ కనిపించవు, కానీ మీరు కచ్చితంగా ప్రకటనలు కనిపించే కొన్ని Android ఫోన్‌లను చూసి ఉంటారు. యూట్యూబ్, ఫేస్‌బుక్‌లో ప్రకటనలను ఆపేయడానికి ఒక ఆప్షన్ ఉంది. ఆండ్రాయిడ్ ఫోన్‌లలో ప్రకటనలు కనిపించినప్పుడల్లా వాటిని పూర్తిగా చూసి, ఆపై క్రాస్ (X) నొక్కడం ద్వారా వాటిని మూసివేస్తూ ఉంటాం. దాదాపు ప్రతి ఒక్కరూ ప్రకటనల వల్ల ఇబ్బంది పడుతున్నారు, అయితే ఈ ప్రకటనలను సులభంగా బ్లాక్ చేయవచ్చని చాలా కొద్ది మందికి మాత్రమే తెలుసు. Android ఫోన్‌లలో ప్రకటనలను ఎలా బ్లాక్ చేయవచ్చో చూద్దాం. ముందుగా ఫోన్ సెట్టింగ్స్‌లోకి వెళ్లి, ఆ తర్వాత గూగుల్‌పై ట్యాప్ చేయాలి. Manage your google account అనే దానిపై క్లిక్ చేయాలి. ఆ ఆప్షన్‌ను నొక్కిన వెంటనే, మీకు డేటా & గోప్యత (Data & Privacy) ఆప్షన్ వస్తుంది. అక్కడ  కొంచెం కిందికి స్క్రోల్ చేసినప్పుడు, మీరు 'వ్యక్తిగతీకరించిన ప్రకటనలు'  కనుగొంటారు. దీని దిగువన యాక్టివిటీలలో ఏవి ట్రాక్ అవుతున్నాయో. వాటి కారణంగానే మీకు యాడ్స్ వస్తుంటాయి. వ్యక్తిగతీకరించిన ప్రకటనల కింద, మీకు 'నా ప్రకటన కేంద్రం'  ఆప్షన్ ఉంటుంది. మీరు దానిపై నొక్కిన వెంటనే, వ్యక్తిగతీకరించిన ప్రకటనల టోగుల్ మీ ముందు తెరచుకుంటుంది. మీరు దాన్ని ఆఫ్ చేయాలి. తరువాత  సెట్టింగ్‌ లోకి వెళ్లి Googleపై నొక్కండి. ఆ తర్వాత Delete Advertising IDని ట్యాప్ చేసి (నొక్కి) డిలీట్ చేయండి. అంతే.. ఆ తర్వాత నుంచి మీకు ఫోన్‌లో అనవసర యాడ్స్ ఏవీ కనిపించవు.