శ్రీకాళహస్తిలో పట్టుబడిన గంజాయి : పోలీసులు అదుపులో నిందితుడు

ఆంధ్రప్రదేశ్ లోని తిరుపతి జిల్లా వ్యాప్తంగా గంజాయి అక్రమ రవాణా, విక్రయాలపై పోలీసులు ప్రత్యేక నిఘా కొనసాగిస్తున్నారు. జిల్లా ఎస్పీ ఎల్. సుబ్బరాయుడు ఆదేశాల మేరకు చేపట్టిన తనిఖీల్లో శ్రీకాళహస్తి రూరల్ పోలీసులు గంజాయి విక్రయాలకు పాల్పడుతున్న వ్యక్తిని అరెస్టు చేశారు. బుధవారం ఉదయం శ్రీకాళహస్తి మండలం అక్కుర్తి రైల్వే గేటు వద్ద సీఐ జి.ఇబ్రహీం ఆధ్వర్యంలో పోలీసులు, రెవెన్యూ సిబ్బంది సంయుక్తంగా తనిఖీలు నిర్వహించారు. అనుమానస్పదంగా అటుగా వచ్చిన ముచ్చువోలు గ్రామానికి చెందిన బర్రి మోహన్ రెడ్డిని అదుపులోకి తీసుకుని పరిశీలించగా, అతని వద్ద నుంచి 1,100 గ్రాముల గంజాయి లభ్యమయింది. అతడిని వెంటనే అరెస్ట్ చేసి గంజాయితోపాటు సెల్‌ఫోన్, మోటార్ సైకిల్ స్వాధీనం చేసుకున్నారు. విచారణలో నిందితుడు ఒడిశా రాష్ట్రం ఛత్రపూర్‌కు చెందిన శీను అనే వ్యక్తి వద్ద నుంచి గంజాయిని తెచ్చి స్థానికంగా విక్రయిస్తున్నట్లు వెల్లడైనట్లు పోలీసులు తెలిపారు. నిందితుడిపై ఎన్‌డీపీఎస్ చట్టం సెక్షన్ కింద కేసు నమోదు చేసి దర్యాప్తు కొనసాగిస్తున్నారు. గంజాయి సరఫరా చేస్తున్న ఇతర వ్యక్తులను గుర్తించి చట్టపరమైన చర్యలు తీసుకుంటామని పోలీసులు తెలిపారు

Read More...

రాప్తాడు నిందితుడి కాలును భద్రపరచండి :అనంతపురం ప్రభుత్వ సర్వజన ఆస్పత్రిని ఆదేశించిన హైకోర్టు

ఆంధ్రప్రదేశ్ లోని అనంతపురం జిల్లా రాప్తాడులో పదో తరగతి విద్యార్థినిపై దాడి కేసులో హైకోర్టు కీలక ఆదేశాలు జారీ చేసింది. ఈ కేసులో నిందితుడిగా ఉన్న హేమంత్‌ (21)కు శస్త్రచికిత్స ద్వారా తొలగించిన కుడి కాలును భద్రంగా ఉంచాలని అనంతపురం ప్రభుత్వ సర్వజన ఆస్పత్రిని ఆదేశించింది. పోలీసుల కాల్పుల ఘటనపై సీబీఐ విచారణ కోరుతూ దాఖలైన ప్రజాప్రయోజన వ్యాజ్యంపై విచారణ జరిపిన ధర్మాసనం.. ప్రభుత్వాన్ని కౌంటర్ అఫిడవిట్లు దాఖలు చేయాలని ఆదేశించింది. తదుపరి విచారణను డిసెంబర్ 30కి వాయిదా వేసింది. ప్రధాన న్యాయమూర్తి జస్టిస్ లీసా గిల్, జస్టిస్ చల్లా గుణరంజన్‌లతో కూడిన ధర్మాసనం ఈ పిటిషన్‌పై విచారణ చేపట్టింది. పోలీసుల కాల్పుల ఘటనపై అనుమానాలు వ్యక్తం చేస్తూ, సీబీఐతో దర్యాప్తు చేయించాలని కోరుతూ మంగళగిరికి చెందిన న్యాయవాది గుండ గోపీకృష్ణ ప్రజాప్రయోజన వ్యాజ్యం దాఖలు చేశారు. ఈ పిటిషన్‌పై ప్రభుత్వాన్ని కౌంటర్ అఫిడవిట్లు సమర్పించాలని కోర్టు ఆదేశించింది. అలాగే విద్యాశాఖ అధికారులను ప్రతివాదులుగా చేర్చాలన్న అభ్యర్థనను తిరస్కరించింది.

Read More...

సరికొత్త డిజైన్‌తో రానున్న వోక్స్‌వ్యాగన్ సెడాన్ విర్టస్

వోక్స్‌వ్యాగన్ ఇండియా తన పాపులర్ సెడాన్ విర్టస్‌ను సరికొత్త డిజైన్‌తో ప్రవేశపెట్టడానికి సిద్ధమైంది. 2022 జూన్‌లో విడుదలైన ఈ కారు, జర్మన్ ఇంజనీరింగ్, అద్భుతమైన డ్రైవింగ్ అనుభవం, ప్రీమి యం డిజైన్, భద్రతతో వినియోగదారుల ఆదరణ పొం దింది. త్రిభుజాకార ప్రేరణతో రూపొందించిన ఈ కొత్త రూపు, కారుకు ఆధునికతను అందిస్తుంది. వోక్స్‌వ్యాగన్ ఇండియా బ్రాండ్ డైరెక్టర్ నితిన్ కోహ్లీ మాట్లాడుతూ, విర్టస్ తన సెగ్మెంట్‌లో అగ్రస్థానంలో నిలిచిం ది. ఈ కొత్త ఫేస్‌లిఫ్ట్ ద్వారా వాహనానికి ఉన్న ప్రత్యేక లక్షణాలను కాపాడుతూనే, సరికొత్త సమకాలీన రూ పాన్ని వినియోగదారులకు అందిస్తున్నామని అన్నారు.

Read More...

పట్టాలు తప్పిన కోల్‌కతా-సైరంగ్ ఎక్స్‌ప్రెస్

అస్సాంలోని గౌహతి సమీపంలోని కామరూప్ జిల్లా దిగారు రైల్వే స్టేషన్ వద్ద కోల్‌కతా-సైరాంగ్ ఎక్స్‌ప్రెస్ ప్రమాదానికి గురైంది. ఇంజన్‌తో పాటు రైలుకు చెందిన బోగీలు పట్టాలు తప్పాయి. ఈ ఘటన ఉదయం 6.54 గంటల ప్రాంతంలో జరిగినట్లు సమాచారం. అయితే, ప్రమాదం జరిగిన వెంటనే ఈశాన్య సరిహద్దు రైల్వే ఉన్నతాధికారులు, సహాయక బృందాలు హుటాహుటిన ఘటనా స్థలానికి చేరుకున్నాయి. ఇప్పటివరకు అందిన ప్రాథమిక సమాచారం ప్రకారం ప్రమాదంలో ఎలాంటి ప్రాణనష్టం జరగలేదని నార్త్ ఈస్ట్ ఫ్రాంటియర్ రైల్వే సీపీఆర్‌వో కపింజల్ కిషోర్ శర్మ తెలిపారు. కానీ, పలువురు ప్రయాణికులకు స్వల్ప గాయాలయ్యాయి. ప్రమాదానికి గల ఖచ్చితమైన కారణాలు ఇంకా తెలియరాలేదని, ప్రయాణికులను సురక్షితంగా గమ్యస్థానాలకు చేర్చేందుకు, ట్రాక్ పునరుద్ధరణ పనులను పర్యవేక్షిస్తున్నామని అధికారులు వెల్లడించారు.

Read More...

న్యూజెర్సీ లో దీపావళి సంబరాలు : బాణసంచా కాల్చిన తర్వాత రోడ్లను శుభ్రం చేసిన ఫైర్ సిబ్బంది : అక్కడి నిబంధనలను, పరిశుభ్రతను గౌరవించాలని నెటిజన్ల సూచన

అమెరికాలోని జెర్సీ సిటీలో ఉన్న ఇండియా స్క్వేర్, ఇండియా స్ట్రీట్ ప్రాంతంలో భారతీయులు దీపావళి వేడుక జరుపుకున్నారు. దానికి సంబంధించి కేశవ్ చెరుక్ అనే భారతీయుడు ఇన్‌స్టాగ్రామ్‌లో వీడియోను షేర్ చేశారు. అందులో బాణసంచా కాల్చిన తర్వాత రోడ్లపై ఎక్కడ చూసినా ఖాళీ బాణసంచా పెట్టెలు, కార్డ్‌బోర్డ్ ముక్కలు, కవర్లు, బూడిద కనిపించాయి. రోడ్డు మొత్తం చెత్తతో నిండిపోగా ఫైర్ సిబ్బంది భారీ పైప్‌లతో ఆ ప్రాంతాన్ని శుభ్రం చేస్తున్న దృశ్యాలు వీడియోలో ఉన్నాయి. వీడియో వైరల్ కావడంతో నెటిజన్లు తీవ్రంగా స్పందించారు. పండుగలు జరుపుకోవడం సంతోషమే కానీ వేడుకలు పూర్తయ్యాక పరిసరాలను శుభ్రం చేయాల్సిన బాధ్యత కూడా ఉందని వ్యాఖ్యానించారు. చెత్తను రోడ్లపై వదిలేసిన వారిపై భారీ జరిమానాలు విధించాలని, లేదంటే వారితోనే శుభ్రం చేయించాలని మరికొందరు డిమాండ్ చేశారు. విదేశాల్లో ఉన్నప్పుడు అక్కడి నిబంధనలను, పరిశుభ్రతను గౌరవించాలని సూచించారు.

Read More...

అమిత్ షా విశాఖ పర్యటన రద్దు : ప్రారంభోత్సవ కార్యక్రమానికి ముఖ్య అతిథిగా కేంద్ర వాణిజ్య, పరిశ్రమల శాఖ మంత్రి పీయూష్ గోయల్

ఆంధ్రప్రదేశ్ లోని విశాఖపట్నం వేదికగా గురువారం నాడు ప్రతిష్టాత్మక 31వ సీఐఐ భాగస్వామ్య సదస్సు ప్రారంభం కానుంది. ఈ సదస్సుకు కేంద్ర హోంమంత్రి అమిత్ షా గైర్హాజరు కానున్నారు. అనివార్య కారణాల వల్ల ఆయన విశాఖ పర్యటన రద్దయినట్లు కేంద్ర హోంశాఖ అధికారికంగా ప్రకటించింది. అమిత్ షా స్థానంలో కేంద్ర వాణిజ్య, పరిశ్రమల శాఖ మంత్రి పీయూష్ గోయల్ సదస్సు ప్రారంభోత్సవ కార్యక్రమానికి ముఖ్య అతిథిగా హాజరు కానున్నారు. ఈ సదస్సుకు ప్రపంచవ్యాప్తంగా తరలివస్తున్న పారిశ్రామిక దిగ్గజాలు, వాణిజ్య ప్రతినిధులకు సీఎం చంద్రబాబు నాయుడు సాదర స్వాగతం పలికారు. సదస్సు నిర్వహణకు సంబంధించిన అన్ని ఏర్పాట్లు పూర్తయ్యాయి.

Read More...

ఉద్యోగుల తొలగింపుకు శ్రీకారం చుట్టిన క్వాల్‌కామ్ కంపెనీ

క్వాల్‌కామ్ కంపెనీలో ప్రపంచవ్యాప్తంగా సుమారు 52 వేల మంది పనిచేస్తున్నారు. 7 శాతం మందిని తొలగించేందుకు సిద్ధమైనట్లు తెలుస్తోంది. దీని వల్ల 3600 మంది ఉద్యోగాలు పోతాయి. భారత్‌లో బెంగళూర్, హైదరాబాద్, ఢిల్లీ, చెన్నై రీజినల్ ఆఫీసుల్లో పనిచేసేవారు తమ ఉద్యోగాలను కోల్పోతున్నారు. భారత్‌లో వెయ్యి మంది తమ ఉద్యోగాలను కోల్పోయే అవకాశం ఉంది. క్వాల్‌కామ్‌లో లేఆఫ్‌కు గురైన కొందరు ఉద్యోగులు తమకు అందించే సెవరెన్స్ ప్యాకేజ్ గురించి చర్చించుకుంటున్నారు. మూడు నెలల జీతంతో పాటు సంస్థలో పనిచేసిన ప్రతీ ఏడాదికి అదనంగా ఒక నెల జీతం చెల్లించే విధంగా ప్లాన్ చేసినట్లు తెలుస్తోంది. రెండు మూడు రోజుల్లో తొలగింపు పత్రాలపై సంతకాలు చేసి సమర్పిస్తే మరో నెల జీతం అదనంగా ఇస్తామని సంస్థ చెప్పినట్లు ఉద్యోగులు తెలుస్తోంది. ఉద్యోగుల తొలగింపుకు వ్యక్తిగత పనితీరు కారణం కాదని, వ్యాపార అవసరాల ఆధారంగానే లేఆఫ్ ప్రకటిస్తున్నట్లు కంపెనీ నిర్ణయం తీసుకుందని రెడ్డిట్‌లో ఓ ఉద్యోగి చెప్పారు. ఏఐపై పెట్టుబడులు, ఖర్చుల తగ్గింపులో భాగంగానే ఈ నిర్ణయాలు తీసుకుని ఉండొచ్చని మరో ఉద్యోగి అనుమానిస్తున్నారు. క్వాల్‌కామ్ సీఈఓ క్రిస్టియానో అమోన్ గత నెలలో ఉద్యోగులకు పంపిన మెమోలో ప్రపంచవ్యాప్తంగా ఉద్యోగుల పనితీరు ఆధారంగా తొలగింపులు చేపట్టనున్నట్లు వెల్లడించారు. మరోవైపు, డేటా సెంటర్లు, ఏఐ, కనెక్టెడ్ డివైజెస్ వంటి కొత్త రంగాల్లో వ్యాపారాన్ని విస్తరించేందుకు సంస్థ ప్రయత్నిస్తోంది. Layoffs.fyi ట్రాకర్ ప్రకారం.. ఈ ఏడాది ఇప్పటివరకు 350 టెక్ కంపెనీల్లో 1.42 లక్షలకు పైగా ఉద్యోగాలు పోయాయి.

Read More...

ఫైవ్‌స్టార్ హోటల్‌లో పార్టీ ఎమ్మెల్యేలతో సీఎం విజయ్ కీలక సమావేశం : మూడు రోజుల పాటు హోటల్‌కే పరిమితం కావాలని ఆదేశం

తమిళనాడు ముఖ్యమంత్రి విజయ్ తన పార్టీ ఎమ్మెల్యేలతో కీలక సమావేశానికి సిద్ధమయ్యారు. బుధవారం మధ్యాహ్నం 3 గంటలకు మహాబలిపురంలోని ఓ ఫైవ్‌స్టార్ హోటల్‌లో ఎమ్మెల్యేలతో ఆయన భేటీ కానున్నారు. ఈ సమావేశం నేపథ్యంలో ఎమ్మెల్యేలు మూడు రోజుల పాటు హోటల్‌లోనే ఉండాలని సీఎం విజయ్ ఆదేశించినట్లు సమాచారం. ఇటీవల కొందరు ఎమ్మెల్యేలు విపక్షాలతో బేరసారాలు సాగిస్తున్నారన్న ప్రచారం రాజకీయ వర్గాల్లో కలకలం రేపుతోంది. ఈ వ్యవహారంపై సీఎం విజయ్ ఆరా తీస్తున్నట్లు తెలుస్తోంది. ఎమ్మెల్యేల మధ్య ఎలాంటి రాజకీయ పరిణామాలు చోటుచేసుకుంటున్నాయనే అంశంపై సమావేశంలో చర్చించే అవకాశం ఉంది. ఎమ్మెల్యేలు మినహా ఇతరులెవరూ హోటల్‌లోకి రావొద్దని ఆదేశాలు జారీ చేసినట్లు సమాచారం. దీంతో హోటల్ పరిసరాల్లో కట్టుదిట్టమైన భద్రత ఏర్పాటు చేశారు. డిప్యూటీ స్పీకర్ వ్యవహారం కూడా ఈ సమావేశంలో చర్చకు వచ్చే అవకాశముంది. అలాగే కలెక్టర్‌ను బెదిరించినట్లు వచ్చిన ఆరోపణలపైనా విజయ్ ఎమ్మెల్యేలతో మాట్లాడే అవకాశం ఉందని రాజకీయ వర్గాల్లో చర్చ జరుగుతోంది. మూడు రోజుల పాటు ఎమ్మెల్యేలను ఒకే చోట ఉంచాలన్న నిర్ణయం వెనుక రాజకీయ వ్యూహం ఏమిటన్నది ఆసక్తికరంగా మారింది. ఈ భేటీలో విజయ్ ఎలాంటి నిర్ణయాలు తీసుకుంటారోనని తమిళనాడు రాజకీయ వర్గాలు ఉత్కంఠగా ఎదురుచూస్తున్నాయి.

Read More...

వెయ్యి మంది ఉద్యోగులను తొలగించిన పెప్సీకో

ఉత్తర అమెరికా మార్కెట్లో క్రమంగా తగ్గుతున్న అమ్మకాలు, పెరిగిపోతున్న ఉత్పత్తి వ్యయం  పెప్సీకో కంపెనీ లాభాలను దెబ్బతీయడంతో ఖర్చులు తగ్గించుకునే చర్యలను చేపట్టింది. ఇందులో భాగంగా ఉత్తర అమెరికా విభాగానికి చెందిన ఫుడ్ అండ్ బెవరేజెస్ విభాగంలో దాదాపు వెయ్యి మంది ఉద్యోగులను తొలగిస్తున్నట్లు ప్రకటించింది. మారుతున్న మార్కెట్ వేగానికి అనుగుణంగా సంస్థను మరింత వేగవంతంగా, సమర్థవంతంగా తీర్చిదిద్దడానికే ఈ కఠిన నిర్ణయం తీసుకోక తప్పలేదని యాజమాన్యం వెల్లడించింది. పెప్సీకో ఉత్తర అమెరికా విభాగం సీఈఓ రామ్ కృష్ణన్ సిబ్బందికి రాసిన లేఖ ద్వారా ఈ ఉద్యోగ కోతల విషయాన్ని స్పష్టం చేశారు. కంపెనీ నిర్ణయాలు మరింత వేగంగా జరగడానికి, వ్యాపార విభాగాల మధ్య మెరుగైన సమన్వయం సాధించడానికే సంస్థాగత పునర్వ్యవస్థీకరణ చేపట్టినట్లు ఆయన పేర్కొన్నారు. వచ్చే వారంలోనే ఈ తొలగింపుల ప్రక్రియ పూర్తి కానుంది. పెప్సీకో వ్యాపారంలో ఎక్కువ భాగం అమెరికాలోనే సాగుతున్న నేపథ్యంలో, ఈ లేఆఫ్ వార్తలు కార్పొరేట్ వర్గాల్లో తీవ్ర చర్చనీయాంశంగా మారాయి. అమెరికా మార్కెట్లలో కొనుగోలు శక్తి తగ్గడమే ఈ నిర్ణయానికి ప్రధాన కారణం. నిత్యావసరాల ధరలు పెరగడంతో వినియోగదారులు కూల్ డ్రింక్స్, ప్యాక్డ్ స్నాక్స్ కొనడం తగ్గించేశారు. ఇటీవల ముగిసిన సెప్టెంబరు త్రైమాసికంలో ఉత్తర అమెరికాలో కూల్ డ్రింక్స్ అమ్మకాల పరిమాణం 2 శాతం మేర పడిపోగా, ఫుడ్ సేల్స్ ఏమాత్రం వృద్ధి చెందలేదు. కొనుగోలుదారులను ఆకట్టుకోవడానికి ఉత్పత్తుల ధరలు తగ్గించినా, భారీగా ప్రకటనలు గుప్పించినా ఫలితం దక్కలేదు. దీంతో కంపెనీ తన వార్షిక లాభాల అంచనాలను కూడా తగ్గించుకోవాల్సి వచ్చింది. కంపెనీలో లాభదాయకత పెంచాలని యాక్టివిస్ట్ ఇన్వెస్టర్ ఫండ్ 'ఎలియట్ ఇన్వెస్ట్‌మెంట్ మేనేజ్‌మెంట్' సుమారు 4 బిలియన్ డాలర్ల మేర వాటాలు కొనుగోలు చేసి యాజమాన్యంపై తీవ్ర ఒత్తిడి తెస్తోంది. కంపెనీ నష్టాలను తగ్గించుకునే క్రమంలోనే ఈ నిర్ణయం తీసుకున్నట్లు విశ్లేషకులు భావిస్తున్నారు. అంతర్జాతీయంగా పెప్సీకోలో సుమారు 3,06,000 మందికి పైగా సిబ్బంది పనిచేస్తుండగా, ఒక్క అమెరికాలోనే 1.25 లక్షల మంది పనిచేస్తున్నారు. మొత్తం ఉద్యోగులతో పోలిస్తే వేటు పడిన వారి సంఖ్య తక్కువే అయినప్పటికీ, రాబోయే రోజుల్లో మిగిలిన విభాగాల్లోనూ ఇదే పరిస్థితి ఉంటుందా అన్న ఆందోళన ఉద్యోగుల్లో మొదలైంది.

Read More...

సెల్ఫీ కోసం వెళ్లి సముద్రంలో ఇద్దరు బీటెక్ విద్యార్థులు గల్లంతు : ఒకరి మృతదేహం వెలికితీత

ఆంధ్రప్రదేశ్ లోని శ్రీకాకుళం జిల్లా  పెద్ద గనగలవానిపేట తీరం నాగావళి నది సంగమ ప్రదేశంలోఇద్దరు ఇంజినీరింగ్ విద్యార్థులు గల్లంతయ్యారు. సెల్ఫీ తీసుకునేందుకు సముద్రంలోకి వెళ్లగా అలల తాకిడికి నీటిలో మునిగిపోయారు. మొత్తం ఐదుగురు విద్యార్థులు సముద్రంలోకి దిగగా వారిలో ఇద్దరు గల్లంతైనట్టు సమాచారం. వెంటనే రెస్క్యూ సిబ్బంది గాలింపు చర్యలు చేపట్టగా గల్లంతైన ఇద్దరిలో మణి అనే విద్యార్థి మృతదేహం లభ్యమైంది. మనోజ్ కోసం గాలింపు చర్యలు కొనసాగుతున్నాయి. ఘటన జరిగిన తరువాత సమాచారం అందుకున్న విద్యార్థుల కుటుంబ సభ్యులు అక్కడకు చేరుకున్నారు. చేతికొచ్చిన కుమారులు మరణించడంతో గుండెలు పగిలేలా రోధిస్తున్నారు. నాగావళి నది సంగమ ప్రదేశంలో ఈ ఘటన జరిగింది. ఇక్కడ వరుస ఘటనలు జరగడం స్థానికులను ఆందోళనకు గురిచేస్తోంది. 

Read More...

బోయింగ్ కమర్షియల్‌ విభాగంలో 2500 మంది ఉద్యోగుల తొలగింపు

ప్రముఖ విమానాల తయారీ దిగ్గజం బోయింగ్ లేఆఫ్స్ ప్రకటించింది. ప్రొడక్స్ట్ సంబంధిత ఛాలెంజెస్‌తో సతమతమవుతూ, కీలక తయారీ టార్గెట్స్‌ను వాయిదా వేస్తున్న నేపథ్యంలో, బోయింగ్ తన కమర్షియల్ ఎయిర్‌ప్లేన్స్ సిబ్బందిని సుమారు 5 శాతం మేర తొలగించేందుగు సిద్దమైంది. కంపెనీ ప్రతిపాదించిన ఈ లేఆఫ్స్ వల్ల దాదాపు 2,500 మంది ఉద్యోగులు ప్రభావితమవుతారని అంచనా వేశారు. కంపెనీ కార్యకలాపాలను స్థిరీకరించడానికి, ఉత్పత్తి సామర్థ్యాన్ని పునరుద్ధరించడానికి ప్రయత్నిస్తున్న ఈ అమెరికన్ ఏరోస్పేస్ దిగ్గజంపై ఇది మరింత ఒత్తిడిని పెంచుతోందని రాయిటర్స్ రిపోర్ట్ చేసింది. రిపోర్ట్స్ ప్రకారం, బోయింగ్ కమర్షియల్ ఏరోప్లేన్స్ అధిపతి స్టెఫానీ పోప్, సోమవారం ఒక ఇంటర్నల్ మెమో ద్వారా ఉద్యోగులకు లేఆఫ్స్ గురించి వెల్లడించింది. ఫ్యాక్టరీలు , సప్లైయర్ కార్యాచరణ ఇబ్బందులను పరిష్కరించుకునేందుకు అదనపు సమయం ఇస్తూ, తమ ప్రొడక్ట్స్ విస్తరణ ప్రణాళికలను మితంగా మార్చేందుకు కంపెనీ ప్రయత్నాల చేస్తున్న నేపథ్యంలో ఈ నిర్ణయం తీసుకున్నారు. కమర్షియల్ విమానాల సిబ్బందిని సుమారుగా 5 శాతం మేర తగ్గించనున్నట్లు బోయింగ్ తెలిపింది. ఈ సంస్థ తయారు చేస్తున్న బీ737 మ్యాక్స్ విమానాల ఉత్పత్తని పెంచడంలో ఊహించిన దాని కంటే తక్కువ పురోగతని కనిపించడం, ఇతర సవాళ్ల నేపథ్యంలో కంపెనీ ఈ నిర్ణయం తీసుకుందని రిపోర్ట్స్ చెబుతున్నాయి. బోయింగ్ నిర్ణయం వల్ల ప్రభావితమయ్యే వారిలో కొందరు రిటైర్‌మెంట్ ద్వారా బయటకు వెళ్లనున్నారు, మరికొంత మందికి లేఆఫ్స్ ఇవ్వనున్నారు. లేఆఫ్స్ వల్ల ప్రబావితమయ్యే ఉద్యోగులకు డిసెంబర్ నుండే నోటీసులు అందించనున్నారు. అమెరికాలోని పలు రాష్ట్రాల్లో, భారీ స్థాయిలో ఉద్యోగులను తొలగించే ముందు, కనీసం 60 రోజుల ముందే వారికి నోటీసు ఇవ్వాలనే చట్టాలు ఉన్నాయి. బోయింగ్ సంస్థ వెబ్‌సైట్‌లో పేర్కొన్న సమాచారం ప్రకారం, సియాటెల్‌లో ప్రధాన కార్యాలయం కలిగిన ఆ సంస్థ కమర్షియల్ ఎయిర్‌క్రాఫ్ట్ విభాగంలో డిసెంబర్ 2025 నాటికి 50,494 మంది ఉద్యోగులు పనిచేస్తున్నారు. కాబట్టి, ఇందులో పనిచేసే 5 శాతం మంది ఉద్యోగులను తొలగిస్తే, సుమారు 2,500 ఉద్యోగులపై ప్రభావం ఉండవచ్చు.

Read More...

హబ్సిగూడలో అలంకరణ సామగ్రి నిల్వ ఉంచిన షెడ్డులో అగ్నిప్రమాదం

హైదరాబాద్ లోని ఉప్పల్ పోలీస్ స్టేషన్ పరిధిలోని హబ్సిగూడ సాయిచిత్ర నగర్ కాలనీలో అగ్నిప్రమాదం చోటుచేసుకుంది. కాలనీలోని స్ట్రీట్ నంబర్ 5లో అలంకరణ సామగ్రి నిల్వ ఉంచిన ఓ షెడ్డులో అకస్మాత్తుగా మంటలు చెలరేగాయి. కాచిగూడలోని బసంత్ కాలనీకి చెందిన ఆదిత్య జైన్ ఈ షెడ్డును అద్దెకు తీసుకుని వినోద కార్యక్రమాలకు సంబంధించిన సామగ్రితో పాటు వివిధ రకాల అలంకరణ వస్తువులను నిల్వ ఉంచారు. ఈ క్రమంలో షెడ్డులో మంటలు చెలరేగడంతో స్థానికులు ఆందోళనకు గురయ్యారు. సమాచారం అందుకున్న అగ్నిమాపక సిబ్బంది వెంటనే సంఘటనా స్థలానికి చేరుకుని మంటలను అదుపులోకి తీసుకొచ్చారు. ఈ ప్రమాదంలో లక్ష రూపాయలకు పైగా విలువైన ఆస్తి నష్టం జరిగినట్లు ప్రాథమికంగా అంచనా వేస్తున్నారు. టపాసులు కాల్చడం వల్లే మంటలు చెలరేగి ఉంటాయని అనుమానాలు వ్యక్తమవుతున్నాయి. అయితే, అగ్నిప్రమాదానికి గల కచ్చితమైన కారణాలు తెలియాల్సి ఉంది. 

Read More...

పెళ్లి కాకుండానే తల్లి అయిన కెన్యా మహిళకు వంద కొరడా దెబ్బలు శిక్ష విధించిన సౌదీ అరేబియా కోర్టు

సౌదీ అరేబియాలో బహిరంగ ప్రదేశాల్లో సరిగ్గా ప్రవర్తించకపోయినా కఠినంగా శిక్షలు వేస్తారు. ఇక మద్యం, డ్రగ్స్ అక్కడ పూర్తిగా నిషేధం. ఇలాంటి కఠిన చట్టాల కారణంగానే సౌదీ అరేబియాలో క్రైమ్ రేట్ మిగతా దేశాలతో పోల్చితే తక్కువగా ఉంటుంది. అలాగే మహిళలపైనా అనేక ఆంక్షలు ఉంటాయన్న సంగతి తెలిసిందే. ఇక సౌదీ అరేబియాకు ఉపాధి, ఉద్యోగం కోసం ప్రపంచ దేశాల నుంచి వేలాది మంది వెళ్తుంటారు. తాజాగా సౌదీ కోర్టు సంచలన తీర్పును వెల్లడించింది. ఉపాధి కోసం కెన్యా నుంచి సౌదీ అరేబియాకు వచ్చిన ఓ మహిళ పెళ్లి కాకుండా బిడ్డను కనడంపై ఆగ్రహం వ్యక్తం చేసింది. అందుకుగాను ఆ మహిళకు వంద కొరడా దెబ్బలు శిక్ష వేస్తూ సంచలన తీర్పును వెల్లడించింది. సౌదీ అరేబియాలో ఇల్లీగల్ ప్రెగ్నెన్సీ ను తీవ్రమైన నేరంగా పరిగణిస్తారు. ఇలాంటి నేరాలకు అక్కడ మహిళలకు జైలు శిక్ష విధించిన సందర్భాలూ ఉన్నాయి. ఇక సౌదీ కోర్టు తాజాగా విధించిన శిక్ష ఆ కెన్యా మహిళను తీవ్ర ఆవేదనకు గురి చేసింది. బిడ్డ పుట్టాక ఆమె తిరిగి కెన్యాకు వెళ్లాలని ప్రయత్నాలు చేసినా సౌదీ ప్రభుత్వం ఆమెను అడ్డుకున్నట్లు స్పష్టం అవుతోంది. ఉపాధి కోసం కెన్యా నుంచి వచ్చిన వేల మంది మహిళల్లో ఎస్తర్ వంజా ముతోని ఒకరు. ఆమె సౌదీలోని ధనవంతుల ఇళ్లల్లో పని మనిషిగా చేస్తుంది. ఆమెకు సంవత్సర కొడుకు అబుదీ ఉన్నాడు. ఇక సౌదీలో ఇలా పనిలో చేరిన వందలాది మంది కెన్యా మహిళలపై అత్యాచారాలు, వేధింపులు మర్డర్ లు జరిగినట్లు న్యూ యార్క్ టైమ్స్ ఇన్వెస్టిగేషన్ గతంలోనే వెల్లడించింది. మరోవైపు వివాహం కాకుండా బిడ్డకు జన్మనిస్తే ఆ బిడ్డకు బర్త్ సర్టిఫికెట్ ఇచ్చేందుకు సౌదీ అరేబియా నిరాకరిస్తోంది. అంతేకాక అలాంటి వారికి సహకరించాల్సిన సౌదీ లోని కెన్యా దౌత్యవేత్తలు రివర్స్ లో వారిని ఇబ్బందులకు గురి చేస్తున్నట్లు సమాచారం. మరోవైపు తాజాగా తనకు విధించిన శిక్షపై ఎస్తర్ వంజా ముతోని తీవ్ర దిగ్భ్రాంతి వ్యక్తం చేశారు. తనకు భయంగా ఉందని, తాను ఆ కొరడా దెబ్బలను తట్టుకుంటానా? అని ఆవేదన వ్యక్తం చేశారు. ఇక ముతోనీ ఈజిప్ట్ దేశీయుడితో ఏర్పడిన పరిచయం ద్వారా బిడ్డకు జన్మనిచ్చినట్లు స్పష్టం అవుతోంది. ఆమె గతేడాది ఆగస్టులో బాబుకు జన్మ నిచ్చింది. అయితే ఆస్పత్రిలో వైద్య పరీక్షలు పూర్తయిన తర్వాత ముతోనిని పోలీసులు అదుపులోకి తీసుకున్నారు. ప్రెగ్నెన్సీపై ప్రశ్నలు కురిపించారు. ఈ క్రమంలో తన భర్త పేరు మహమ్మద్ అని ఆయన దేశాన్ని విడిచి వెళ్లిపోయారని పేర్కొంది. ఇక అప్పటి నుంచి పోలీసుల అదుపులో ఉన్న ముతోనీ.. ఇప్పటికే చాలా సార్లు కోర్టులో హాజరయ్యారు. ఈ కేసుపై సుదీర్ఘంగా దర్యాప్తు చేపట్టిన కోర్టు ఆమెకు 100 కొరడా దెబ్బలు శిక్ష విధించింది. 

Read More...

ఇండియన్‌ ప్రీమియర్‌ లీగ్ లోకి మరో రెండు కొత్త జట్లు?

ఇండియన్‌ ప్రీమియర్‌ లీగ్ లో మరో రెండు కొత్త జట్లు చేరే అవకాశం ఉందని వార్తలు వస్తున్నాయి. ఈ నేపథ్యంలో పుణే, వడోదర ఫ్రాంచైజీలను టోర్నమెంట్‌లో చేర్చుకునేందుకు బీసీసీఐ ప్లాన్‌ చేస్తున్నట్లు సమాచారం వెలువడింది. ప్రస్తుతానికి ఈ అంశంపై జరుగుతున్న చర్చలు ప్రాథమిక దశలో ఉన్నట్లు తెలుస్తోంది. ఒకవేళ ఈ ప్రణాళిక నిజమైతే, ఈ రెండు కొత్త జట్లు 2028 ఐపీఎల్‌ సీజన్‌లో బరిలోకి దిగే అవకాశం ఉందని అంచనా వేస్తున్నారు. ముఖ్యంగా 2028 నుంచి 2032 వరకు జరగనున్న ఐపీఎల్‌ మీడియా రైట్స్‌ సైకిల్‌లో ఈ కొత్త జట్లు యాడ్‌ కావడం కూడా ఇందుకు ఒక ముఖ్యమైన కారణమని తెలుస్తోంది. దీనికి సంబంధించి త్వరలోనే అధికారిక స్పష్టత వచ్చే అవకాశం ఉందని క్రికెట్ వర్గాలు భావిస్తున్నాయి. గతంలోనూ ఐపీఎల్‌లో పది జట్లతో పాటు అదనపు జట్ల చేరికపై వివిధ వార్తలు వినిపించాయి. ఇప్పుడు తాజాగా పుణే, వడోదర పేర్లు తెరపైకి రావడంతో టోర్నమెంట్ మరింత విస్తరించే సూచనలు కనిపిస్తున్నాయి. ఈ పరిణామం ద్వారా లీగ్ మరింత రసవత్తరంగా మారడంతో పాటు, యువ క్రికెటర్లకు మరిన్ని అవకాశాలు లభిస్తాయని క్రీడా విశ్లేషకులు అభిప్రాయపడుతున్నారు. కొత్త ఫ్రాంచైజీల చేరికపై బీసీసీఐ నుంచి పూర్తి స్థాయి మార్గదర్శకాలు, విధివిధానాలు వెలువడిన తర్వాతే దీనిపై స్పష్టత రానుంది. వేలం ప్రక్రియ, ఆటగాళ్ల కేటాయింపు వంటి అంశాలపై కూడా రాబోయే రోజుల్లో బోర్డు చర్చించే అవకాశం ఉంది. ఐపీఎల్ భవిష్యత్తు ప్రణాళికల్లో భాగంగా వస్తున్న ఈ వార్త ప్రస్తుతం క్రికెట్ సర్కిల్స్‌లో చర్చనీయాంశమైంది. ఈ మార్పులు ఐపీఎల్ బ్రాండ్ విలువను మరింత పెంచడమే కాకుండా, సరికొత్త మార్కెట్లను టార్గెట్ చేయడానికి దోహదపడుతుందని భావిస్తున్నారు. అభిమానులు, ఫ్రాంచైజీల యజమానులు కూడా బీసీసీఐ అధికారిక ప్రకటన కోసం ఆసక్తిగా ఎదురుచూస్తున్నారు. 

Read More...

ఇప్పటికే కింద పడిపోయిన వారిని ఇంకా తొక్కాలని చూడటం అమానుషం

ప్రముఖ నటి, దర్శకురాలు రేణూ దేశాయ్ చేసిన ఒక పోస్ట్ నెట్టింట తీవ్ర చర్చనీయాంశంగా మారింది. ప్రస్తుతం ఏదో ఒక సమస్యతో లేదా కష్టాల్లో ఉన్న వ్యక్తిని మరింత దూషించడం నైతికంగా ఎంతమాత్రం సరికాదని ఆమె అభిప్రాయపడ్డారు. ఇప్పటికే కింద పడిపోయిన వారిని ఇంకా తొక్కాలని చూడటం అమానుషమైన చర్య అని పేర్కొంటూ, ఎంతటి ఉన్నత స్థాయిలో ఉన్నవారైనా సరే చివరికి అందరూ మనుషులే అనే విషయాన్ని గుర్తించాలని హితవు పలికారు. మనం అద్దాల మేడల్లో ఉంటూ ఇతరుల ఇళ్లపై రాళ్లు విసరకూడదనే పాత సామెతను గుర్తుచేస్తూ సోషల్ మీడియా వేదికగా ఆమె తన ఆవేదనను వ్యక్తం చేశారు. తన పోస్ట్‌పై నెటిజన్లు ఎవరికి నచ్చినట్లు వారు రకరకాల ఊహాగానాలు, పొలిటికల్ ప్రాధాన్యతలు ఆపాదిస్తారని ముందే గ్రహించిన రేణూ దేశాయ్, దీనిపై కూడా ముందే స్పష్టత ఇచ్చారు. తాను ఇలా రాసినందుకు ఎవరూ ఊహాగానాలు మొదలుపెట్టవద్దని కోరారు. మానవీయ కోణంలో ఒక సమాజంగా మనం మరింత మెరుగ్గా, సున్నితంగా ప్రవర్తించాలని నమ్మడం వల్లే ఈ విషయాలు పంచుకున్నానని స్పష్టం చేశారు. అంతటితో ఆగకుండా, “నేను ఇలా సెన్సిబుల్‌గా (సున్నితంగా) మాట్లాడినందుకు నా పేటీఎం అకౌంట్‌లోకి ఏమీ రాలేదు” అని చమత్కరిస్తూనే, దారుణంగా ట్రోల్ చేసే విమర్శకులకు గట్టి కౌంటర్ ఇచ్చారు. ప్రస్తుతం ఈ ఇన్స్టాగ్రామ్ పోస్ట్ సోషల్ మీడియాలో విపరీతంగా వైరల్ అవుతోంది.

Read More...

గ్లోబల్ మార్కెట్లో లాంచ్ అయిన మోటోరోలా సిగ్నేచర్ 27 స్మార్ట్ ఫోన్

మోటోరోలా సిగ్నేచర్ 27 స్మార్ట్ ఫోన్ ను నవంబర్ 5న మోటోరోలా సంస్థ మార్కెట్లో తీసుకువచ్చింది. అత్యంత ఆధునికమైన ప్రాసెసర్, భారీ కెమెరా సెన్సార్, సరికొత్త డిస్ ప్లే టెక్నాలజీ తో ఈ ఫోన్ టెక్ ప్రియుల దృష్టిని ఆకర్షిస్తోంది. ఇప్పటికే గ్లోబల్ మార్కెట్లో లాంచ్ అయిన ఈ ఫోన్ మనదేశంలో ఈ నెలలో విడుదల కాబోతోంది. ఇటీవల ఈ ఫోన్ కు సంబంధించిన హాండ్స్ ఆన్ వివరాలు బయటకు వచ్చాయి. దీంతో దీని ఫీచర్ల మీద ఆసక్తి పెరిగింది. దీనిలో 6.78 అంగుళాల Tandem o LED LTPO డిస్ ప్లే ను అందించినట్టు హాండ్స్ ఆన్ వివరాల ద్వారా తెలుస్తోంది. 120 హెచ్ జెడ్ రీ ప్రెష్ రేట్ తో ఈ ఫోన్ పని చేస్తుంది. స్క్రీన్ గరిష్టంగా 12000 నిట్స్ పీక్ బ్రైట్ నెస్ అందిస్తుంది.. డాల్బీ విజన్ సపోర్ట్ కూడా దీనికి ఉంటుంది. ఎండల కూడా స్క్రీన్ మీద కంటెంట్ స్పష్టంగా కనిపించే విధంగా డిస్ ప్లే ఉపయోగపడుతుంది. కెమెరాకు మోటరోలా ప్రత్యేక ప్రాధాన్యం ఇచ్చింది. 50 మెగాపిక్సల్ సోనీ ఎల్ వై టి ఐ ఏ 910 ప్రైమరీ కెమెరా ఇందులో ఉంది. 200 మెగాపిక్సల్ పెరిస్కోప్ టెలిఫోటో కెమెరా ఇందులో ఉంది. 50 మెగాపిక్సల్ ఆల్ట్రా వైట్ కెమెరా.. 50 మెగాపిక్సల్ సెల్ఫీ కెమెరా ఇందులో ఉన్నాయి. 200 మెగాపిక్సల్ పెరిస్కోప్ కెమెరా.. 100 ఎక్స్ డిజిటల్ జూమ్ సదుపాయం ఇందులో ఉంది. ప్రత్యేకమైన మోషన్ సెన్సార్ ద్వారా వేగంగా కదిలే వస్తువులను కూడా స్పష్టంగా ఫోటోలు తీయవచ్చు.8 కే రిజల్యూషన్ ద్వారా వీడియోలను రికార్డ్ చేయవచ్చు. ఏఐ ఆధారిత వీడియో enhancement engine వీడియోలలో రంగులను.. నాణ్యతను మెరుగుపరుస్తుంది. ఇందులో qualcomm Snapdragon 8 Elite extreme Gen 6 processor ఉంది. ఇది 2nm టెక్నాలజీతో రూపొందిన చిప్ సెట్. గరిష్టంగా 16 జిబి LPDDR5X ర్యామ్, 1 టీవీ యు ఎఫ్ ఎస్ 4.1 స్టోరేజ్ వేరియంట్ అందుబాటులో ఉంది. ఈ ఫోన్లో 7000 ఎం ఏ హెచ్ భారీ బ్యాటరీ ఉంది. దీనికి 90 డబ్ల్యూ వైరడ్ చార్జింగ్.. 50 డబ్ల్యు వైర్లెస్ చార్జింగ్ సపోర్ట్ ఉంది. రోజు మొత్తం స్మార్ట్ ఫోన్ ఉపయోగించేవారికి ఈ బ్యాటరీ ఉదయకరంగా ఉంటుంది. ఐపీ 68.. ఐపీ సిక్స్టీ నైన్ వాటర్ అండ్ డస్ట్ రెసిస్టెన్స్ రేటింగ్స్ కూడా ఉన్నాయి. మరో ప్రత్యేకమైన అంశం ఏమిటంటే Bang&Olufsen(B&O) ఆడియో టెక్నాలజీ. మోటరోలా ఫోన్లో తొలిసారిగా ఈ సంస్థ ఆడియో టెక్నాలజీని అందిస్తోంది. ప్రీమియం ఆడియో అనుభూతిని అందించడమే లక్ష్యంగా ఈ భాగస్వామ్యం జరిగింది. ఫోన్ డిజైన్లలో అల్యూమినియం ఫ్రేమ్, ప్రత్యేకమైన బ్యాక్ ప్యానెల్ ఫినిషింగ్ ఆకట్టుకుంటున్నాయి.

Read More...

నవంబర్ 19న ఈపీఎఫ్ఓ సెంట్రల్ బోర్డ్ ఆఫ్ ట్రస్టీస్ 240వ సమావేశం

న్యూఢిల్లీలో నవంబర్ 19న కేంద్ర కార్యాలయంలో ఉద్యోగుల భవిష్య నిధి సంస్థ అత్యున్నత నిర్ణాయక మండలి అయిన సెంట్రల్ బోర్డ్ ఆఫ్ ట్రస్టీస్ 240వ సమావేశం జరగనుంది. ఈ సమావేశంలో ఎంప్లాయీస్ పెన్షన్ స్కీమ్ కింద ప్రస్తుతం ఇస్తున్న కనిష్ట నెలవారీ పెన్షన్‌ను మూడింతలు పెంచే ప్రతిపాదనపై కీలక చర్చ జరగనున్నట్లు ఆర్థిక వర్గాల్లో ప్రచారం జరుగుతోంది. ప్రస్తుతం విశ్రాంత ఉద్యోగులకు అందుతున్న కనీస నెలవారీ పెన్షన్ రూ. 1,000గా ఉంది. పెరుగుతున్న నిత్యావసరాల ధరలు, వైద్య ఖర్చుల దృష్ట్యా ఈ మొత్తాన్ని కనీసం రూ. 3,000కు పెంచాలని కార్మిక మంత్రిత్వ శాఖ యోచిస్తున్నట్లు వార్తలు వస్తున్నాయి. ఇప్పటికే దీనిపై ఆర్థిక శాఖతో ప్రాథమిక సంప్రదింపులు పూర్తయ్యాయని సమాచారం. అయితే దీనిపై కేంద్ర ప్రభుత్వం నుంచి కానీ, ఈపీఎఫ్‌ఓ నుంచి కానీ ఇంకా ఎలాంటి అధికారిక ప్రకటన వెలువడలేదు. నవంబర్ 19 నాటి భేటీలోనే దీనిపై ఒక స్పష్టమైన నిర్ణయం బయటకు వచ్చే అవకాశం ఉంది. ఈపీఎస్ కింద రూ. 1,000 కనీస పెన్షన్‌ను 2014 సెప్టెంబర్‌లో అమలులోకి తీసుకొచ్చారు. ఆ తర్వాత గడిచిన 12 ఏళ్లలో ద్రవ్యోల్బణం విపరీతంగా పెరిగినప్పటికీ పెన్షన్ మొత్తంలో ఎలాంటి మార్పూ లేదు. దీనిపై కార్మిక సంఘాలు, పెన్షనర్ల సంఘాలు అనేక పోరాటాలు చేశాయి. కనిష్ట పెన్షన్‌ను కనీసం రూ. 7,500కు పెంచాలని డిమాండ్ చేస్తూ వస్తున్నాయి. 2014 నాటి ధరలకు ఇప్పటి జీవన వ్యయానికి ఎంత మాత్రం పొంతన లేదని, నెలకు వెయ్యి రూపాయలతో కాలం వెళ్లదీయడం అసాధ్యమని పెన్షనర్లు ఆవేదన వ్యక్తం చేస్తున్నారు. వాస్తవానికి ఈ సీబీటీ సమావేశాన్ని గుజరాత్‌లోని గిర్ ప్రాంతంలో నిర్వహించాలని మొదట భావించారు. కానీ చివరి నిమిషంలో వేదికను మార్చి న్యూఢిల్లీలోని ప్రధాన కార్యాలయంలో నిర్వహించాలని నిర్ణయించారు. నవంబర్ 19న ఉదయం 10:15 గంటలకు ఈ భేటీ ప్రారంభం కానుంది. ఈ సమావేశంలో గనుక కనీస పెన్షన్ పెంపు ప్రతిపాదనకు ఆమోదం లభిస్తే దేశవ్యాప్తంగా ఉన్న లక్షలాది మంది ఈపీఎస్ పెన్షనర్ల జీవితాల్లో కొత్త వెలుగులు నిండడం ఖాయంగా కనిపిస్తోంది.

Read More...

ఢిల్లీ పర్యాటకులకు అందుబాటులోకి వచ్చిన 'నమో యమునా రివర్ సఫారీ'

ఢిల్లీలో పర్యాటకులకు సరికొత్త అనుభూతిని అందించేందుకు 'నమో యమునా రివర్ సఫారీ' అందుబాటులోకి వచ్చింది. యమునా నదిలో క్రూయిజ్ ప్రయాణం ద్వారా పర్యాటకులు ఆహ్లాదకరమైన జలవిహారాన్ని ఆస్వాదించవచ్చు. రూ.500 టికెట్ ధరతో ఈ ప్రయాణాన్ని అందుబాటులోకి తీసుకురావడం ప్రత్యేక ఆకర్షణగా నిలుస్తోంది. ఈ క్రూయిజ్ ప్రయాణం సోనియా విహార్ నుంచి జగత్‌పూర్ వరకు కొనసాగుతుంది. మొత్తం ఆరు కిలోమీటర్ల దూరాన్ని సుమారు 40 నిమిషాల్లో పూర్తి చేయనుంది. ఈ సమయంలో యమునా నది పరిసర ప్రాంతాల అందాలను వీక్షిస్తూ పర్యాటకులు సరికొత్త అనుభూతిని పొందవచ్చు. ఒక్కో ట్రిప్‌లో గరిష్ఠంగా 30 మంది ప్రయాణించేందుకు అవకాశం కల్పిస్తున్నారు. ఒక్కొక్కరికి టికెట్ ధర రూ.500గా నిర్ణయించారు. కుటుంబ సభ్యులు, స్నేహితులతో కలిసి ఢిల్లీలో విహారయాత్ర చేయాలనుకునే వారికి ఈ రివర్ సఫారీ మరో ఆకర్షణగా మారనుంది. ఢిల్లీలో పర్యాటక రంగాన్ని మరింత అభివృద్ధి చేయడంతో పాటు యమునా నదిని పర్యాటక కేంద్రంగా తీర్చిదిద్దే ప్రయత్నాల్లో భాగంగా ఈ కార్యక్రమం చేపట్టారు. 

Read More...

తెలంగాణాలో పంట రుణాల రీషెడ్యూల్ చేయాలని బ్యాంకర్లను ప్రభుత్వం

తెలంగాణాలో ఎల్‌నినో ప్రభావంతో కరవు పరిస్థితులు నెలకున్నాయి. రైతులు ఆర్దికంగా ఇబ్బందుల్లో ఉన్నారు. ఈ సమయంలో అర్హులైన రైతుల పంట రుణాలు రీ షెడ్యూల్ చేయాలని బ్యాంకర్లను ప్రభుత్వం కోరింది. రైతులకు బ్యాంకు లు అండగా నిలవాలని డిప్యూటీ సీఎం భట్టి విక్రమార్క సూచించారు. రైతులకు ప్రభుత్వం నుంచి అందాల్సిన సాయం అందిస్తున్నామని.. రుణాల విషయంలో బ్యాంకర్లు సానుకూలంగా నిర్ణయం తీసుకోవాలని సూచించారు. ఎల్ నినో పరిస్థితుల వేళ రైతాంగానికి అండగా నిలవాల్సిన అవసరం ఉందని డిప్యూటీ సీఎం భట్టి విక్రమార్క పేర్కొన్నారు. ప్రత్యేక రాష్ట్ర స్థాయి బ్యాంకర్ల కమిటీ సమావేశంలో ఈ మేరకు కీలక సూచనలు చేసారు. కరవు పరిస్థితులను ఎదుర్కొనేందుకు బ్యాంకులు ప్రత్యేక చొరవ చూపాలని... అర్హులైన రైతుల పంట రుణాలను రీషెడ్యూల్ చేయాలని ఆదేశించారు. రబీ సీజన్‌కు కొత్త పంట రుణాలను సకాలంలో అందించాలని భట్టి సూచించారు. బ్యాంకుల చుట్టూ రైతులు తిరిగే పరిస్థితి ఉండకూడదని తెలిపారు. విద్యా, గృహ రుణాల మంజూరులో బ్యాంకులు సానుకూలంగా ఉండాలని నిర్దేశించారు. ఎంఎస్ఎంఈ, మౌలిక సదుపాయాల రంగాలకు రుణాలు పెంచాలని ఆదేశించారు. రాష్ట్రంలోని 365 మండలాలను కరవు ప్రాంతాలుగా ప్రకటించామని.. 111 మండలాల్లో తీవ్ర కరవు పరిస్థితులు ఉన్నట్లు తెలిపారు. తక్కువ నీటితో సాగయ్యే పంటలకు రుణాలు అందించాలని.. పంటల మార్పిడి, సూక్ష్మ సేద్యానికి ఆర్థిక సహకారం అందించాలని అధికారులను ఆదేశించారు. అదే విధంగా రైతులకు ప్రత్యామ్నాయ ఆదాయ మార్గాలు కల్పించాలని ఉపముఖ్యమంత్రి సూచించారు. 10 నుంచి 15 శాతం రైతు కుటుంబాలకు అదనపు ఉపాధి కల్పించేలా చర్యలు చేపట్టాలన్నారు. స్వయం సహాయక సంఘాలకు అదనంగా రూ.2 లక్షల వరకు రుణాలపై పరిశీలన చేయాలని అన్నారు. నిరుద్యోగ యువతకు స్వయం ఉపాధి రుణాలు ఇవ్వాలని నిర్దేశించారు. ఈ నెల 19 నాటికి రాజీవ్ యువ వికాసం అమలుకు బ్యాంకర్లు సహకరించాలని సూచించారు. రైతులు తదుపరి వ్యవసాయ సీజన్‌ను ఆత్మవిశ్వాసంతో ప్రారంభించేలా చర్యలు చేపట్టాలని డిప్యూటీ సీఎం భట్టి విక్రమార్క పేర్కొన్నారు. 

Read More...

చర్లపల్లి-తిరుచానూరు రైలును సూపర్‌ఫాస్ట్ గా అప్‌గ్రేడ్ చేసిన దక్షిణ మధ్య రైల్వే

చర్లపల్లి-తిరుచానూరు మధ్య నడిచే ఎక్స్‌ప్రెస్ రైలును సూపర్‌ఫాస్ట్ కేటగిరీలోకి అప్‌గ్రేడ్ చేస్తున్నట్లు దక్షిణ మధ్య రైల్వే ప్రకటించింది. ఈ కొత్త విధానం వచ్చే జనవరి 1 నుంచి అమల్లోకి రానుంది. ప్రస్తుతం 17047 నంబర్‌తో నడుస్తున్న చర్లపల్లి-తిరుచానూరు ఎక్స్‌ప్రెస్.. సూపర్‌ఫాస్ట్‌గా మారిన తర్వాత 12729 నంబర్‌తో ప్రయాణికులకు అందుబాటులో ఉంటుంది. చర్లపల్లిలో సాయంత్రం 6:55 గంటలకు బయలుదేరి తిరుచానూరుకు మరుసటి రోజు ఉదయం 8:00 గంటలకు చేరుకుంటుంది. తిరుచానూరులో సాయంత్రం 4:55 గంటలకు బయలుదేరి  చర్లపల్లికి మరుసటి రోజు ఉదయం 6:00 గంటలకు చేరుకుంటుంది. 

Read More...

ఆయుష్మాన్ భారత్ డిజిటల్ మిషన్ అమలులో ఏఐ

ఆయుష్మాన్ భారత్ డిజిటల్ మిషన్ అమలులో ఏఐ, ఆధునిక సాంకేతికతను జోడించి సేవలను మరింత మెరుగుపరిచేందుకు కేంద్రం సిద్ధమైంది. నేషనల్ హెల్త్ అథారిటీ చీఫ్ ఎగ్జిక్యూటివ్ ఆఫీసర్ డాక్టర్ సునీల్ కుమార్ బర్న్వాల్ మాట్లాడుతూ ఆరోగ్య రంగానికి వెచ్చించే ప్రతి రూపాయి ప్రజలకు మెరుగైన వైద్యం అందేలా ఉపయోగపడాలని, టెక్నాలజీ, డేటా, ఏఐ ద్వారా నిర్ణయాలు మరింత వేగంగా, కచ్చితంగా అమలవుతాయన్నారు. టెక్నాలజీ పురోగతిలో భాగంగా ఇన్సూరెన్స్ క్లెయిమ్‌ల సెటిల్‌మెంట్ ప్రక్రియను మరింత వేగవంతం చేయనున్నారు. 'ఆటో-అజ్యుడికేషన్' ద్వారా క్లెయిమ్‌ల ప్రాసెసింగ్ సమయం, నిర్వహణ ఖర్చులు తగ్గనున్నాయి. అలాగే నేషనల్ యాంటీ ఫ్రాడ్ యూనిట్ ద్వారా వైద్య రంగంలో జరిగే మోసాలను అరికట్టడం, పారదర్శకతను పెంచడంపై ప్రత్యేక దృష్టి సారించారు. దీనివల్ల అనర్హులకు నిధులు చేరకుండా అసలైన పేదలకు సకాలంలో వైద్య సాయం అందుతుంది. ఈ ఏఐ ప్రయాణంలో అత్యంత విప్లవాత్మకమైన అడుగు 'ఏఐ-ఎనేబుల్డ్ వాయిస్ స్కైబ్'. డాక్టర్, రోగి మధ్య జరిగే సంభాషణను ఆటోమేటిక్‌గా వివిధ భారతీయ భాషల్లో డిజిటల్ క్లినికల్ రికార్డులుగా మార్చే సాంకేతికతను ఎన్హెచ్‌ఏ ప్రదర్శించింది. డాక్టర్లు వాటిని పరిశీలించి ఆమోదించిన తర్వాత నేరుగా ఆయుష్మాన్ భారత్ హెల్త్ అకౌంట్‌తో లింక్ చేస్తారు. దీనివల్ల వైద్యులపై రికార్డుల భారం తగ్గి, ఆసుపత్రులు పూర్తిగా డిజిటల్ రికార్డుల వైపు అడుగులు వేయడానికి వీలవుతుంది. అంతేకాకుండా నేషనల్ హెల్త్ క్లెయిమ్స్ ఎక్స్ఛేంజ్‌తో ఆసుపత్రుల ఇన్ఫర్మేషన్ సిస్టమ్స్ అనుసంధానం ద్వారా ఇన్సూరెన్స్ క్లెయిమ్‌లు మరింత వేగంగా క్లియర్ అవుతాయి. భారతీయ ఆరోగ్య రంగం అవసరాలకు తగినట్టుగా 'BODH' అనే ప్లాట్‌ఫారమ్‌ను అభివృద్ధి చేశారు. దీని ద్వారా ఏఐ మోడళ్ల పనితీరును అంచనా వేయవచ్చు. కేవలం ఫైలింగ్, ఫైనాన్సింగ్ మీదే కాకుండా అసలైన ఆరోగ్య ఫలితాలపై దృష్టిసారించడమే లక్ష్యంగా ఈ డిజిటల్ సంస్కరణలు కొనసాగుతున్నాయి. 

Read More...

రేపు విజయసాయిరెడ్డి కొత్త పార్టీ పేరు ప్రకటన

ఆంధ్రప్రదేశ్ లో ఎంపీ విజయసాయిరెడ్డి కొత్త పార్టీ పెట్టేందుకు సిద్ధమవుతున్నారు. ఈ మేరకు ఇప్పటికే ఐదు ప్రెస్ మీట్లు పెట్టి తన విధానాలను కూడా వివరించారు. ఇక మిగిలింది కొత్త పార్టీ పేరు ప్రకటన మాత్రమే. దీనికి రేపు విజయవాడలోని ఏ 1 కన్వెన్షన్ సెంటర్ వేదిక కాబోతోంది. ఉదయం 11 గంటల 11 నిమిషాలకు సాయిరెడ్డి తన కొత్త పార్టీ పేరు ప్రకటిస్తారు. ఈ నేపథ్యంలో ఇప్పటివరకూ గతంలో వివిధ పార్టీలు మారిన లేదా హిందూత్వ అనుకూల సిద్దాంతంతో పనిచేస్తున్న నలుగురైదుగురు నాయకులు మాత్రమే విజయసాయిరెడ్డి పార్టీలో చేరేందుకు సిద్దమయ్యారు.  గతంలో ఫార్మసీ, క్లినికల్ రీసెర్చ్ రంగాల్లో అంతర్జాతీయ స్థాయి అనుభవం గడించి, అమెరికాలో సైంటిస్టుగా స్థిరపడినా ప్రజా సేవ చేయాలన్న తపనతో మాతృభూమికి తిరిగి వచ్చిన సైంటిస్టు అన్నపరెడ్డి విజయభాస్కర్ రెడ్డి ఇవాళ సాయిరెడ్డి పెట్టే కొత్త పార్టీలో చేరబోతున్నట్లు ప్రెస్ మీట్ పెట్టి ప్రకటించారు. ఆయన మినహా మరే ఇతర పార్టీల నుంచి పెద్ద నాయకులు కానీ, కనీసం ద్వితీయశ్రేణి నాయకులు కానీ, మాజీ ప్రజాప్రతినిధులు కానీ విజయసాయిరెడ్డి పార్టీలో చేరే అవకాశం కనిపించడం లేదు. సాయిరెడ్డి మాత్రం తన కొత్త పార్టీ ప్రకటన సందర్భంగా రాష్ట్రవ్యాప్తంగా భారీ ఎత్తున జనం తరలివస్తారని చెప్తున్నారు. ఇప్పటివరకూ ఆ జాడలు అయితే ఎక్కడా కనిపించకపోవడంతో సాయిరెడ్డి రాజకీయ పార్టీ ఏ మేరకు జనంలోకి వెళ్తుంది, ఆయన సిద్దాంతాలన్ని జనం ఎంతవరకూ నమ్ముతారన్న దానిపై చర్చ జరుగుతోంది. ఇప్పటివరకూ ఆయన మాట్లాడిన మాటల్ని బట్టి హిందూత్వ వాదంతో వైసీపీని టార్గెట్ చేసేందుకు సాయిరెడ్డి ప్రయత్నిస్తున్నట్లు అర్దమవుతోంది. అలాగే కూటమిలో బీజేపీకి అనుకూలంగా తన వైఖరి ఉండేలా కనిపిస్తోంది. ఇప్పటికే పవన్ కళ్యాణ్ పై సాఫ్ట్ కార్నర్ కలిగిన సాయిరెడ్డి.. వచ్చే ఎన్నికల నాటికి తన పార్టీ, జనసేన, బీజేపీతో కలిసి ఎన్నికలకు వెళ్లేందుకు ప్లాన్ చేస్తున్నారన్న చర్చ కూడా జరుగుతోంది. 

Read More...