వివాహేతర సంబంధం, మద్యం సేవించినందుకు 140 కొరడా దెబ్బలు
ఇం డోనేషియాలోని ఆచే ప్రావిన్స్లో వివాహేతర సంబంధం పెట్టుకున్నందుకు, మద్యం సేవించినందుకు ఒక యువ జంటకు బహిరంగంగా తలా 140 కొరడా దెబ్బల శిక్షను అమలు చేశారు. ముస్లిం జనాభా ఎక్కువగా ఉన్న ఇండోనేషియాలో, ఇస్లామిక్ షరియా చట్టాన్ని అమలు చేసే ఏకైక ప్రాంతం ఆచే ప్రావిన్స్. అక్కడి చట్టం ప్రకారం, వివాహేతర సంబంధానికి 100 దెబ్బలు, మద్యం సేవించినందుకు 40 దెబ్బలు శిక్షగా విధిస్తారు. ఈ శిక్ష అమలు సమయంలో ఆ మహిళ నొప్పితో ఏడుస్తూ విలవిలలాడింది, శిక్ష మధ్యలోనే ఆమె స్పృహతప్పి పడిపోయింది. వెంటనే ఆమెను అంబులెన్స్లో ఆసుపత్రికి తరలించారు. అదే సమయంలో, ఏకాంతంగా సన్నిహితంగా ఉన్న ఒక ఇస్లామిక్ పోలీస్ అధికారికి, అతని మహిళా స్నేహితురాలికి తలా 23 కొరడా దెబ్బల శిక్ష విధించారు. ఆ అధికారిని ఇప్పుడు విధుల్లో నుండి కూడా తొలగించనున్నారు. ఆచే ప్రావిన్స్లో అమలు చేసే ఇటువంటి బహిరంగ శిక్షలు చాలా క్రూరమైనవని, మానవత్వానికి విరుద్ధమని మానవ హక్కుల సంఘాలు ఎప్పటి నుండో ఫిర్యాదు చేస్తున్నాయి. అయినప్పటికీ, జాతీయ ప్రభుత్వానికి మరియు అక్కడి వేర్పాటువాదులకు మధ్య జరిగిన ఒప్పందం ప్రకారం, ఈ ప్రాంతంలో మాత్రం ఇటువంటి కఠిన చట్టాలు అమలులో కొనస...