పాకర్డ్ బెల్ బ్రాండ్ను సరికొత్త రంగులతో రీలాంచ్ చేసిన ఏసర్
ఏ సర్ కంపెనీ పాకర్డ్ బెల్ బ్రాండ్ను ఐఎఫ్ఏ 2026లో సరికొత్త రంగులతో రీలాంచ్ చేసింది. పాత కాలపు బేజ్ కలర్ బల్కీ డెస్క్టాప్లు, సిఆర్టి మానిటర్ల స్థానంలో ఆరెంజ్, పర్పుల్, గ్రీన్, ఎల్లో వంటి ఆకర్షణీయమైన రంగుల్లో సరసమైన ధరలకే టెక్ ఉత్పత్తులను తీసుకురావాలని ఏసర్ గ్రూప్ భావిస్తోంది. ఈ కొత్త శ్రేణిని యూరప్, మిడిల్ ఈస్ట్, ఆఫ్రికా దేశాల వినియోగదారుల కోసం మాత్రమే అందిస్తున్నామని, ప్రస్తుతానికి అమెరికాలో ఈ రీలాంచ్ లేదని ఏసర్ స్పష్టం చేసింది. గతంలో అమెరికాలో అత్యంత ఆదరణ పొందిన ఈ బ్రాండ్, ఈసారి కేవలం కంప్యూటర్లకే పరిమితం కాకుండా విస్తృతమైన ఉత్పత్తులను మార్కెట్లోకి తెస్తోంది. ఈ కొత్త సిరీస్ లో భాగంగా విడుదలైన ‘డాట్బుక్’ ల్యాప్టాప్ 14.5 అంగుళాల ఐపిఎస్ డిస్ప్లే, ఇంటెల్ కోర్ 3 ఎన్355 ప్రాసెసర్, 16జీబీ వరకు డ్డీఆర్4 రామ్, 512జీబీ స్టోరేజ్తో వస్తోంది. కేవలం 2.9 పౌండ్ల బరువుండే ఈ ల్యాప్టాప్ 7 గంటల బ్యాటరీ జీవితాన్ని ఇస్తుందని, దీని ధర సుమారు 499 యూరోల (దాదాపు $580) నుంచి ప్రారంభమవుతుందని పేర్కొన్నారు. బ్రౌజింగ్, స్ట్రీమింగ్ వంటి సాధారణ దైనందిన అవసరాల కోసం దీనిని రూపొందించారు. అయితే పాకర్డ్ బెల్ కేవ...
