బీసీ సంక్షేమం, హాస్టళ్ల ఆధునీకరణపై మంత్రి పొన్నం ప్రభాకర్ కీలక ఆదేశాలు జారీ
తె లంగాణలో వెనుకబడిన తరగతుల సంక్షేమం, హాస్టళ్ల ఆధునీకరణపై రాష్ట్ర బీసీ సంక్షేమ శాఖ మంత్రి పొన్నం ప్రభాకర్ కీలక నిర్ణయాలు తీసుకున్నారు. బీసీ విద్యార్థుల భవిష్యత్తును మార్చేలా, వారి విద్యా ప్రమాణాలను పెంచేలా పలు కీలక ఆదేశాలు జారీ చేశారు. బీసీల సమగ్ర అభివృద్ధి, సంక్షేమ పథకాల సమర్థవంతమైన అమలు కోసం ఈ నెల మూడో వారంలో రాష్ట్రస్థాయి మేధోమథన సదస్సు నిర్వహించనున్నారు. ఈ సదస్సులో అన్ని జిల్లాల బీసీ సంక్షేమ అధికారులు పాల్గొని క్షేత్రస్థాయి సమస్యలు, హాస్టళ్ల నిర్వహణ మెరుగుదలపై చర్చించనున్నారు. హాస్టళ్లలో కేవలం వసతి, భోజనమే కాకుండా విద్యార్థుల సర్వతోముఖాభివృద్ధికి మంత్రి శ్రీకారం చుట్టారు. ఇందులో భాగంగా ప్రతి విద్యార్థి చదువులో వెనుకబడకుండా ఉండటానికి ప్రత్యేక 'అకాడమిక్ ప్రొఫైల్', వారి ఆరోగ్య పరిరక్షణ కోసం 'హెల్త్ రికార్డులను' రూపొందించనున్నారు. అలాగే చదువుతో పాటు శారీరక దారుఢ్యం కోసం క్రీడలకు ప్రత్యేక ప్రాధాన్యత ఇవ్వనున్నారు. రాష్ట్రంలో రాబోయే ఉద్యోగ నోటిఫికేషన్లను దృష్టిలో ఉంచుకుని బీసీ నిరుద్యోగుల కోసం స్టడీ సర్కిళ్లలో ప్రత్యేక ఫౌండేషన్ కోర్సులు, ఉచిత శిక్షణను ప్రారంభించాలని మంత్రి...