వరి సాగులో చీడపీడల నుండి రక్షణ కల్పించేందుకు కోర్టెవా 'మావిలాన్' ఆవిష్కరణ
వరి సాగును ఆశించే అత్యంత ప్రమాదకరమైన చీడపీడల నుండి రక్షణ కల్పించేందుకు గ్లోబల్ అగ్రి-సైన్స్ దిగ్గజం 'కోర్టెవా', 'మావిలాన్' పేరుతో ఒక వినూత్న పురుగుమందును మార్కెట్లోకి విడుదల చేసింది. హైదరాబాద్లో జరిగిన ఒక ప్రత్యేక కార్యక్రమంలో కోర్టెవా సీఈఓ చక్ మ్యాగ్రో, ఇతర ముఖ్య భాగస్వాములతో కలిసి ఈ సరికొత్త రేణువుల రూపంలో ఉండే పురుగుమందును ఆవిష్కరించారు. సాధారణంగా రైతులు వరి పంటకు తెగుళ్లు లేదా పురుగులు ఆశించిన తర్వాతే స్పందించి పిచికారీలు చేస్తుంటారు. దీనివల్ల అప్పటికే పంటకు జరగాల్సిన నష్టం జరిగిపోతుంది. ఈ సాంప్రదాయ పద్ధతిని మారుస్తూ, పంటకు కంటికి కనిపించే నష్టం జరగక ముందే రక్షణ కల్పించేలా మావిలాన్ను రూపొందించారు. నాట్లు వేసిన 30-35 రోజుల వ్యవధిలో దీనిని కేవలం ఒక్కసారి చల్లితే చాలు, ఇది నేరుగా పంటను లోపలి నుండి బలోపేతం చేసి చీడపీడల దాడిని సమర్థవంతంగా అడ్డుకుంటుంది. వరి రైతులకు ప్రధాన శత్రువులైన గోధుమ రంగు సుడి దోమ మరియు కాండం తొలిచే పురుగు నివారణలో మావిలాన్ అద్భుతంగా పనిచేస్తుంది. ఈ విప్లవాత్మక ఫార్ములా సుడి దోమపై 60 రోజుల వరకు మరియు కాండం తొలిచే పురుగుపై 15 రోజుల వరకు సుదీర్ఘమై...