త్వరలో హ్యుందాయ్ క్రెటా స్పెషల్ ఎడిషన్ విడుదల ?
దే శీయ మార్కెట్లో హ్యుందాయ్ క్రెటా ప్రత్యేక ఎడిషన్ను త్వరలో విడుదల చేసేందుకు సన్నాహాలు చేస్తోంది. కాంపాక్ట్ SUV సెగ్మెంట్ను శాసిస్తున్న హ్యుందాయ్ క్రెటా చాలా కాలంగా అమ్మకాలలో అగ్రస్థానంలో ఉంది. కాంపాక్ట్ SUV విభాగంలో అత్యధికంగా అమ్మకాలు జరపడం అంత సులభం కాదు.. ఎందుకంటే మార్కెట్లో ఇతర కంపెనీల SUVలు చాలా ఉన్నాయి. ఈ క్రమంలోనే ప్రథమ స్థానంలో ఉండేందుకు.. హ్యుందాయ్ కొత్త ఆవిష్కరణలను జరుపుతోంది. హ్యుందాయ్ క్రెటా కొత్త ఎడిషన్ను పండుగ సీజన్లో విడుదల చేయడానికి సన్నాహాలు చేస్తోంది. ఇదిలా ఉంటే.. ఈ SUV హోమోలోగేషన్ పత్రాలు ప్రారంభ తేదీకి ముందే లీక్ అయ్యాయి. అందులో ఈ SUV పేరు కూడా ఉంది. భవిష్యత్తులో దీనిని క్రెటా SE (స్పెషల్ ఎడిషన్) అని కూడా పిలవవచ్చు. హ్యుందాయ్ దీనిని త్వరలో విడుదల చేసే అవకాశం ఉంది. పండుగ సీజన్లో అమ్మకాలను పెంచుకోవడానికి, సాధారణ మోడల్ నుండి వేరు చేయడానికి క్రెటా SE కొన్ని విభిన్న డిజైన్తో ముందుకు రానుంది. హ్యుందాయ్ క్రెటా భారతదేశంలో అత్యధికంగా అమ్ముడైన మూడవ కారు. అదనంగా, పండుగ సీజన్లో కొత్తదాన్ని పరిచయం చేయడం కోసం కొనుగోలుదారులకు సానుకూల సెంటిమెంట్ను సృష్టిస్తుంది. కొత్త క్రెట...