కర్ణాటకలో పోలీస్ స్టేషన్ పై అల్లరి మూకల దాడి !
క ర్ణాటకలోని దావణగెరెలోని చన్నగిరి పోలీస్ స్టేషన్పై అల్లరి మూక దాడికి సంబంధించి 25 మందిని అరెస్టు చేశారు. ఈ మేరకు సోమవారం అధికారులు సమాచారం అందించారు. శనివారం పోలీసు కస్టడీలో ఆదిల్ అనే వ్యక్తి మరణించిన తర్వాత, ఒక ఛాందసవాద మూకలు చన్నగిరి పోలీస్ స్టేషన్పై దాడి చేశాయి. పోలీస్ స్టేషన్ను ధ్వంసం చేయడంతోపాటు పలు వాహనాలకు నిప్పు పెట్టారు. ఈ ఘటనలో కనీసం 11 మంది పోలీసులు గాయపడ్డారని అధికారి తెలిపారు. కేసును సీఐడీకి అప్పగించారు. ఘటనపై దర్యాప్తు చేసేందుకు ఐదు పోలీసు బృందాలను ఏర్పాటు చేశారు. సీసీటీవీ ఫుటేజీలు, ఇప్పటికే ఉన్న వీడియో క్లిప్ల ఆధారంగా వ్యక్తులను అదుపులోకి తీసుకున్నారు. మూకుమ్మడి దాడికి పాల్పడిన వ్యక్తులపై ఐపీసీ 353, 307 సెక్షన్ల కింద కేసు నమోదు చేశారు. మరోవైపు నిందితులను జ్యుడీషియల్ కస్టడీకి తరలించారు. గ్యాంబ్లింగ్కు సంబంధించిన కేసులో ఆదిల్ను మే 24న అదుపులోకి తీసుకున్నట్లు పోలీసులు తెలిపారు. అకస్మాత్తుగా ఆరోగ్యం క్షీణించి మరణించాడు. ఆదిల్ మరణవార్త అతని కుటుంబ సభ్యులకు తెలియగానే పెద్ద సంఖ్యలో ప్రజలు పోలీస్ స్టేషన్ కు చేరుకుని పోలీసు వాహనాలను ధ్వంసం చేశారు. పోలీస్ స్టేషన్పై రాళ...