నటుడు పోసాని కృష్ణమురళిపై సీఐడీ కేసు నమోదు !

నటుడు పోసాని కృష్ణమురళిపై సీఐడీ కేసు నమోదు చేసింది. ఆంధ్రప్రదేశ్ ముఖ్యమంత్రి చంద్రబాబుపై ఉద్దేశపూర్వకంగా అనుచిత వ్యాఖ్యలు చేసారంటూ తెలుగు యువత అధికార ప్రతినిధి బండారు వంశీకృష్ణ సీఐడీకి ఫిర్యాదు చేశారు. సెప్టెంబర్ నెలలో నిర్వహించిన ఓ మీడియా సమావేశంలో పోసాని చంద్రబాబును ఉద్దేశించి అనుచిత వ్యాఖ్యలు చేశారని, పోసాని వ్యాఖ్యలు సీఎం చంద్రబాబు ప్రతిష్టకు భంగం కలిగించేలా ఉన్నాయని ఫిర్యాదులో పేర్కొన్నారు. కూటమి ప్రభుత్వం అక్రమ అరెస్టులతో ప్రతిపక్షం గొంతు నొక్కేందుకు ప్రయత్నిస్తోందని వైసీపీ ఆరోపిస్తోంది.