ఒకప్పుడు సైన్స్ ఫిక్షన్ సినిమాల్లో మాత్రమే కనిపించే అద్భుతాలు ఇప్పుడు నిజం కాబోతున్నాయి. 2028 నాటికి వైద్యశాస్త్రంలో అద్భుతమైన విప్లవం రాబోతోంది. ఇప్పటివరకు నయం చేయలేని వ్యాధులను కూడా నయం చేసే స్థాయికి సాంకేతికత చేరుకోనుంది. ప్రపంచవ్యాప్తంగా క్యాన్సర్ వ్యాక్సిన్ పై ఎక్కువ చర్చ జరుగుతోంది. కోవిడ్ వ్యాక్సిన్లో ఉపయోగించిన 'mRNA' సాంకేతికతను ఉపయోగించి, రోగి ట్యూమర్ జెనెటిక్ ప్రొఫైల్ ఆధారంగా ఈ వ్యాక్సిన్ను తయారు చేస్తున్నారు. ఇది క్యాన్సర్ కణాలను గుర్తించి నాశనం చేయడంలో రోగనిరోధక శక్తిని సిద్ధం చేస్తుంది. 2028 నాటికి ఇది అందుబాటులోకి వచ్చే అవకాశం ఉంది. జపాన్ మరియు ఇతర దేశాల పరిశోధకులు మానవ శరీరంలోని సహజ పునరుత్పత్తి సామర్థ్యాన్ని ప్రేరేపించే థెరపీపై పనిచేస్తున్నారు. దీనివల్ల ఊడిపోయిన లేదా తీసివేసిన పళ్లు తిరిగి వచ్చే అవకాశం ఉంది. ఇప్పటికే జంతువులపై విజయవంతంగా పరీక్షలు జరిగాయి, త్వరలో మనుషులపై పరీక్షలు ప్రారంభం కానున్నాయి. ఇది సక్సెస్ అయితే, డెంటల్ ఇంప్లాంట్స్ అవసరం ఉండదు. స్టెమ్ సెల్ థెరపీ, న్యూరల్ రీజెనరేషన్ టెక్నిక్ మరియు అత్యాధునిక మందుల ద్వారా దెబ్బతిన్న నరాలను బాగు చేసే ప్రక్రియ వేగవంతమైంది. పక్షవాతంతో బాధపడేవారిలో కదలికలను తిరిగి తీసుకురావడంలో ప్రారంభ ఫలితాలు చాలా ఆశాజనకంగా ఉన్నాయి. రాబోయే రెండు-మూడేళ్లలో ఇది క్లినికల్ వినియోగానికి సిద్ధమవుతుంది. ఎంతో కాలంగా యాంగ్జైటీ, డిప్రెషన్ వంటి సమస్యలకు కేవలం తాత్కాలిక ఉపశమనం ఇచ్చే మందులే ఉండేవి. ఇప్పుడు మెదడులో శాశ్వత మార్పులు తెచ్చే 'న్యూరో-రీజెనరేటివ్' చికిత్సలపై పరిశోధనలు జరుగుతున్నాయి. ఇది సమస్యను మూలాల నుండి నిర్మూలిస్తుంది, తద్వారా రోగులు మందులపై ఆధారపడాల్సిన అవసరం ఉండదు.
