గ్లోబల్ మార్కెట్లోకి త్వరలో ఐక్యూ 15టీ విడుదల

గ్లోబల్ మార్కెట్లోకి ఐక్యూ మరో శక్తివంతమైన ఫోన్‌ను విడుదల చేసేందుకు సిద్ధమవుతోంది. గత ఏడాది స్నాప్‌డ్రాగన్ 8 ఎలైట్ జెన్ 5 చిప్‌సెట్ , 7,000mAh బ్యాటరీతో లాంచ్ అయిన 'ఐక్యూ 15' ఫ్లాగ్‌షిప్ సిరీస్‌లో ఇప్పుడు కొత్తగా ఐక్యూ 15T మోడల్‌ను తీసుకువస్తోంది. ఇప్పటికే ఈ సిరీస్‌లో ఐక్యూ 15, ఐక్యూ 15 ఉల్ట్రా , ఐక్యూ 15R మోడల్స్ ఉండగా, తాజాగా లీక్ అయిన సమాచారం ప్రకారం ఐక్యూ 15T మరిన్ని అడ్వాన్స్‌డ్ ఫీచర్లతో రానుంది.  'ఎక్స్‌పీరియన్స్ మోర్' వెల్లడించిన వివరాల ప్రకారం, ఐక్యూ 15T స్మార్ట్‌ఫోన్ 6.82-అంగుళాల భారీ డిస్‌ప్లేను కలిగి ఉంటుంది. ఇది 2K రిజల్యూషన్‌తో పాటు 144Hz రిఫ్రెష్ రేట్‌ను సపోర్ట్ చేస్తుంది, దీనివల్ల వినియోగదారులకు అత్యుత్తమ విజువల్ ఎక్స్‌పీరియన్స్ లభిస్తుంది. అంతేకాకుండా, ఈ ఫోన్ ప్రీమియం లుక్ కోసం మెటల్ ఫ్రేమ్‌తో రానున్నట్లు సమాచారం. కెమెరా విభాగంలో ఈ ఫోన్ సరికొత్త సంచలనం సృష్టించబోతోంది. ఐక్యూ 15Tలో 200-మెగాపిక్సెల్ శామ్‌సంగ్ HP5 మెయిన్ రియర్ కెమెరా సెన్సార్‌ను అమర్చనున్నట్లు లీకులు చెబుతున్నాయి. గతంలో వచ్చిన iQOO 15 మోడల్‌లో 50-మెగాపిక్సెల్ సెన్సార్ ఉండగా, ఇప్పుడు నేరుగా 200-మెగాపిక్సెల్‌కు అప్‌గ్రేడ్ చేయడం విశేషం. ఫోటోగ్రఫీ ప్రియులకు ఇది ఒక గొప్ప శుభవార్త అని చెప్పవచ్చు. దీనిలో 8,000mAh కంటే ఎక్కువ సామర్థ్యం గల బ్యాటరీని అందించనున్నట్లు సమాచారం. ఇంత భారీ బ్యాటరీ ఉన్నప్పటికీ, ఇది 100W వైర్డ్ ఫాస్ట్ ఛార్జింగ్‌ను సపోర్ట్ చేస్తుంది. పనితీరు విషయానికి వస్తే, ఇందులో మీడియాటెక్ డైమెన్సిటీ 9500 చిప్‌సెట్‌ను వాడనున్నట్లు తెలుస్తోంది. ఈ స్మార్ట్‌ఫోన్ ఈ నెల చివరలో చైనాలో అధికారికంగా లాంచ్ అయ్యే అవకాశం ఉంది. అయితే, కంపెనీ ఇప్పటివరకు ఈ ఫోన్ గురించి ఎటువంటి అధికారిక ప్రకటన చేయలేదు.