ఫుట్బాల్ ప్రపంచంలో స్పెయిన్ సరికొత్త చరిత్ర సృష్టించింది. అమెరికాలోని న్యూజెర్సీ వేదికగా జరిగిన 2026 ఫిఫా ప్రపంచకప్ ఫైనల్ పోరులో హోరాహోరీగా తలపడిన స్పెయిన్, డిఫెండింగ్ ఛాంపియన్ అర్జెంటీనాను ఓడించి సగర్వంగా ప్రపంచకప్ను కైవసం చేసుకుంది. సుమారు 16 ఏళ్ల సుదీర్ఘ విరామం తర్వాత స్పెయిన్ ఈ ప్రతిష్టాత్మకమైన ట్రోఫీని ముద్దాడటం విశేషం. మ్యాచ్ ముగిసిన అనంతరం స్పెయిన్ ఆటగాళ్లు మైదానంలో సంబరాల్లో మునిగిపోయారు. మరోవైపు టైటిల్ను నిలబెట్టుకోవాలనే పట్టుదలతో బరిలోకి దిగిన అర్జెంటీనాకు ఫైనల్లో తీవ్ర నిరాశే ఎదురైంది. ఈ టోర్నీలో అద్భుత ఫామ్తో దూసుకెళ్లి ఏకంగా 8 గోల్స్ చేసిన అర్జెంటీనా దిగ్గజ కెప్టెన్ లియోనెల్ మెస్సీ, ఫైనల్ మ్యాచ్ ముగిసిన అనంతరం తీవ్ర భావోద్వేగానికి లోనయ్యారు. జట్టును గెలిపించలేకపోయాననే బాధతో మైదానంలోనే కన్నీరు పెట్టుకున్నారు. మెస్సీని చూసి ఆయన అభిమానులు కూడా తీవ్ర ఆవేదనకు గురయ్యారు. ఈ ప్రపంచకప్ ఫైనల్ ఓటమితో మెస్సీ అంతర్జాతీయ ఫుట్బాల్కు గుడ్బై చెబుతారనే ప్రచారాలు జోరందుకున్నాయి. అయితే అంతర్జాతీయ ఫుట్బాల్కు రిటైర్మెంట్ ఇస్తున్నట్లు లియోనెల్ మెస్సీ ఇప్పటివరకు ఎలాంటి అధికారిక ప్రకటన చేయలేదు.
0 Comments