సోషల్ మీడియాలో శక్తి కపూర్ కన్నుమూశారంటూ వైరల్ అవుతున్న వార్తలను బాలీవుడ్ సీనియర్ నటుడు, స్టార్ హీరోయిన్ శ్రద్ధా కపూర్ తండ్రి శక్తి కపూర్ తీవ్రంగా ఖండించారు. తాను ఆరోగ్యంగా, క్షేమంగా ఉన్నానని చెబుతూ పుకార్లకు చెక్ పెట్టడమే కాకుండా, ఇలాంటి తప్పుడు వార్తలు ప్రచారం చేసే వారిపై పోలీసులకు ఫిర్యాదు చేస్తానని హెచ్చరించారు. ఈ తప్పుడు ప్రచారం ముదురుతుండటంతో శక్తి కపూర్ స్వయంగా ఒక వీడియో ద్యారా క్లారిటి ఇచ్చాడు.. 'నేను చాలా ఆరోగ్యంగా, సంతోషంగా ఉన్నాను. నా మరణం గురించి వస్తున్న వార్తలన్నీ అబద్ధం, దయచేసి ఎవరూ నమ్మకండి' అని ఆయన స్పష్టం చేశారు. సెలబ్రిటీల ప్రాణాలతో చెలగాటం ఆడుతూ ఆందోళన కలిగించే ఇలాంటి 'డెత్ హోక్స్' క్రియేటర్లపై సైబర్ క్రైమ్ పోలీసులకు ఫిర్యాదు చేయనున్నట్లు 73 ఏళ్ల ఈ సీనియర్ నటుడు తెలిపారు. దాదాపు 700 చిత్రాల్లో నటించి మెప్పించిన శక్తి కపూర్ క్షేమంగా ఉన్నారని తెలియడంతో ఆయన అభిమానులు ఊపిరి పీల్చుకున్నారు.
0 Comments