పాకిస్తాన్ ప్రభుత్వం హై-ఆక్టేన్ ఫ్యూయల్పై పన్ను భారీగా పెంచింది. లీటర్కు రూ.100 ఉన్న పన్ను ఇప్పుడు రూ.300కి పెరిగింది. ఈ నిర్ణయం దేశంలో ఆయిల్ సరఫరా సమస్యలు, దిగుమతి ఖర్చులు పెరగడం వల్ల తీసుకున్నారని మనీకంట్రోల్ రిపోర్ట్ చేసింది. ఈ కథనం ప్రకారం ప్రధాన మంత్రి అనుమతితో ఈ నిర్ణయం అమలులోకి వచ్చింది. ఈ మార్పు వల్ల నెలకు సుమారు రూ.9 బిలియన్ ఆదా అవుతుందని ప్రభుత్వం చెబుతోంది. ఎక్కువ డబ్బు ఉన్నవాళ్లు ఈ భారాన్ని భరిస్తారని ఆయన అన్నారు. ప్రపంచవ్యాప్తంగా ఆయిల్ మార్కెట్ ఒత్తిడిలో ఉంది. ఇలాంటి పరిస్థితిలో ధరలు పెరగడం వల్ల ద్రవ్యోల్బణం, రవాణా ఖర్చులు పెరిగే ప్రమాదం ఉంది. ముఖ్యంగా దిగుమతులపై ఆధారపడే దేశాలకు ఇది పెద్ద సమస్య. హై-ఆక్టేన్ ఫ్యూయల్ సాధారణంగా ఖరీదైన కార్లలో వాడతారు. అందుకే ప్రభుత్వం ఈ వర్గాన్ని టార్గెట్ చేసింది. ఇలా చేయడం వల్ల సాధారణ ప్రజలపై ధరల ప్రభావం తగ్గించాలని చూస్తోంది. ఈ నిర్ణయానికి కారణం వెస్ట్ ఆసియా ప్రాంతంలో పెరుగుతున్న ఉద్రిక్తతలు. ఆయిల్ సరఫరా అంతరాయం కలగొచ్చు అనే భయం ఉంది. హోర్ముజ్ స్ట్రైట్ అనే ముఖ్యమైన మార్గం ప్రమాదంలో ఉండటం కూడా ఒక కారణం. ఈ మార్గం ద్వారా ప్రపంచానికి పెద్ద మొత్తంలో ఆయిల్ సరఫరా జరుగుతుంది. ఇప్పటికే పెట్రోల్, డీజిల్ ధరలు పెంచారు. ఆ సమయంలో పెట్రోల్ ధర రూ.266.17 నుంచి రూ.321.17కి పెరిగింది. డీజిల్ ధర రూ.280.86 నుంచి రూ.335.86కి పెరిగింది. ఈ పెరుగుదల ప్రభావం వెంటనే కనిపించింది. విమాన టికెట్ల ధరలు కూడా పెరిగాయి. దేశీయ విమాన టికెట్లు చూస్తే కరాచీ-లాహోర్, కరాచీ-ఇస్లామాబాద్ మార్గాల్లో రూ.2,800 నుంచి రూ.5,000 వరకు పెరిగాయి. అంతర్జాతీయ టికెట్లు రూ.10,000 నుంచి రూ.28,000 వరకు పెరిగాయి. మిడిల్ ఈస్ట్, సెంట్రల్ ఆసియా మార్గాల్లో సుమారు రూ.15,000 పెరిగింది.
