ప్రపంచ సంపన్నుల జాబితాలో డోనాల్డ్ ట్రంప్‌ !

బ్లూమ్‌బర్గ్‌ బిలియనీర్స్‌ ఇండెక్స్‌ సూచీ ప్రకారం ప్రపంచంలోని 500 మంది సంపన్నుల జాబితాలో డోనాల్డ్ ట్రంప్‌ 481వ స్థానంలో ఉన్నారు. సెప్టెంబరు చివరిలో ట్రంప్‌ మీడియా- టెక్నాలజీ గ్రూప్‌లోని ట్రూత్‌ సోషల్‌ మీడియా షేర్లు మూడు రెట్లు పెరిగాయి. దీంతో ఆయన సంపద 6.5 బిలియన్‌ డాలర్లకు పెరిగింది. నవంబరు 5న అమెరికాలో అధ్యక్ష ఎన్నికలు జరగనున్నాయి. ఇక, ఈ ఎన్నికల్లో కమలాహారిస్‌కు గెలిచే అవకాశాలు ఎక్కువగా ఉన్నట్లు పలు సర్వేలు వెల్లడిస్తున్నాయి. మరోవైపు ట్రంప్‌నకు సైతం గెలిచే అవకాశం ఉన్నట్లు పలువురు విశ్లేషకులు పేర్కొంటున్నారు. ఈక్రమంలోనే ఆయన సంపన్నుల జాబితాలో మరోసారి చోటు దక్కించుకోవడం గమనార్హం.