జార్ఖండ్‌లోని రాంచీలో జరిగిన జాతీయ సీనియర్ అథ్లెటిక్స్ ఫెడరేషన్ పోటీల గురించి ప్రధాని నరేంద్ర మోడీ మన్ కీ బాత్ 134వ ఎపిసోడ్‌లో ప్రస్తావించారు. దేశవ్యాప్తంగా దాదాపు 800 మంది అథ్లెట్లు ఇందులో పాల్గొన్నారు. నాలుగు వేర్వేరు ఈవెంట్లలో నాలుగు జాతీయ రికార్డులు బద్దలయ్యాయి. గురిందర్‌వీర్ సింగ్, అనిమేశ్ కుజురు, విశాల్ టికె, తేజస్విన్ శంకర్, దేవ్ మీనా, కుల్దీప్ కుమార్ వివిధ విభాగాలలో కొత్త రికార్డులు నెలకొల్పారన్నారు. ఈ కార్యక్రమంలో ప్రధాని మోడీ మాట్లాడుతూ, "మిత్రులారా, దేశవ్యాప్తంగా విస్తృతంగా చర్చించబడుతున్న ఒక ఈవెంట్ 100 మీటర్ల పరుగు పందెం. కేవలం రెండు రోజుల్లోనే పురుషుల 100 మీటర్ల పరుగు పందెంలో జాతీయ రికార్డు మూడుసార్లు బద్దలైంది. ఈ ఘనత సాధించిన ఇద్దరు అథ్లెట్లు గురిందర్‌వీర్ సింగ్, అనిమేష్ కుజుర్" అని అన్నారు. వారికి ప్రత్యేకంగా అభినందనలు తెలిపారు. గురిందర్ వీర్ సింగ్, అనిమేశ్ కుజురులతో ఫోన్లో మాట్లాడారు. వారి అనుభవాలను తెలుసుకున్నారు.
