నథింగ్ ఫోన్ (5) ప్రో, నథింగ్ ఫోన్ (5) పేర్లతో రెండు ఫోన్లకు సంబంధించిన స్పెసిఫికేషన్లు, ధరల వివరాలు లీక్ అయ్యాయి. వీటిలో అధిక రిఫ్రెష్ రేట్ డిస్‌ప్లేలు, సిలికాన్ బ్యాటరీలు, శక్తివంతమైన Snapdragon ప్రాసెసర్లు, టెలిఫోటో కెమెరాలు ప్రధాన ఆకర్షణలుగా పేర్కొన్నారు. Nothing Phone (5) Pro 12GB RAM, 256GB స్టోరేజ్ వేరియంట్ ధర రూ.1,09,999గా, Nothing Phone (5) ధర రూ.79,999గా ఉంది. నథింగ్ ఫోన్ (5) ప్రోలో 6.96 అంగుళాల LTPO 2.0 AMOLED డిస్‌ప్లే ఉండనున్నట్లు పేర్కొన్నారు. ఇది 2K రిజల్యూషన్‌తో పాటు 144Hz రిఫ్రెష్ రేట్‌కు మద్దతు ఇస్తుందని సమాచారం. ఈ స్పెసిఫికేషన్లు నిజమైతే గేమింగ్, వీడియోలు చూడటం, స్క్రోలింగ్ వంటి పనుల్లో స్మూత్ అనుభవాన్ని అందించవచ్చు. ఈ ఫోన్‌లో Snapdragon 8 Elite Gen 5 Pro ప్రాసెసర్ ఉంటుందని తెలుస్తోంది. కెమెరా విభాగంలో 50MP ఫ్రంట్ కెమెరాతో పాటు 64MP ప్రధాన కెమెరా, 50MP అల్ట్రా-వైడ్ కెమెరా, 64MP టెలిఫోటో కెమెరా ఉన్నట్లు పేర్కొన్నారు. టెలిఫోటో కెమెరా 4.7x ఆప్టికల్ జూమ్‌ను అందిస్తుందని సమాచారం. అన్ని కెమెరాల ద్వారా 4K వీడియోను 120fps వద్ద, 8K వీడియోను 30fps వద్ద రికార్డ్ చేయగలదని టాక్ వినిపిస్తోంది. Nothing Phone (5) Proలో 6,550mAh సిలికాన్ బ్యాటరీ ఉండనుందని సమాచారం. దీనికి 65W వైర్డ్ ఫాస్ట్ ఛార్జింగ్, 25W Qi2 వైర్‌లెస్ ఛార్జింగ్ మద్దతు ఉంటుందని పేర్కొన్నారు. Nothing Phone (5) Pro 12GB RAM, 256GB స్టోరేజ్ వేరియంట్ ధర రూ.1,09,999గా ఉంది. ఈ ఫోన్ వైట్, బ్లాక్, పింక్ రంగుల్లో అందుబాటులోకి వస్తుందని సమాచారం. నథింగ్ ఫోన్ (5)లో 6.83 అంగుళాల LTPO OLED డిస్‌ప్లే, 1.5K రిజల్యూషన్, 120Hz రిఫ్రెష్ రేట్ ఉంటాయని సమాచారం. Pro మోడల్‌తో పోలిస్తే డిస్‌ప్లే పరిమాణం, రిఫ్రెష్ రేట్ కొంత తక్కువగా ఉన్నప్పటికీ, రోజువారీ వినియోగానికి ఈ స్పెసిఫికేషన్లు సరిపోవచ్చు. ఈ ఫోన్‌లో Snapdragon 8 Elite Gen 5 ప్రాసెసర్ ఉంటుందని టెక్ వర్గాలు భావిస్తున్నాయి. అలాగే, కెపాసిటివ్ బటన్లు, UFS 3.1 స్టోరేజ్, LPDDR6 RAM టెక్నాలజీని కూడా ప్రస్తావించారు. ఈ హార్డ్‌వేర్ వివరాలు, చిప్‌సెట్ పేర్లు అధికారికంగా నిర్ధారించాల్సి ఉంది. 50MP ఫ్రంట్ కెమెరా, 50MP ప్రధాన కెమెరా, 50MP అల్ట్రా-వైడ్ కెమెరా, 64MP పెరిస్కోప్ టెలిఫోటో కెమెరా ఉంటాయని సమాచారం. టెలిఫోటో కెమెరా 4.7x జూమ్‌ను అందిస్తుందని పేర్కొన్నారు. Nothing Phone (5)లో 6,000mAh సిలికాన్ బ్యాటరీ, 60W వైర్డ్ ఛార్జింగ్, 15W వైర్‌లెస్ ఛార్జింగ్ ఉంటాయని సమాచారం. ఈ ఫోన్‌కు 7 సంవత్సరాల ఆపరేటింగ్ సిస్టమ్ అప్‌డేట్లు, మరో 7 సంవత్సరాల మద్దతు ఉంటాయని సమాచారం. Nothing Phone (5) 12GB RAM, 256GB స్టోరేజ్ వేరియంట్ ధర రూ.79,999గా పేర్కొన్నారు. ఈ మోడల్ బ్లాక్, వైట్ రంగుల్లో అందుబాటులోకి వస్తుందని సమాచారం.
