కార్లపై వివిధ రకాల డిస్కౌంట్‌లను అందిస్తున్న మారుతీ సుజుకి

మారుతీ సుజుకి ప్రీమియం కార్లపై వివిధ రకాల డిస్కౌంట్‌లను అందిస్తోంది. అరేనా, నెక్సా డీలర్ షిప్ నెట్ వర్క్ లోని హ్యాచ్ బ్యాక్, ఎస్‌యూవీ, ఎమ్ పివీలపై రూ.2.10 లక్షల వరకు భారీ డిస్కౌంట్లను అందిస్తోంది. మారుతి గ్రాండ్ విటారా, ఒక మిడ్-సైజ్ ఎస్‌యూవీ! నెక్సా డీలర్‌షిప్‌ల ద్వారా అందించబడుతుంది. ఈ నెలలో ఈ ఎస్‌యూవీని రూ.3 లక్షలకు పైగా ఆదా చేసి కొనుగోలు చేయవచ్చు. ఇందులో క్యాష్ డిస్కౌంట్లు, రోడ్ ట్యాక్స్, ఎక్స్ఛేంజ్, స్క్రాపేజ్ బోనస్, లాయల్టీ బోనస్, కార్పొరేట్ బోనస్ ఉన్నాయి. జిమ్నీ అనేది మారుతి ఆఫ్-రోడ్ సామర్థ్యం గల ఎస్‌యూవీ. ఈ నెలలో ఈ కారపై రూ.45,000 వరకు ఆదా చేయవచ్చు. మారుతి MPV విభాగంలో XL6 ను కూడా అందిస్తుంది. ఈ నెలలో ఈ MPV పై రూ.45,000 వరకు ఆదా చేయవచ్చు. మారుతి ఇన్విక్టోను ఒక లగ్జరీ MPVగా అందిస్తోంది. ఈ నెలలో ఈ MPVని కొనుగోలు చేయడం ద్వారా రూ.2.10 లక్షల వరకు గరిష్టంగా ఆదా చేసుకోవచ్చు. ఇందులో నగదు తగ్గింపులు, రోడ్ టాక్స్, ఎక్స్ఛేంజ్, స్క్రాపేజ్ బోనస్, లాయల్టీ బోనస్, కార్పొరేట్ బోనస్ వంటివి చేర్చారు. మారుతి ప్రీమియం హ్యాచ్‌బ్యాక్ విభాగంలో బాలెనోను కూడా అందిస్తుంది. ఈ నెలలో ఈ కారు రూ.40,000 డిస్కౌంట్‌తో అందుబాటులో ఉంది. మారుతి కాంపాక్ట్ ఎస్‌యూవీ విభాగంలో ఫ్రాంక్స్‌ను విక్రయిస్తుంది. ఈ నెలలో ఈ కారుపై రూ.25,000 వరకు ఆదా చేయవచ్చు.