లెనోవో 100e క్రోమ్‌బుక్ విడుదల

లెనోవో రూ.15,000 లోపే బెస్ట్ ఫీచర్లతో లెనోవో 100e క్రోమ్‌బుక్ జెన్ 4 మోడల్‌ను అందుబాటులోకి తెచ్చింది. విద్యార్థులు, ఆఫీస్ అవసరాల కోసం ప్రాథమిక పనులు చేసుకునే వారికి ఇది ఒక మంచి ఛాయిస్ గా నిలుస్తుంది. ఈ ల్యాప్‌టాప్ గూగుల్ క్రోమ్ ఓఎస్ పై పనిచేస్తుంది. ఇది కేవలం 10 సెకన్లలోనే బూట్ అవుతుంది. గూగుల్ ప్లే స్టోర్ ద్వారా వేలాది ఆండ్రాయిడ్ యాప్‌లను నేరుగా ఇన్‌స్టాల్ చేసుకోవచ్చు.వినియోగదారుల పనిని మరింత సులభతరం చేసేందుకు ఇందులో జెమినీ ఏఐ టూల్ సపోర్ట్‌ను కూడా లెనోవో అందించింది. ప్రయాణాల్లో, తరగతి గదుల్లో వాడుకోవడానికి వీలుగా దీనిని చాలా తేలికగా రూపొందించారు. స్క్రీన్: 11.6 అంగుళాల HD డిస్‌ప్లే, 60Hz రిఫ్రెష్ రేట్‌తో వస్తుంది.దీనికి యాంటీ-గ్లేర్ ప్యానెల్ ఉండటం వల్ల కళ్ళపై ఒత్తిడి పడదు మరియు వెలుతురులో కూడా స్క్రీన్ స్పష్టంగా కనిపిస్తుంది. ఇది 1.23 కిలోల బరువు మాత్రమే ఉంటుంది, కాబట్టి బ్యాగులో సులభంగా మోసుకెళ్లవచ్చు. సాధారణ మల్టీటాస్కింగ్, వెబ్ బ్రౌజింగ్ కోసం ఇందులో మెరుగైన హార్డ్‌వేర్‌ను అమర్చారు. మీడియాటెక్ కొంపానియో 528 చిప్‌సెట్‌తో ఇది పనిచేస్తుంది. 4GB RAM & 64GB eMMC స్టోరేజ్‌ను కలిగి ఉంది. క్లౌడ్ స్టోరేజ్ వాడేవారికి ఇది సరిగ్గా సరిపోతుంది. రోజంతా పని చేసుకునేలా  బ్యాటరీని డిజైన్ చేశారు. ఒక్కసారి ఫుల్ ఛార్జ్ చేస్తే 10 గంటల వరకు నిరంతరాయంగా పనిచేస్తుందని కంపెనీ పేర్కొంది. ప్రస్తుతం ఫ్లిప్‌కార్ట్‌లో ఈ లెనోవో 100e క్రోమ్‌బుక్ ₹14,990 ధరకు అందుబాటులో ఉంది. అయితే, అదనపు ఆఫర్ల ద్వారా దీనిని ఇంకా తక్కువ ధరకే పొందవచ్చు. ఎంపిక చేసిన బ్యాంక్ కార్డులతో కొనుగోలు చేస్తే 10% తక్షణ డిస్కౌంట్ లభిస్తుంది. లెనోవో ఒక సంవత్సరం బ్రాండ్ వారంటీని అందిస్తోంది. పాత ల్యాప్‌టాప్ లేదా టాబ్లెట్ స్థితిని బట్టి గరిష్టంగా ₹10,500 వరకు ఎక్స్ఛేంజ్ విలువను పొందవచ్చు.