'హ్యాపీ న్యూ ఇయర్ 2026' పేరుతో సరికొత్త ప్రీపెయిడ్ ప్లాన్లను ప్రకటించిన జియో !

'హ్యాపీ న్యూ ఇయర్ 2026' పేరుతో జియో సరికొత్త ప్రీపెయిడ్ ప్లాన్‌లను విడుదల చేసింది. డేటా, కాలింగ్ మాత్రమే కాకుండా ఆధునిక ఏఐ  సేవలను కూడా ఉచితంగా అందించడం ఈ ప్లాన్‌ల ప్రత్యేకత. టెక్నాలజీని సామాన్య వినియోగదారులకు మరింత చేరువ చేయాలనే లక్ష్యంతో ఈ కొత్త ఆఫర్లను డిజైన్ చేసినట్లు జియో తెలిపింది. రూ.3,599 'హీరో యాన్యువల్ ప్లాన్'లో 365 రోజుల వ్యాలిడిటీతో రోజుకు 2.5GB డేటా, అన్‌లిమిటెడ్ కాల్స్, 5G సేవలతో పాటు 18 నెలల గూగుల్ జెమిని ప్రో సబ్‌స్క్రిప్షన్ ఉచితం. రూ.500 'సూపర్ సెలబ్రేషన్ మంత్లీ ప్లాన్'లో 28 రోజుల వ్యాలిడిటీతో రోజుకు 2GB డేటా, 12కి పైగా ఓటీటీ యాప్‌ల సబ్‌స్క్రిప్షన్‌తో పాటు 18 నెలల జెమిని ప్రో యాక్సెస్. రూ.103 'ఫ్లెక్సీ ప్యాక్'లో 28 రోజుల పాటు అదనంగా 5GB డేటా అందిస్తుంది. జియో అధికారిక వెబ్‌సైట్, MyJio యాప్, లేదా సమీపంలోని అధీకృత జియో రిటైల్ స్టోర్లలో ఈ ప్లాన్లను రీఛార్జ్ చేసుకోవచ్చు.