GTA 6 గేమ్ విడుదల అయిన తర్వాత అంచనాలకు మించి సక్సెస్ అయ్యింది. ఏళ్లు కష్టపడి తొమ్మిది వేల కోట్ల రూపాయలు ఖర్చు చేస్తే మూడు రోజుల్లో కంపెనీకి 15 వేల కోట్లు వచ్చాయంట! ఇప్పుడు ఇది ఇంటర్నెట్ ని షేక్ చేస్తోంది. ఈ గేమ్పై ఉన్న క్రేజ్ ఏ స్థాయిలో ఉందంటే కొందరు ఉద్యోగులు గేమ్ ఆడేందుకు సెలవులు తీసుకుంటుంటే, మరికొన్ని కంపెనీలు ఉద్యోగులకు ఎలాంటి ఇబ్బంది లేకుండా గేమ్ ఆడేందుకు ప్రత్యేక ఏర్పాట్లు చేస్తున్నాయి. దీని తయారీకి ఎంత ఖర్చయిందనే విషయాన్ని రాక్స్టార్ గేమ్స్ అధికారికంగా వెల్లడించలేదు. మొదట్లో ఈ గేమ్ బడ్జెట్ 13,989 వరకు ఉండొచ్చని వార్తలు వచ్చాయి. ప్రపంచంలోనే అత్యంత ఎత్తైన భవనం బుర్జ్ ఖలీఫా నిర్మాణానికి అయిన ఖర్చుతో దీనిని పోల్చారు. అయితే ఈ వార్తల్లో నిజం లేదని రాక్స్టార్ స్పష్టం చేసింది. టేక్-టూ ఇంటరాక్టివ్ సీఈఓ స్ట్రాస్ జెల్నిక్ కూడా GTA 6 తయారీకి భారీగా ఖర్చయిందని చెప్పారు. అయితే అసలు బడ్జెట్ ఎంతనేది మాత్రం వెల్లడించలేదు. కొన్ని నివేదికల ప్రకారం, ఈ గేమ్ తయారీకి 9,326 కోట్లు పైగా ఖర్చయి ఉండొచ్చని అంచనా వేస్తున్నారు. GTA 6 కోసం రాక్స్టార్ పెట్టిన పెట్టుబడి భారీదే. కానీ ఈ గేమ్పై ఉన్న క్రేజ్ చూస్తుంటే ఆ పెట్టుబడి వృథా కాలేదని అర్థమవుతోంది. సెన్సార్ టవర్ అనే పరిశోధనా సంస్థ అంచనాల ప్రకారం, నవంబర్ 19న గేమ్ విడుదలయ్యే సమయానికి ముందస్తు అమ్మకాల ద్వారా ఏకంగా కోటిన్నరకు పైగా కాపీలు అమ్ముడయ్యాయి. వీటి ద్వారా సుమారు 15 వేల కోట్లు ఆదాయం వచ్చినట్లు నివేదికలు చెబుతున్నాయి. అంటే గేమ్ తయారీకి అయినట్లు చెబుతున్న ఖర్చు కంటే ముందస్తు అమ్మకాల ద్వారానే ఎక్కువ ఆదాయం వచ్చినట్లు తెలుస్తోంది. మొత్తం అమ్మకాల్లో 75 శాతం సోనీ ప్లేస్టేషన్ 5 ద్వారా జరిగాయి. మిగిలిన అమ్మకాలు మైక్రోసాఫ్ట్ ఎక్స్బాక్స్ కన్సోల్ల ద్వారా జరిగాయి. డిజిటల్ స్టోర్లలో GTA 6 అత్యధికంగా ప్రీ-ఆర్డర్లు పొందిన గేమ్గా నిలిచిందని సోనీ, మైక్రోసాఫ్ట్ వెల్లడించాయి. ప్రస్తుతం ఈ గేమ్ PCలో అందుబాటులో లేదు. ఇక్కడ మరో విషయం గమనించాలి. సెన్సార్ టవర్ వెల్లడించిన ఈ లెక్కల్లో డిజిటల్ అమ్మకాలు మాత్రమే ఉన్నాయి. గేమ్కు సంబంధించిన ఫిజికల్ కాపీల అమ్మకాల ఆదాయం ఇందులో కలపలేదు. GTA 6 అమ్మకాలపై ఇప్పటికే భారీ అంచనాలు వినిపిస్తున్నాయి. బ్రోకరేజ్ సంస్థ ఓపెన్హైమర్ అంచనా ప్రకారం, గేమ్ విడుదలైన మొదటి మూడు రోజుల్లోనే 17 వేల కోట్ల గ్రాస్ ఆదాయం సంపాదించే అవకాశం ఉంది. దీనితో పోలిస్తే, 2013లో విడుదలైన GTA 5 మొదటి మూడు రోజుల్లోనే ప్రపంచవ్యాప్తంగా 9 వేల కోట్ల రిటైల్ అమ్మకాలను సాధించింది. ఈ విషయాన్ని టేక్-టూ సంస్థ అప్పట్లో వెల్లడించింది. GTA 6 విషయంలో అంతకంటే ఎక్కువ ఆదాయం వస్తుందని అంచనా వేస్తున్నారు. GTA 5 ఇప్పటికే ప్రపంచవ్యాప్తంగా దాదాపు 23 కోట్ల కాపీలు అమ్ముడై చరిత్ర సృష్టించింది. ప్రపంచంలో అత్యధికంగా అమ్ముడైన గేమ్ల లిస్టులో రెండో స్థానంలో ఉంది. మొదటి స్థానంలో Minecraft ఉంది. ఈ గేమ్ ఇప్పటివరకు 35 కోట్లకి పైగా కాపీలు అమ్ముడైంది. ఇప్పుడు GTA 6 కూడా ఇదే స్థాయిలో రికార్డులు సృష్టిస్తుందని అంచనాలు వస్తున్నాయి. అయితే Minecraft రికార్డును అధిగమించాలంటే GTA 6 ఇంకా చాలా దూరం ప్రయాణించాల్సి ఉంటుంది. మరోవైపు, గేమ్కు వస్తున్న పాజిటివ్ రివ్యూలు కూడా అమ్మకాలు పెరగడానికి సహాయపడే అవకాశం ఉంది. మెటాక్రిటిక్లో GTA 6కు 99 స్కోరు వచ్చినట్లు నివేదికలు పేర్కొంటున్నాయి.
3
Beranda
› 000 Crore in Just Three Days
› 000 Crore Investment Yields ₹15
› A ₹9
› currently taking the internet by storm
› GTA 6 Game Mania
› technology
› GTA 6 గేమ్ మానియా : రూ.9 వేల కోట్లు ఖర్చు పెడితే మూడు రోజుల్లో రూ.15 వేల కోట్లు !
Subscribe to:
Post Comments (Atom)
