ఆర్థిక లావాదేవీలకు సంబంధించిన చెక్ బౌన్స్ కేసులో నిర్మాత, నటుడు బండ్ల గణేశ్కు ఒంగోలు న్యాయస్థానం ఏడాది సాధారణ జైలు శిక్ష విధిస్తూ తీర్పు వెలువరించింది. జైలు శిక్షతో పాటు ఏకంగా రూ.95 లక్షల భారీ జరిమానా విధిస్తూ న్యాయమూర్తి ఆదేశాలు జారీ చేశారు. పూర్తి వివరాల్లోకి వెళితే వ్యాపార, ఆర్థిక లావాదేవీల నిమిత్తం ప్రకాశం జిల్లాకు చెందిన జెట్టి వెంకటేశ్వర్లు అనే వ్యక్తికి బండ్ల గణేశ్ తన సొంత నిర్మాణ సంస్థ 'పరమేశ్వర ఆర్ట్ ప్రొడక్షన్స్' పేరిట రూ.95 లక్షల విలువైన చెక్ ను అందజేశారు. అయితే సదరు చెక్ను బ్యాంకులో వేయగా ఖాతాలో సరిపడా నిధులు లేకపోవడంతో అది బౌన్స్ అయింది. ఆ తర్వాత నగదు చెల్లింపు విషయంలో బండ్ల గణేశ్ నుంచి సరైన స్పందన రాకపోవడం, తనకు న్యాయం జరగకపోవడంతో బాధితుడు జెట్టి వెంకటేశ్వర్లు ఒంగోలు కోర్టును ఆశ్రయించి చెక్ బౌన్స్ కేసు దాఖలు చేశారు. ఈ కేసుపై ఒంగోలు న్యాయస్థానంలో సుదీర్ఘంగా విచారణ కొనసాగింది. ఇరుపక్షాల న్యాయవాదుల వాదనలు, సమర్పించిన ఆధారాలను క్షుణ్ణంగా పరిశీలించిన న్యాయమూర్తి.. చెక్ బౌన్స్ నేరం రుజువు కావడంతో బండ్ల గణేశ్ను దోషిగా తేల్చారు. ఈ మేరకు ఆయనకు ఏడాది పాటు సాధారణ జైలు శిక్ష, రూ.95 లక్షల జరిమానా విధిస్తూ తుది తీర్పు ఇచ్చారు. అంతే కాకుండా ఈ కేసు న్యాయపోరాటం కోసం బాధితుడికి అయిన కోర్టు ఖర్చులను కూడా బండ్ల గణేశే పూర్తిగా భరించాలని తీర్పులో స్పష్టం చేశారు.
3
Beranda
› Andhra Pradesh
› cinema
› imposes a heavy fine of Rs. 95 lakh in a cheque bounce case
› Ongole Court sentences Bandla Ganesh to one year of simple imprisonment
› telangana
› చెక్ బౌన్స్ కేసులో బండ్ల గణేశ్కు ఏడాది సాధారణ జైలు శిక్ష, రూ.95 లక్షల భారీ జరిమానా విధించిన ఒంగోలు కోర్టు
Subscribe to:
Post Comments (Atom)
