సుదీర్ఘ అంతరాయం తర్వాత మైక్రోసాఫ్ట్ సేవలు గాడినపడ్డాయి. Outlook, Microsoft Teams, Copilot సహా పలు సేవలు తిరిగి సాధారణంగా పనిచేస్తున్నాయని కంపెనీ ప్రకటించింది. నవంబర్ 12న సేవల్లో ఏర్పడిన అంతరాయాన్ని పరిష్కరించేందుకు చాలా సమయం ప్రయత్నించినట్లు వెల్లడించింది. సేవల్లో అంతరాయం కలిగినందుకు వినియోగదారులకు క్షమాపణలు చెప్పింది. నవంబర్ 14న సాంకేతిక సమస్యను పరిష్కరించినట్లు మైక్రోసాఫ్ట్ శనివారం ప్రకటించింది. దీంతో ఈ-మెయిల్స్, ఆఫీస్ అప్లికేషన్లు, ఆన్లైన్ సమావేశాలు, ఇతర సేవల్ని వినియోగించడంలో ఇబ్బందులు ఎదుర్కొన్న కోట్లాది మంది వినియోగదారులకు ఊరట లభించింది. దీనికి ముందు నవంబర్ 12న మైక్రోసాఫ్ట్ సేవల్లో భారీ అంతరాయం ఏర్పడింది. అవుట్ లుక్, టీమ్స్, కోపైలట్, షేర్పాయింట్, టూ డూ సహా పలు మైక్రోసాఫ్ట్ సేవలు ప్రభావితమయ్యాయి. వినియోగదారులు తమ మెయిల్ బాక్స్ తెరవడం, మెసేజ్లు చదవడం, ఆన్లైన్ మీటింగ్స్లో పాల్గొనడంలో ఇబ్బందులు ఎదుర్కొన్నారు. మైక్రోసాఫ్ట్ అంతరాయం వల్ల దాదాపుగా 70 దేశాలు ఈ ప్రభావాన్ని ఎదుర్కొన్నాయి. కంపెనీలు, ప్రభుత్వ సంస్థలు, సాధారణ యూజర్లు మైక్రోసాఫ్ట్ సేవల్ని వినియోగించలేకపోయారు. ఈ అంతరాయం వల్ల వ్యాపార కార్యాకలపాలు నిలిచిపోయాయి. దీంతో సంస్థలకు ఆర్థికంగా నష్టం వాటిల్లింది. గంటకు సుమారు 9.4 మిలియన్ డాలర్ల నష్టం వాటిల్లినట్లు అంచనా వేస్తున్నారు. 36 గంటల అంతరాయంలో ఎంత మేర నష్టం జరిగిందనే దానికి ఖచ్చితమైన అధికారి లెక్కలు ఇంకా అందుబాటులోకి రాలేదు. సేవల్లో ఏర్పడిన అంతరాయానికి మైక్రోసాఫ్ట్ ప్రపంచవ్యాప్తంగా ఉన్న తన యూజర్లకు క్షమాపణలు చెప్పింది. ఈ సాంకేతిక సమస్యకు నెట్వర్క్ సామర్థ్యాన్ని అప్గ్రేడ్ చేసే సమయంలో తలెత్తిన లోపమే కారణమని కంపెనీ వెల్లడించింది. ఈ అంతరాయానికి సైబర్ దాడి, ఆర్టిఫిషియల్ ఇంటెలిజెన్స్ ఏజెంట్ల ప్రమేయం లేదని మైక్రోసాఫ్ట్ స్పష్టం చేసింది.
3
Beranda
› apologized to users for the inconvenience caused
› Copilot
› Microsoft Services Restored After 36-Hour Outage
› Microsoft Teams
› Outlook
› technology
› 36 గంటల తర్వాత మైక్రోసాఫ్ట్ సేవల పునరుద్ధరణ
Subscribe to:
Post Comments (Atom)
