హైదరాబాద్ లోని అంబర్పేటలో ఒక హోటల్ నుంచి మండీ బిర్యానీ తెప్పించుకుని తిన్న ఒకే కుటుంబానికి చెందిన తొమ్మిది మంది తీవ్ర అస్వస్థతకు గురయ్యారు. బాధితుల్లో ఐదుగురు చిన్నారులు కూడా ఉండటం ఆందోళన కలిగిస్తోంది. అంబర్పేట, రామంతపూర్ ప్రాంతాలకు చెందిన ఓ కుటుంబం ఈ నెల 15వ తేదీన గాంధీ బొమ్మ సమీపంలోని ముక్రం బిర్యానీ హోటల్ నుంచి మండీ బిర్యానీ ఆర్డర్ చేసుకుని తెప్పించుకుంది. కుటుంబ సభ్యులతో పాటు ఇంటికి వచ్చిన బంధువులు కలిసి ఆ బిర్యానీ తిన్నారు. అయితే భోజనం చేసిన కొద్దిసేపటికే వారిలో వాంతులు, విరేచనాలు మొదలై మొత్తం తొమ్మిది మంది తీవ్ర అస్వస్థతకు గురయ్యారు. దీంతో ఆగ్రహించిన బాధిత కుటుంబ సభ్యులు సదరు హోటల్ యజమానిని నిలదీశారు. బాధితులను తొలుత స్థానిక ప్రైవేటు ఆసుపత్రికి తరలించి చికిత్స అందించారు. అయితే, బాధితుల్లో ఒక మహిళకు న్యూరో సంబంధిత సమస్య తలెత్తడంతో పరిస్థితి ఆందోళనకరంగా మారింది. దీంతో బుధవారం అందరినీ నల్లకుంటలోని ఫీవర్ ఆసుపత్రికి తీసుకెళ్లారు. అక్కడ 7 ఏళ్లలోపు చిన్నారులకు చికిత్స అందించడంలో ఇబ్బందులు ఎదురవ్వడం, మహిళకు న్యూరో సమస్య ఉన్నట్లు ప్రైవేటు ఆసుపత్రి నివేదికలో పేర్కొనడంతో మెరుగైన వైద్యం కోసం అందరినీ ఉస్మానియా ఆసుపత్రికి రెఫర్ చేశారు. ఈ ఘటనలో అస్వస్థతకు గురైన వారిలో సయ్యద్ నసీమ్ సుల్తానా, ఖతీజ తుల్ కుబ్రా, ఆస్మా సుల్తానా, మహ్మద్ ఆమీర్ తదితరులు ఉన్నట్లు సమాచారం. ఆహారం కలుషితం కావడం వల్లే ఈ పరిస్థితి తలెత్తిందా అనే విషయంపై అధికారులు విచారణ జరుపుతున్నారు. హైదరాబాద్లో ఫుడ్ సేఫ్టీ అధికారులు హోటళ్లు, రెస్టారెంట్లలో తరచూ తనిఖీలు నిర్వహిస్తూ నోటీసులు జారీ చేస్తున్నప్పటికీ, ఇలాంటి ఘటనలు పునరావృతం కావడంపై నగరవాసులు ఆందోళన వ్యక్తం చేస్తున్నారు.
3
Beranda
› Amberpet
› five children are among the victims has caused significant concern
› hyderabad
› Nine People Fall Seriously Ill After Eating Mandi Biryani
› telangana
› మండీ బిర్యానీ తిన్న తొమ్మిది మందికి తీవ్ర అస్వస్థత
Subscribe to:
Post Comments (Atom)
