అందుబాటులోకి వచ్చిన వన్ UI 9 బీటా అప్‌డేట్‌

దేశంలో ఈరోజు నుంచి వన్ UI 9 బీటా అప్‌డేట్‌ అందుబాటులోకి వచ్చింది. మొదటి బిల్డ్‌తో పాటు సెప్టెంబర్ 2026 సెక్యూరిటీ ప్యాచ్‌ను అందించారు. ఈ అప్‌డేట్ సైజు దాదాపు 2.1GB ఉంటుంది. శామ్‌సంగ్ మెంబర్స్ యాప్ ద్వారా రిజిస్టర్ చేసుకుంటే, ఓవర్ ది ఎయిర్ పద్ధతిలో డౌన్‌లోడ్ చేసుకోవచ్చు. కేవలం ఫ్లాగ్‌షిప్‌ మోడల్స్‌కే పరిమితం కాకుండా ఈసారి మిడ్‌-రేంజ్ ఫోన్లకు కూడా బీటా రోలౌట్‌ను విస్తరించడం విశేషం. ఈ బీటా ప్రోగ్రామ్‌లో చేరే ముందు మీ ఫోన్ డేటానంతా బ్యాకప్ చేసుకోవడం మంచిది. బీటా వర్షన్ సాఫ్ట్‌వేర్లలో కొన్ని రకాల లోపాలు ఉండే ప్రమాదం ఉంది. ప్లే ఇంటిగ్రిటీ చెక్స్ వైఫల్యం వల్ల కొన్ని బ్యాంకింగ్, UPI యాప్‌లు సరిగ్గా పనిచేయకపోవచ్చు. బీటా వెర్షన్లలో 'ట్యాప్ టు పే' ఫీచర్ సరిగ్గా పనిచేయకపోవచ్చని గూగుల్ స్వయంగా హెచ్చరిస్తోంది. ఒకవేళ మీరు మళ్లీ పాత వెర్షన్‌కు మారాలనుకుంటే, శామ్‌సంగ్ మెంబర్స్‌లో విత్‌డ్రా అయిన తర్వాత పిసిలో స్మార్ట్ స్విచ్ యాప్ వాడాల్సి ఉంటుంది.మొదట Samsung Members యాప్ తెరవండి. హోమ్‌పేజీలో కనిపించే One UI 9 Beta బ్యానర్‌పై క్లిక్ చేసి రిజిస్టర్ అవ్వండి. నిబంధనలను అంగీకరించి సబ్మిట్ చేయండి. ఆ తర్వాత ఫోన్ Settings → Software update → Download and install ఆప్షన్‌పై ట్యాప్ చేయండి. అప్‌డేట్ కోసం సరిపడా Wi-Fi డేటా వాడండి, అలాగే ఫోన్ చార్జింగ్ 50% కంటే ఎక్కువగా ఉంచుకోండి. అప్‌డేట్ చేయడానికి ముందే మీ డేటాను బ్యాకప్ చేసుకోవడం మర్చిపోవద్దు. ఈ బీటా అప్‌డేట్‌లో హంగుల కంటే ఫోన్ వినియోగం, పర్‌ఫార్మెన్స్‌ను మెరుగుపరచడంపైనే ఎక్కువ దృష్టి పెట్టారు. మరింత స్మూత్‌గా ఉండే యానిమేషన్లు, క్లీన్ టోగుల్స్, 'టెక్స్ట్ స్పాట్‌లైట్' వంటి ఉపయోగకరమైన యాక్సెసిబిలిటీ ఫీచర్లు అందుబాటులోకి వచ్చాయి. రోజువారీ వాడకంలో క్లిక్స్ తగ్గించేలా శామ్‌సంగ్ సొంత యాప్‌లలో చిన్న చిన్న మార్పులు చేశారు. కెమెరా మెగాపిక్సెల్స్ లేదా చిప్‌సెట్ మార్పుల కంటే కూడా... మెరుగైన బ్యాటరీ లైఫ్, స్మూత్ స్క్రోలింగ్, వేగవంతమైన కెమెరా రెస్పాన్స్ ఇవ్వడానికి ఈ కొత్త మార్పులు బాగా తోడ్పడతాయి.