దేశీయ మార్కెట్లోకి రిలయన్స్ జియో తీసుకొచ్చిన రూ. 15 'అన్‌లిమిటెడ్ 5G' 24 గంటల ప్యాక్ తీసుకొచ్చింది. విద్యార్థులు, స్ట్రీమర్లు, గేమర్లు, ప్రయాణికులకు ఎక్కువగా డేటా అవసరమైన రోజుల్లో ఈ ప్లాన్ ఎంతో ఉపయోగపడుతుంది. ప్రస్తుతం దేశవ్యాప్తంగా తెగ ట్రెండ్ అవుతోంది. ఈ 24 గంటల వ్యాలిడిటీ సమయంలో ఎలాంటి పరిమితి లేకుండా హై-స్పీడ్ 5G డేటాను అందిస్తున్నట్లు జియో తెలిపింది. ఈ ప్యాక్ MyJio యాప్, Jio.com వెబ్‌సైట్‌తో పాటు అన్ని ప్రముఖ రీఛార్జ్ ప్లాట్‌ఫారమ్‌లు, రిటైల్ స్టోర్లలో అందుబాటులో ఉంది. ఈ ఆఫర్ పొందాలంటే మీ దగ్గర 5G స్మార్ట్‌ఫోన్, జియో 5G సిమ్ ఉండటంతో పాటు True 5G నెట్‌వర్క్ కవరేజ్ ఏరియాలో ఉండాలి. అంతేకాకుండా మీ నంబర్‌పై ఏదైనా యాక్టివ్ బేస్ ప్లాన్ ఖచ్చితంగా ఉండాల్సిందే. ఈ ప్యాక్‌తో ల్యాప్‌టాప్‌లు, టాబ్లెట్‌లకు కూడా మొబైల్ హాట్‌స్పాట్ ద్వారా ఇంటర్నెట్ షేర్ చేసుకోవచ్చని జియో వర్గాలు చెబుతున్నాయి. మరో ముఖ్యమైన విషయమేంటంటే.. దీని వ్యాలిడిటీ రీఛార్జ్ చేసిన సమయం నుండి సరిగ్గా 24 గంటల పాటు ఉంటుంది.