ఆంధ్రప్రదేశ్ లోని అనంతపురం జిల్లా రాప్తాడు స్కూల్లో ఉన్మాది ఘాతుకానికి తీవ్రంగా గాయపడిన విద్యార్థిని కుటుంబాన్ని స్వయంగా బెంగళూరు వెళ్లి పరామర్శించారు. ఆ కుటుంబానికి అన్ని విధాలా అండగా ఉంటామని ఆయన భరోసా ఇచ్చారు. మంత్రి లోకేష్ తన వ్యక్తిగత ఫోన్ నంబర్‌ను సదరు చిన్నారి తండ్రికి స్వయంగా అందించారు. ఏ అవసరం వచ్చినా, ఎలాంటి కష్టం వచ్చినా సంకోచించకుండా నేరుగా నాకు ఫోన్ చేయండి లేదా మెసేజ్ చేయండి అని ఆ తండ్రికి ధైర్యం చెప్పారు. ఒక రాష్ట్ర మంత్రిగా మాత్రమే కాకుండా, ఒక కుటుంబ పెద్దగా వారి కష్టసుఖాల్లో పాలుపంచుకుంటానని మాట ఇచ్చారు. తెలుగుదేశం పార్టీ జాతీయ ప్రధాన కార్యదర్శిగా, పార్టీ వర్కింగ్ ప్రెసిడెంట్ హోదాలో బాధిత కుటుంబానికి సంపూర్ణ మద్దతు ఇస్తానని లోకేష్ ప్రకటించారు. పార్టీ తరఫున , ప్రభుత్వం తరఫున అందించాల్సిన అన్ని రకాల సహాయ సహకారాలను తక్షణమే ఏర్పాటు చేస్తామని, న్యాయం జరిగే వరకు నిరంతరం ఫాలోఅప్ చేస్తానని నారా లోకేష్ స్పష్టం చేశారు. క్లిష్ట సమయంలో నేరుగా పరామర్శించి వ్యక్తిగత ఫోన్ నంబర్ ఇచ్చి ధైర్యం చెప్పడంతో కుటుంబసభ్యులు ధైర్యంతో ఉన్నారు.
