భారత పురుషుల కబడ్డీ జట్టు ఇరాన్‌ను ఓడించి స్వర్ణ పతకాన్ని అందుకుంది. అంతకుముందు భారత మహిళా జట్టు ఫైనల్‌లో ఇరాన్‌ను ఓడించి స్వర్ణ పతకాన్నిసాధించింది. ఈ ఫైనల్‌ మ్యాచ్ లో భారత్, ఇరాన్ జట్ల మధ్య పోటీ మొదట హోరాహోరీగా సాగింది. ఆట ప్రారంభంలో పోటీ ఉత్కంఠభరితంగా అనిపించినప్పటికీ, భారత జట్టు త్వరగానే పట్టు సాధించి, మొదటి అర్ధభాగంలో ఎక్కువ సమయం తమ ఆధిపత్యాన్ని కొనసాగించింది. హాఫ్‌టైమ్ సమయానికి 17-18తో భారత్ వెనుకబడి ఉన్నప్పటికీ, చివరికి 40-34 తేడాతో ఘన విజయం సాధించింది. భారత ఆటగాళ్లు సుమిత్, అర్జున్.. మరోసారి అద్భుతమైన ప్రదర్శన కనబరిచి విజయంలో కీలక పాత్ర పోషించారు.
