చైనా మార్కెట్‌లో వివో మరో కొత్త బడ్జెట్ 5G ఫోన్‌ను వివో వై6కేని విడుదల చేసింది. 6500mAh భారీ బ్యాటరీ, 120Hz రిఫ్రెష్ రేట్ డిస్‌ప్లే, MediaTek Dimensity 6300 ప్రాసెసర్ వంటి ప్రత్యేకతలు ఇందులో ఉన్నాయి. అంతేకాకుండా ఈ ఫోన్ ఆండ్రాయిడ్ 16 ఆపరేటింగ్ సిస్టమ్‌తో పనిచేస్తుంది. ధూళి, నీటి నుంచి రక్షణ కోసం IP65 రేటింగ్ కూడా ఇచ్చారు. ఈ ఫోన్ 6GB RAM, 128GB స్టోరేజ్ వేరియంట్‌లో అందుబాటులో ఉంది. దీని ధర 1,599 చైనీస్ యువాన్లు. భారత కరెన్సీలో సుమారు రూ.22,000గా ఉంటుంది. బ్లూ, వైట్, బ్లాక్ కలర్ ఆప్షన్లలో ఈ ఫోన్ లభిస్తుంది. కంపెనీ అధికారిక వెబ్‌సైట్‌లో కొనుగోలుకు అందుబాటులో ఉంచింది. అయితే భారత మార్కెట్‌లో ఈ ఫోన్ విడుదల, ధరకు సంబంధించి అధికారిక ప్రకటన వెలువడాల్సి ఉంది. ఈ స్మార్ట్‌ఫోన్‌లో 6.74 అంగుళాల LCD డిస్‌ప్లే అందించారు. ఇది 1600 × 720 పిక్సెల్స్ రిజల్యూషన్‌తో పనిచేస్తుంది. ఇందులో 120Hz రిఫ్రెష్ రేట్ ఉండటం వల్ల స్క్రోలింగ్, యానిమేషన్లు మరింత స్మూత్‌గా ఉంటాయి. అలాగే 1200 నిట్స్ పీక్ బ్రైట్‌నెస్ సపోర్ట్ కూడా ఉంది. వాటర్‌డ్రాప్ నాచ్ డిజైన్‌తో ఈ ఫోన్‌ను రూపొందించారు. ఈ స్మార్ట్‌ఫోన్‌లో MediaTek Dimensity 6300 ఆక్టా-కోర్ ప్రాసెసర్‌ను ఉపయోగించారు. గ్రాఫిక్స్ కోసం Mali-G57 GPU అందించారు. ఇక ఇందులో 6GB వరకు LPDDR4X RAM, 128GB వరకు UFS 2.2 ఇంటర్నల్ స్టోరేజ్ లభిస్తుంది. ఆండ్రాయిడ్ 16 ఆపరేటింగ్ సిస్టమ్‌తో ఈ ఫోన్ పనిచేస్తుంది. దీని వెనుకవైపు 13 మెగాపిక్సెల్ మెయిన్ కెమెరాను అందించారు. ఇది f/2.2 అపెర్చర్‌తో పనిచేస్తుంది. సెల్ఫీలు, వీడియో కాల్స్ కోసం ముందు భాగంలో 5 మెగాపిక్సెల్ కెమెరా ఇచ్చారు. కెమెరా ఫీచర్ల పరంగా ఇది ప్రాథమిక అవసరాలను దృష్టిలో పెట్టుకుని రూపొందించిన బడ్జెట్ స్మార్ట్‌ఫోన్‌గా చెప్పవచ్చు. Vivo Y6kలో ప్రధాన ఆకర్షణ 6500mAh భారీ బ్యాటరీ. ఎక్కువసేపు ఫోన్ ఉపయోగించే వారికి ఈ బ్యాటరీ ఉపయోగకరంగా ఉంటుంది. దీనికి 15W ఫాస్ట్ ఛార్జింగ్ సపోర్ట్ కూడా అందించారు. ఈ ఫోన్‌కు IP65 రేటింగ్ ఇచ్చారు. కనెక్టివిటీ పరంగా 5G, Wi-Fi 5, Bluetooth 5.4 ఫీచర్లు ఉన్నాయి. ఛార్జింగ్ కోసం USB Type-C పోర్ట్, వైర్డ్ హెడ్‌ఫోన్స్ కోసం 3.5mm ఆడియో జాక్ కూడా ఇచ్చారు.