విమానాశ్రయాలు, చమురు నిల్వ కేంద్రాలే టార్గెట్‌గా డ్రోన్లు, మిసైళ్లతో విరుచుకుపడుతున్న హౌతీలు

సౌదీ అరేబియా లక్ష్యంగా యెమెన్‌కు చెందిన హౌతీ రెబెల్స్ దాడులను మరింత తీవ్రతరం చేశారు. కీలకమైన విమానాశ్రయాలు, చమురు నిల్వ కేంద్రాలే టార్గెట్‌గా డ్రోన్లు, మిసైళ్లతో విరుచుకుపడుతుండటంతో గల్ఫ్ ప్రాంతంలో తీవ్ర ఉద్రిక్త పరిస్థితులు నెలకొన్నాయి. సౌదీలోని వ్యూహాత్మక కింగ్ ఫహద్ విమానాశ్రయంపై హౌతీలు జరిపిన మెరుపు దాడిలో ఒకరు ప్రాణాలు కోల్పోగా, మరో 8 మంది తీవ్రంగా గాయపడ్డారు. ప్రపంచ ఆర్థిక వ్యవస్థను ప్రభావితం చేసే చమురు కేంద్రాలపై కూడా రెబెల్స్ పంజా విసిరారు. షైబా ఆయిల్ ఫీల్డ్‌పై జరిగిన డ్రోన్ దాడిలో మరో ఇద్దరు మృతి చెందడంతో ఆ ప్రాంతంలో భయాందోళనలు వ్యక్తమవుతున్నాయి.