తెలంగాణ ఎడ్‌సెట్‌ ఫలితాలు విడుదల

తెలంగాణ ఎడ్‌సెట్‌ ఫలితాలు విడుదలైయ్యాయి. కాకతీయ యూనివర్సిటీ తరపున తెలంగాణ కౌన్సిల్ ఆఫ్ హయ్యర్ ఎడ్యుకేషన్ ఈ పరీక్షను నిర్వహించింది. మే 12న జరిగిన ఈ కంప్యూటర్ బేస్డ్ టెస్ట్‌లో వివిధ సెషన్లలో వేలాది అభ్యర్థులు పాల్గొన్నారు. ఫలితాలతో పాటు ఫైనల్ ఆన్సర్ కీ కూడా అందుబాటులో ఉంది. అభ్యర్థులు తమ హాల్ టికెట్ నంబర్, మొబైల్ నంబర్ లేదా పుట్టిన తేదీని ఉపయోగించి ర్యాంక్ కార్డును డౌన్‌లోడ్ చేసుకోవచ్చు. అధికారిక వెబ్‌సైట్ edcet.tgche.ac.inలో ఫలితాలు అందుబాటులో ఉన్నాయి. ఈ ఫలితాలు B.Ed కోర్సు ప్రవేశాలకు కీలకం. అర్హత సాధించిన అభ్యర్థులు త్వరలోనే వచ్చే కౌన్సెలింగ్ ప్రక్రియలో పాల్గొని సీట్లు పొందవచ్చు. ర్యాంక్ ఆధారంగా కాలేజీలు, సీట్ల కేటాయింపు జరుగుతుంది. గత సంవత్సరాలతో పోలిస్తే ఈ ఏడాది పోటీ మరింత తీవ్రంగా ఉంది.అభ్యర్థులు తమ మార్కులు, ర్యాంక్, క్వాలిఫైంగ్ స్టేటస్‌ను తనిఖీ చేసుకోవాలి. ఏవైనా సందేహాలుంటే అధికారిక వెబ్‌సైట్ లేదా హెల్ప్‌లైన్‌ను సంప్రదించాలి. ఈ ఫలితాలు ఉపాధ్యాయ వృత్తి వైపు మరో ముందడుగు వేసిన అభ్యర్థులకు గొప్ప అవకాశం కల్పిస్తాయి.