దేశవ్యాప్తంగా నిర్వహించిన 'MCh రెటినా' ప్రవేశ పరీక్షలో డాక్టర్ ఆశిష్ ఎస్ ఆల్ ఇండియా మొదటి ర్యాంక్ సాధించి సరికొత్త రికార్డు సృష్టించారు. ఈ అద్భుతమైన విజయం ద్వారా దక్షిణ భారతదేశం నుండి ప్రతిష్టాత్మకమైన MCh రెటినా కోర్సులో ప్రవేశం పొందబోతున్న మొట్టమొదటి అభ్యర్థులలో ఒకరిగా ఆయన నిలిచారు. డాక్టర్ ఆశిష్ ఇటీవల చండీగఢ్లోనే తన ఎంఎస్ పూర్తి చేసి, అక్కడ అత్యుత్తమ ప్రతిభ కనబరిచి ‘డబుల్ గోల్డ్ మెడల్’ కైవసం చేసుకున్నారు. ప్రస్తుతం దేశంలోనే అత్యంత ప్రతిష్టాత్మకమైన ఎయిమ్స్, ఢిల్లీలో ‘సీనియర్ రెసిడెంట్ రెటినా’ విభాగానికి ఎంపికై సేవలు అందిస్తున్నారు. అంతర్జాతీయ వైద్య పరిశోధన రంగంలో ఆయనకు అపారమైన పట్టు ఉంది. ప్రతిష్టాత్మక అంతర్జాతీయ ఆప్తాల్మాలజీ జర్నల్స్ అయిన బీజేఓ మరియు ఏఏఓలలో 15కు పైగా ఆయన పరిశోధనాత్మక వ్యాసాలు ప్రచురితమయ్యాయి. వైద్య శాస్త్రంలో ఆయన చేసిన ఆవిష్కరణకు గానూ ఆయన పేరిట ఒక అధికారిక పేటెంట్ కూడా నమోదు కావడం విశేషం. డాక్టర్ ఆశిష్ నిరంతర కృషి, అంకితభావం, అకడమిక్ ప్రతిభకు ఈ ఆల్ ఇండియా ఫస్ట్ ర్యాంక్ ఒక నిదర్శనం. ఆయన సాధించిన ఈ అమోఘమైన విజయం వారి కుటుంబానికి ఎనలేని గర్వకారణంగా నిలిచింది. ప్రముఖ విద్యావేత్త, దివంగత ప్రొఫెసర్ వెంగళరావుకి ఆయన వారసుడు. సాధించిన ఈ అసమాన ఘనత ఒక గొప్ప నిజమైన నివాళి అని కుటుంబ సభ్యులు సంతోషం వ్యక్తం చేశారు.
0 Comments