ఒప్పో ఎన్‌కో ఎయిర్ 5 ప్రో ఇయర్‌బడ్స్ విడుదల

దేశీయ మార్కెట్లో ఒప్పో టీడబ్ల్యూఎస్ ఇయర్‌బడ్స్ ఎన్‌కో ఎయిర్ 5 ప్రోను అధికారికంగా విడుదల చేసింది. గత ఏడాది వచ్చిన ఎయిర్ 4 ప్రోకు అప్‌గ్రేడ్‌గా వచ్చిన ఈ బడ్స్‌లో అత్యాధునిక ఫీచర్లను అందుబాటులోకి తీసుకొచ్చారు.  ఇందులో 12mm డ్రైవర్లను అమర్చారు. ఇది 20Hz నుంచి 40KHz వరకు స్పష్టమైన సౌండ్‌ను అందిస్తుంది. ముఖ్యంగా LHDC 5.0 సపోర్ట్ వల్ల వైర్‌లెస్ ద్వారా కూడా హై-రెజల్యూషన్ ఆడియోను ఆస్వాదించవచ్చు. బయటి శబ్దాలు వినిపించకుండా 55dB వరకు నాయిస్ క్యాన్సిలేషన్ సదుపాయం ఉంది. యూజర్లు తమ అవసరాన్ని బట్టి అడాప్టివ్ మోడ్, ట్రాన్స్‌పరెన్సీ మోడ్‌లకు సులభంగా మారిపోవచ్చు. లేటెస్ట్ బ్లూటూత్ 6.0 టెక్నాలజీతో ఇది వస్తోంది. గేమర్స్ కోసం ప్రత్యేకంగా 47ms లో-లేటెన్సీ మోడ్‌ను ఇచ్చారు, దీనివల్ల గేమ్ ఆడేటప్పుడు సౌండ్ సూపర్‌గా వినిపిస్తుంది. ఒక్కసారి ఛార్జ్ చేస్తే (ANC ఆఫ్‌లో ఉంటే) ఇయర్‌బడ్స్ 13 గంటల వరకు పనిచేస్తాయి. ఛార్జింగ్ కేస్‌తో కలిపి మొత్తం 54 గంటల సుదీర్ఘ బ్యాటరీ లైఫ్‌ను ఇది ఆఫర్ చేస్తోంది. కాల్స్ మాట్లాడేటప్పుడు స్పష్టత కోసం మూడు మైక్రోఫోన్లతో కూడిన నాయిస్ క్యాన్సిలేషన్ సిస్టమ్ ఇందులో ఉంది.