వాట్సాప్ లో కాంటాక్ట్ లిస్ట్‌లో ఉన్న స్నేహితులు, ఆప్తుల పుట్టినరోజులను గుర్తు చేసేందుకు వీలుగా 'బర్త్‌డే రిమైండర్'ఫీచర్‌ను అభివృద్ధి చేస్తోంది. ఈ ఫీచర్ అందుబాటులోకి వస్తే, కాంటాక్ట్స్‌లో ఉన్నవారి పుట్టినరోజు నోటిఫికేషన్లు నేరుగా యాప్‌లోనే చూపిస్తుంది. ఇందుకోసం వాట్సాప్ యాప్‌లో ప్రత్యేకంగా ఒక ‘బర్త్‌డేస్’ విభాగాన్ని కూడా ఏర్పాటు చేయనుంది. ఈ సరికొత్త బర్త్‌డే రిమైండర్ ఫీచర్ ప్రస్తుతం ఆండ్రాయిడ్, ఐఓఎస్ బీటా వెర్షన్లలో పరీక్షల దశలో ఉంది. ఈ టెస్టింగ్ ప్రక్రియ ముగిసిన వెంటనే, త్వరలోనే ప్రపంచవ్యాప్తంగా ఉన్న సాధారణ వినియోగదారులందరికీ ఈ అప్‌డేట్‌ను అందుబాటులోకి తీసుకురావడానికి వాట్సాప్ కసరత్తు చేస్తోంది. ఈ ఫీచర్ రాకతో ఇకపై స్నేహితుల పుట్టినరోజులను గుర్తుంచుకోవడం మరింత సులభతరం కానుంది. వినియోగదారులు తమ కాంటాక్ట్స్‌లో ఉన్న వారి రాబోయే పుట్టినరోజుల వివరాలను ఒకే చోట చూసుకునేలా వాట్సాప్‌లో ప్రత్యేకంగా ఒక 'బర్త్‌డేస్' విభాగాన్ని ఏర్పాటు చేయనున్నారు. అయితే, అవతలి వ్యక్తి తన పుట్టిన తేదీని వాట్సాప్‌లో నమోదు చేసినప్పుడు మాత్రమే ఈ రిమైండర్లు మనకు కనిపిస్తాయి. ప్రస్తుతం ఈ ఫీచర్ అభివృద్ధి దశలో ఉంది. ఇప్పటికే ఫేస్‌బుక్‌ వంటి సోషల్ మీడియా ప్లాట్‌ఫారమ్స్‌లో ఈ తరహా బర్త్‌డే రిమైండర్స్ ప్రజాదరణ పొందగా, ఇప్పుడు వాట్సాప్‌లో కూడా ఇది రాబోతోంది. భవిష్యత్తులో దీనితో పాటు ప్రైవసీ సెట్టింగ్స్ కూడా రానున్నాయి, దీని ద్వారా మీ పుట్టినరోజు వివరాలు ఎవరికి కనిపించాలో మీరే స్వయంగా నియంత్రించుకోవచ్చు.
No comments:
Post a Comment