నాసిక్ లో లిఫ్ట్ మహిళ తలపై పడి దుర్మరణం : సోషల్ మీడియాలో వైరల్

మహారాష్ట్రలోని నాసిక్ నగరంలో ఒక వైద్య కళాశాలలో పనిచేసే జ్యోతి అహిరే అనే మహిళా ఉద్యోగి తన రోజువారీ విధుల్లో భాగంగా వస్తువులను ఒక అంతస్తు నుండి మరో అంతస్తుకు తరలించే 'గూడ్స్ ఎలివేటర్'ను ఉపయోగిస్తున్నారు. ఆ సమయంలో ఎలివేటర్ సాంకేతిక లోపం కారణంగా ఒక్కసారిగా కుప్పకూలి నేరుగా ఆమె తలపై పడింది. ఈ భయంకరమైన ప్రమాదం కాలేజీలోని సీసీటీవీ కెమెరాలో రికార్డయ్యింది. ఆ వీడియోలో ఎలివేటర్ విరిగిపడటం, అది జ్యోతి అహిరేను బలంగా తాకడం స్పష్టంగా కనిపిస్తోంది. సహాయక చర్యలు చేపట్టి, వెంటనే చికిత్స అందించినప్పటికీ, ఆమె గాయాలతో మరణించింది. ఈ దృశ్యాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. ఇది చూసిన నెటిజన్లు తీవ్ర దిగ్భ్రాంతికి లోనవుతున్నారు.