టీవీఎస్ కంపెనీ త్వరలోనే దేశంలోనే మొట్టమొదటి సీఎన్‌జీ స్కూటర్‌ను విడుదల చేయనుంది. సీఎన్‌జీ స్కూటర్‌ను లాంచ్ చేసేందుకు టీవీఎస్ కంపెనీ ఇప్పటికే సన్నాహాలు చేస్తోంది. టీవీఎస్ కంపెనీ జూపిటర్ సీఎన్‌జీ వెర్షన్‌ను తీసుకురావడానికి సిద్ధమవుతోంది. టీవీఎస్ జూపిటర్ సీఎన్‌జీ 226 కిలోమీటర్ల వరకు అద్భుతమైన మైలేజీని అందిస్తుందని కంపెనీ చెబుతోంది. ఇది ద్విచక్ర వాహన విభాగంలో ఒక ప్రత్యేక ఆకర్షణగా నిలవనుంది. జూపిటర్ స్కూటర్‌ను టీవీఎస్ కంపెనీ 2025 భారత్ మొబిలిటీ ఎక్స్‌పోలో కాన్సెప్ట్‌గా ప్రదర్శించింది. ఈ స్కూటర్ 2026 మధ్య నాటికి మార్కెట్‌లో విక్రయానికి అందుబాటులోకి వస్తుందని, దీనిని ప్రపంచంలోనే మొట్టమొదటి సీఎన్‌జీ స్కూటర్‌గా పరిచయం చేస్తారని భావిస్తున్నారు. సీఎన్‌జీ ట్యాంక్‌ను సీటు కింద అమర్చారు. అయితే ట్యాంక్ కారణంగా స్కూటర్‌లో లభించే డిక్కీ స్థలం (బూట్ స్పేస్) కొద్దిగా తగ్గే అవకాశం ఉంది. ఈ స్కూటర్ 1.4 కిలోగ్రాముల సీఎన్‌జీ ట్యాంక్‌తో వస్తుంది. ఒక కిలోగ్రాము CNGలో 84 కిలోమీటర్ల వరకు మైలేజీని ఇవ్వగలదు. సీఎన్‌జీ కార్ల మాదిరిగానే బయో-ఫ్యూయల్ టెక్నాలజీని ఉపయోగిస్తుంది. ఇది పెట్రోల్, సీఎన్‌జీ రెండింటిపై నడుస్తుంది. ఇందులో రెండు లీటర్ల పెట్రోల్ ట్యాంక్ కూడా ఉంటుంది. ఇది స్కూటర్ ఫ్లోర్‌బోర్డ్‌లో అమర్చబడుతుంది. పెట్రోల్, సీఎన్‌జీ మైలేజీని కలిపి చూస్తే, జూపిటర్ సీఎన్‌జీ మొత్తం రేంజ్ 226 కిలోమీటర్లు ఉంటుందని టీవీఎస్ పేర్కొంది. సీఎన్‌జీ నింపే నాజిల్, ప్రెజర్ గేజ్ డిక్కీ లోపల ఉంటాయి. అంటే సీఎన్‌జీ నింపడానికి వినియోగదారులు సీటు తెరవాల్సి ఉంటుంది. పెట్రోల్ నింపే నాజిల్ మాత్రం ముందున్న ఆప్రన్ ఏరియాలోనే ఉంటుంది. టీవీఎస్ జూపిటర్ సీఎన్‌జీలో 124.8cc సింగిల్ సిలిండర్ ఎయిర్-కూల్డ్ ఇంజన్ లభిస్తుంది. ఇది 7.1 bhp శక్తిని, 9.4 Nm టార్క్‌ను ఉత్పత్తి చేస్తుంది. దీని టాప్ స్పీడ్ గంటకు 80 కిలోమీటర్లు ఉండవచ్చు. డిజైన్, టెక్నాలజీ పరంగా, ఈ సీఎన్‌జీ స్కూటర్ సాధారణ జూపిటర్ స్కూటర్ మాదిరిగానే ఉంటుంది, కానీ దీనికి సీఎన్‌జీ బ్యాడ్జింగ్ (లోగో) అదనంగా లభిస్తుంది. కంపెనీ సీఎన్‌జీ స్కూటర్ కోసం కొత్త రంగుల ఎంపికలు (కలర్ ఆప్షన్స్), బాడీ గ్రాఫిక్స్‌ను కూడా తీసుకురావచ్చు. ఈ సెగ్మెంట్‌లో లభించే అన్ని ఆధునిక సాంకేతిక ఫీచర్లను ఇందులో చేర్చనున్నారు.
No comments:
Post a Comment