జనవరి 6న రెడ్‌మి 14సీ 5జీ విడుదల

జనవరి 6న భారతదేశంతో పాటు ప్రపంచ మార్కెట్లలో రెడ్‌మి 14సీ 5జీ  లాంచ్ కానుంది. ఈ ఫోన్  రెడ్‌మి 13సీ 5జీ  సక్సెసర్‌గా ఉంటుంది. కొత్త డిజైన్ హార్డ్‌వేర్ పరంగా కొన్ని అప్‌గ్రేడ్‌లతో వస్తుందని భావిస్తున్నారు. డిజైన్ గురించి మాట్లాడితే ఈ స్మార్ట్‌ఫోన్ స్టార్‌లైట్ థీమ్‌ను కలిగి ఉంటుంది. మూడు స్మార్ట్‌ఫోన్ రంగులను కూడా కంపెనీ ధృవీకరించింది. ఈ మొబైల్ డ్యూయల్ 5G సిమ్‌తో వస్తుందని టెక్ కంపెనీ ధృవీకరించింది. ఇది కాకుండా, ఇది 50ఎంపీ ప్రైమరీ కెమెరాతో ఏఐ ఇమేజింగ్ ఫీచర్లను కలిగి ఉన్నట్లు కూడా నిర్ధారించింది. స్మార్ట్‌ఫోన్ రెడ్‌మి 14ఆర్ రీబ్రాండెడ్ వెర్షన్‌గా భావిస్తున్నారు. ఇది కొన్ని నెలల క్రితం చైనాలో ప్రారంభించారు. ఇది నిజమని తేలితే రెడ్‌మి 14సీ 120Hz రిఫ్రెష్ రేట్‌తో 6.88-అంగుళాల LCD ప్యానెల్‌తో లాంచ్ అవుతుంది. ఈ స్మార్ట్‌ఫోన్ స్నాప్‌డ్రాగన్ 8 జెన్ 2తో రావచ్చు. మొబైల్ 18W సపోర్ట్ ఇచ్చే భారీ 5160mAh బ్యాటరీతో రన్ కావచ్చు. ఇది కాకుండా, సాఫ్ట్‌వేర్ పరంగా ఇది Android 14 ఆధారిత హైపర్ OS తో వస్తుంది. కెమెరా విషయానికొస్త, ఇది 50MP వెనుక కెమెరా,5MP ఫ్రంట్ కెమెరాను పొందవచ్చు. నివేదికల ప్రకారం Redmi 14C ధర రూ. 11000 నుండి రూ. 12000 మధ్య ఉండవచ్చని అంచనా. అయితే దీని ధరకు సంబంధించి ఎలాంటి కచ్చితమైన వివరాలను కంపెనీ ఇంకా ధృవీకరించలేదు.