నదిలో ఐఫోన్‌ల వరద : పడవల్లోకి ఎక్కించుకుంటున్న గ్రామస్తులు : వీడియో వైరల్

నదిలో లంగరు వేసిన కార్గో షిప్‌లోని కంటైనర్ అకస్మాత్తుగా తెరుచుకోవడం, ఖరీదైన ఎలక్ట్రానిక్ పరికరాలు, ముఖ్యంగా ఐఫోన్‌లు ఉన్న పెట్టెలు నీటిలో పడటం ఈ వీడియోలో కనిపిస్తోంది. ఈ దృశ్యం సమీపంలోని గ్రామస్తులలో భయాందోళనలకు గురిచేసింది. దీన్ని చూసిన ప్రజలు తమ పడవలతో సంఘటనా స్థలానికి చేరుకున్నారు. ఐఫోన్ బాక్స్‌లతో నిండిన కంటైనర్‌ను గ్రామస్తులు సంకోచిస్తూ వాటిని తీసుకొని తమ పడవల్లోకి ఎక్కించుకుంటున్నట్లు వీడియోలో స్పష్టంగా కనిపిస్తోంది. నదిలో పడిపోతున్న బాక్స్‌లను కొంతమంది వంగి పట్టుకుంటున్నారు. మరికొందరు వాటిని నేరుగా కంటైనర్ నుండి బయటకు తీసి కిందకు తమ పడవలో వేసుకుంటున్నారు. ఈ వీడియోలో చాలా మంది హ్యాపీగా నవ్వుతూ ఐఫోన్ బాక్స్‌లను తీసుకోవటం కనిపిస్తోంది. కొందరు ఒకేసారి చాలా బాక్సులను పట్టుకుంటున్నారు. కొన్నింటిని పట్టుకోలేకపోతున్నారు. oye_sanki_1 అనే ఇన్‌స్టాగ్రామ్ ఖాతా ద్వారా షేర్ చేయబడిన ఈ వీడియోను లక్షలాది మంది వీక్షించారు. చాలామంది దీనిని ఇష్టపడ్డారు. సోషల్ మీడియా వినియోగదారులు ఈ వీడియోపై వివిధ రకాలుగా స్పందిస్తున్నారు. అయితే, ఈ వీడియో AI- జనరేటెడ్ అని చెప్పుకుంటున్నారు. కానీ, ఈ వీడియో మాత్రం ఆన్‌లైన్‌లో వేగంగా వైరల్‌గా మారింది. నెటిజన్ల నుండి భిన్నమైన కామెంట్లు వచ్చాయి. ఒకరు దీనిపై స్పందిస్తూ బ్రదర్‌ దయచేసి నాకు కనీసం ఒకటైన ఇవ్వండి అని రాశారు. మరొకరు వావ్, మీరు బిలియనీర్ అయ్యారు అని రాశారు. మరొక దీనిపై స్పందిస్తూ మీకు ఎంత అదృష్టం ఉంది? అని రాశారు. వీడియో AI లాగా ఉంది అని కూడా చాలా మంది రాశారు.