ఛత్తీస్గఢ్ బస్తర్ రీజియన్‌ దంతెవాడ జిల్లాలో ఇవాళ 37 మంది మావోయిస్టులు లొంగిపోయారు. వారిలో 27 మందిపై రూ.65 లక్షల రివార్డు ఉండగా, ఛత్తీస్గఢ్ సర్కార్‌ అమలు చేస్తున్న 'పూనా మర్గం' ప్రచారానికి ఆకర్షితులై వారు లొంగిపోయినట్లు పోలీసు అధికారులు తెలిపారు. లొంగిపోయిన వారిలో 12 మంది మహిళలు ఉన్నారు. మావోయిస్టులు హింసను విడిచిపెట్టి జనజీవన స్రవంతిలో కలిసిపోవాలని దంతేవాడ పోలీసులు పిలుపునిచ్చారు.తాము హింసామార్గాన్ని వీడి జనజీవన స్రవంతిలో కలిసేందుకు సిద్ధంగా ఉన్నామని, ఛత్తీస్గఢ్ ప్రభుత్వ పునరావాస విధానంపై తమకు పూర్తి నమ్మకం ఉందన్న మావోయిస్టులు దంతెవాడలోని డీఆర్‌జీ కార్యాలయంలో అధికారుల సమక్షంలో వారు లొంగిపోయారు. వారి నుంచి భారీగా ఆయుధాలు, మందుగుండు సామగ్రిని స్వాధీనం చేసుకున్నారు.
No comments:
Post a Comment