శశి థరూర్‌పై పరువు నష్టం కేసు విచారణను రద్దు చేసేందుకు ఢిల్లీ హైకోర్టు నిరాకరణ !

ప్రధాని నరేంద్ర మోడీపై శశిథరూర్ చేసిన అవమానకర వ్యాఖ్యలకు సంబంధించి దాఖలైన పరువు నష్టం కేసు విచారణను రద్దు చేసేందుకు ఢిల్లీ హైకోర్టు నిరాకరించింది. దీంతో పాటు కాంగ్రెస్‌ నేత శశిథరూర్‌ పిటిషన్‌ను కోర్టు తిరస్కరించడంతో పాటు గతంలో ఉన్న నిషేధాన్ని కూడా ఎత్తివేయాలని ఆదేశించింది. కాంగ్రెస్ నాయకుడు శశి థరూర్ 2018 సంవత్సరంలో ప్రధాని మోదీని 'శివలింగంపై తేలు' అని వ్యాఖ్యానించారు. శశిథరూర్ చేసిన ఈ వివాదాస్పద వ్యాఖ్యలకు వ్యతిరేకంగా బీజేపీ నేత రాజీవ్ బబ్బర్ థరూర్‌పై పరువు నష్టం కేసు వేశారు. ఈ కేసులో ఢిల్లీ హైకోర్టు గురువారం తీర్పు వెలువరించింది. ఈ క్రమంలోనే బీజేపీ నేత రాజీవ్ బబ్బర్ తనపై వేసిన పరువు నష్టం కేసును కొట్టివేయాలని డిమాండ్ చేస్తూ కాంగ్రెస్ ఎంపీ శశిథరూర్ ఢిల్లీ హైకోర్టులో పిటిషన్ దాఖలు చేశారు. గతంలో ఈ కేసులో దిగువ కోర్టులో జరుగుతున్న విచారణలపై ఢిల్లీ హైకోర్టు స్టే విధించింది. అంతేకాదు 2019 ఏప్రిల్ 27న కింది కోర్టు శశిథరూర్‌కు జారీ చేసిన సమన్లపై కూడా హైకోర్టు స్టే విధించింది. అయితే ఇప్పుడు కోర్టు శశిథరూర్ పిటిషన్‌ను తిరస్కరించింది. స్టేను కూడా ఎత్తివేసింది. మోడీ శివలింగంపై కూర్చున్న తేలులాంటివాడని ఓ ఆర్‌ఎస్‌ఎస్‌కు చెందిన ఓ జర్నలిస్టు చెప్పారని శశిథరూర్ అన్నారు. మీరు వాటిని మీ చేతితో తీసివేయలేరు. వాటిని చెప్పులతో కొట్టలేరు. తేలును తాకేందుకు ప్రయత్నిస్తే కుట్టిస్తేయని, శివలింగాన్ని చెప్పుతో కొడితే విశ్వాసంలోని పవిత్ర సూత్రాలన్నీ బలహీనపడతాయని థరూర్ వ్యాఖ్యానించారు. ఈ వ్యాఖ్యలపై బీజేపీ నేత రాజీవ్ బబ్బర్ పరువు నష్టం కేసు దాఖలు చేశారు. థరూర్ వ్యాఖ్యలపై అభ్యంతరం వ్యక్తం చేశారు. కాంగ్రెస్ నాయకుడి వ్యాఖ్యలు మతపరమైన మనోభావాలను దెబ్బతీసాయని అన్నారు. రాజీవ్ బబ్బర్ తన ఫిర్యాదులో శివ భక్తుడినని పేర్కొన్నారు. ఈ నేపథ్యంలో థరూర్ కోట్లాది మంది శివ భక్తుల మనోభావాలను విస్మరించి వ్యాఖ్యలు చేశారని తెలిపారు. ఇలాంటి వ్యాఖ్యలు చేయడం భారతదేశంలో అనేక మంది భక్తుల ఆగ్రహానికి కారణమైందన్నారు. దేశం వెలుపల ఉన్న శివ భక్తులందరి మనోభావాలను దెబ్బతీసిందని వెల్లడించారు. దీంతో భారతీయ శిక్షాస్మృతిలోని సెక్షన్లు 499 (పరువు నష్టం), 500 (పరువునష్టానికి శిక్ష) కింద కాంగ్రెస్ ఎంపీపై ఫిర్యాదు దాఖలైంది.