విశాఖ స్టీల్ ప్లాంట్‌లో బీఎస్ఎన్ఎల్ 4G సేవలు ప్రారంభం !

బీఎస్ఎన్ఎల్ ఆంధ్రప్రదేశ్ సర్కిల్‌ విశాఖపట్నం స్టీల్ ప్లాంట్ లో 4G నెట్‌వర్క్‌ను ప్రారంభించింది. ఈ విషయం ఆంధ్రప్రదేశ్ సర్కిల్‌ X (గతంలో ట్విట్టర్)లో ఒక పోస్ట్‌లో పేర్కొంది. దేశంలోని అతిపెద్ద ఉక్కు ఉత్పత్తి సౌకర్యాలలో కమ్యూనికేషన్, కార్యాచరణ సామర్థ్యాన్ని గణనీయంగా మెరుగుపరుస్తుందని భావిస్తున్నారు. ఈ కొత్త నెట్‌వర్క్ ఇన్‌ఫ్రాస్ట్రక్చర్ వేగవంతమైన డేటా బదిలీని సులభతరం చేస్తుంది. రియల్ టైమ్ కమ్యూనికేషన్‌ను మెరుగుపరుస్తుంది మరియు అధునాతన పారిశ్రామిక అనువర్తనాలకు మద్దతు ఇస్తుంది. తద్వారా ప్లాంట్‌లో ఉత్పాదకత మరియు భద్రతను పెంచుతుంది. టాటా కన్సల్టెన్సీ సర్వీసెస్, ప్రభుత్వ ఆధ్వర్యంలో నడిచే టెలికాం పరిశోధనా సంస్థ C-DoT మరియు తేజాస్ నెట్‌వర్క్‌లతో సహా టెక్నాలజీ ని స్వదేశీంగా అభివృద్ధి చేసిన కన్సార్టియం కింద పరికరాల స్టాక్ తయారు చేయబడింది. ఆంధ్రప్రదేశ్‌లోని ప్రధాన నగరాల్లో ఆగస్టు 15 నుండి 4G సేవలను ప్రారంభించనుందని ఇదివరకు నివేదికలు వచ్చినప్పటికి అవి, పరీక్ష దశవరకు మాత్రమే జరిగాయి. నివేదిక ప్రకారం, సెప్టెంబర్ చివరి నాటికి బీఎస్ఎన్ఎల్ 4G సేవలు యాంటెనాలు, బేస్ ట్రాన్స్‌సీవర్ స్టేషన్లు వలె రాష్ట్రవ్యాప్తంగా ఆక్టివేట్ చేయబడతాయి. మరియు కోర్ నెట్‌వర్క్ పనులు ప్రస్తుతం వివిధ దశల్లో పూర్తయ్యాయి. విశాఖపట్నం, అనకాపల్లి మరియు అల్లూరి సీతారామరాజు జిల్లాలతో సహా, ఈ సంవత్సరం చివరి నాటికి దాదాపు 1000 4G మొబైల్ టవర్లను కలిగి ఉంటుంది. ప్రస్తుతం విశాఖపట్నం జిల్లాలో 420 బీఎస్ఎన్ఎల్ మొబైల్ టవర్లు ఉన్నాయని, వీలైనంత త్వరగా 4జి సేవలను అందించేందుకు మరో 680 మొబైల్ టవర్లను ఏర్పాటు చేయనున్నారు. ప్రస్తుతం ఉన్న ఈ 420 మొబైల్ టవర్లు కూడా 4జీకి అప్‌గ్రేడ్ చేయబడతాయి.