వాట్సాప్ లో 'కమ్యూనిటీస్' కోసం కొత్త ఫీచర్లు !

మెటా యాజమాన్యం లోని వాట్సాప్ 'కమ్యూనిటీస్' కోసం కొత్త ఫీచర్లను బుధవారం ప్రకటించింది. ఈ ఫీచర్ ద్వారా కమ్యూనిటీలోని వినియోగదారులకు ఈవెంట్‌లను సృష్టించడం, ఆహ్వానాలను పంపడం, గ్రూప్ లోని సభ్యుల నుండి అభిప్రాయాన్ని పొందడానికి నిర్వాహకులు నిర్దిష్ట పోస్ట్‌కు ప్రత్యుత్తరం ఇచ్చే ఫీచర్లు ఇందులో ఉన్నాయి. ఈ కొత్త అప్డేట్ ప్రకారం మార్క్ జుకర్‌బర్గ్ తన ఛానెల్‌లో ఇలా వ్రాశాడు: "మీరు వాట్సాప్ కమ్యూనిటీలో ఉన్నట్లయితే, మీరు ఇప్పుడు మీ గ్రూప్ లలో ఈవెంట్‌లను సృష్టించవచ్చు మరియు అడ్మిన్ ప్రకటనలకు ప్రత్యుత్తరం ఇవ్వవచ్చు. రాబోయే కొద్ది నెలల్లో, మరిన్ని గ్రూప్ ఈవెంట్‌లను సృష్టించవచ్చు. వాట్సాప్ నవంబర్ 2022 లో కమ్యూనిటీల ఫీచర్‌ని పరిచయం చేసింది.ఒక కమ్యూనిటీ లో గరిష్టంగా 100 రకాల గ్రూప్‌లను కలిగి ఉండవచ్చు మరియు ఎవరైనా కమ్యూనిటీని ఉచితంగా సృష్టించవచ్చు. గ్రూప్ లోని ఏ సభ్యుడైనా ఈవెంట్‌ను సృష్టించవచ్చు మరియు ఇతరులు దీనికి ప్రత్యుత్తరం ఇవ్వగలరు. ఇది గ్రూప్ యొక్క సమాచార పేజీలో కనిపిస్తుంది. ఈ ఈవెంట్ తేదీ కి దగ్గర పడే కొద్దే, ఆహ్వానాన్ని ఆమోదించిన వినియోగదారులు ఆటోమేటిక్ రిమైండర్‌ లను కూడా పొందుతారు. వాట్సాప్ యొక్క ఈ తాజా అప్‌డేట్‌తో, అడ్మిన్ లు మరియు నిర్వాహకులు థర్డ్-పార్టీ యాప్ లేదా ప్లాట్‌ఫారమ్ అవసరం లేకుండా నేరుగా వాట్సాప్ లో ఈవెంట్‌లను ప్లాన్ చేయవచ్చు. అదనంగా, వినియోగదారులు ఈ ఈవెంట్ ఆహ్వానానికి కూడా ప్రతిస్పందించవచ్చు. ఈ ఫీచర్ రాబోయే రోజుల్లో వ్యక్తిగత గ్రూప్ లకు కూడా వస్తుందని మెటా ధృవీకరించింది. కమ్యూనిటీలో అడ్మిన్ ప్రకటన చేసినప్పుడు, వినియోగదారులు ఇప్పుడు దానికి ప్రత్యుత్తరం ఇవ్వగలరు. యాక్సెస్ సౌలభ్యం కోసం ఈ ప్రత్యుత్తరాలు గ్రూప్ చేయబడ్డాయి. డిఫాల్ట్‌గా, ఈ ప్రత్యుత్తరాల నోటిఫికేషన్‌లు మ్యూట్ చేయబడి ఉంటాయి.