ఒకే రోజు 200 యూనిట్లు డెలివరీ చేసిన చైనీస్ ఎలక్ట్రిక్ కారు!

దేశీయ మార్కెట్లో చైనీస్ ఎలక్ట్రిక్ కార్ల తయారీ సంస్థ బీవైడీ సీల్ ఎలక్ట్రిక్ సెడాన్ మార్చి 5న లాంచ్ అయింది. ఇప్పటివరకు 1,000 బుకింగ్‌లను సాధించింది. మే 26న దేశమంతటా 200 యూనిట్ల సీల్ ఎలక్ట్రిక్ సెడాన్‌లను డెలివరీ చేసినట్లు ప్రకటించింది. దేశంలో ప్రధాన నగరాలైన రాజధాని ఢిల్లీ-ఎన్‌సీఆర్, ముంబై, బెంగళూరు, చెన్నై, హైదరాబాద్, కొచ్చిలో అత్యధిక డెలివరీలు జరిగాయి.దేశ మార్కెట్లో బీవైడీ e6, ఆట్టో 3 తర్వాత సీల్ బీవైడీ మూడవ ఉత్పత్తి. బీవైడీ సీల్‌లో సెల్ టు బాడీ, ఇంటెలిజెన్స్ టార్క్ అడాప్షన్ కంట్రోల్ టెక్ ఉన్నాయి. అప్‌డేట్ చేసిన ఇ-ప్లాట్‌ఫారమ్ 3.0 ఆధారంగా ఎలక్ట్రిక్ సెడాన్ బ్యాక్ వీల్ ఆల్-వీల్ డ్రైవ్ ఆప్షన్లలో అందుబాటులో ఉంది. బీవైడీ సీల్ ప్రీమియం వేరియంట్ గరిష్టంగా 650 కిలోమీటర్ల పరిధిని కలిగి ఉంది. ఈ కారు పనితీరు వేరియంట్ 3.8 సెకన్లలో 0 నుంచి గంటకు 100 కిలోమీటర్ల దూరం దూసుకెళ్లనుంది. బీవైడీ వాహనంలో లెవెల్ 2 అడాస్, ఎన్ఎఫ్‌సీ కార్డ్ ఇంటిగ్రేషన్, 9 ఎయిర్‌బ్యాగ్‌లు ఉన్నాయి.