అనువైన బిఎస్ఎన్ఎల్ 4G ప్రీపెయిడ్ ప్లాన్‌లు

భారత్ సంచార్ నిగమ్ లిమిటెడ్ ఇప్పుడు ప్రైవేట్ టెల్కోలకు పోటీగా తక్కువ ధరలోనే ప్రీపెయిడ్ ప్లాన్ లను అందిస్తున్న విషయం తెలిసిందే.  4G నెట్‌వర్క్ అందుబాటులోకి వచ్చిన కొన్ని ప్రాంతాలలోని వినియోగదారులకు మంచి ప్రయోజనాలతో 4G ప్రీపెయిడ్ ప్లాన్‌లను అందిస్తుంది. ఇప్పటికీ ఇంటి నుండి పని చేస్తున్న వినియోగదారులకు అధిక వ్యాలిడిటీతో పాటుగా ఎక్కువ డేటా ప్రయోజనాల కోసం చూస్తున్నారు. ప్రైవేట్ టెల్కోలు అన్ని కూడా ధరలను పెంచడంతో ఇప్పుడు ఎక్కువ మంది బిఎస్ఎన్ఎల్  వైపు మక్కువ చూపుతున్నారు. వర్క్ ఫ్రమ్ హోమ్ ప్రీపెయిడ్ ప్లాన్‌ల జాబితాలో బిఎస్ఎన్ఎల్ ప్లాన్‌లు ఇతర టెల్కోల కంటే మెరుగైన ప్రయోజనాలను కలిగి ఉన్నాయి. వర్క్ ఫ్రమ్ హోమ్ ప్లాన్ అనేది రూ.599 ధరతో లభిస్తుంది. ఇది 84 రోజుల చెల్లుబాటు కాలంతో వస్తుంది. ఈ ప్లాన్‌తో వినియోగదారులు మొత్తం చెల్లుబాటులో 5GB రోజువారీ డేటాను మరియు రోజుకు 100 SMSలను అందిస్తుంది. దేశంలోని టెలికాం ఆపరేటర్లలో ఏదీ కూడా అటువంటి ప్రీపెయిడ్ ప్లాన్ ను అందించడం లేదు. 5GB డేటా వినియోగం తర్వాత ఇంటర్నెట్ స్పీడ్ 80 Kbpsకి పడిపోతుంది.అదనంగా వినియోగదారులు జింగ్‌కి ఉచిత సబ్‌స్క్రిప్షన్‌ను కూడా అందిస్తుంది. ఇంకా వినియోగదారులకు 12 AM మరియు 5 AM మధ్య టెల్కో అందించే అపరిమిత ఉచిత హై-స్పీడ్ డేటా ప్రయోజనం కూడా ఉంది. తక్కువ ధరలో వెళ్లాలనుకుంటే కనుక STV_299 ప్లాన్ చాలా బాగుంటుంది. ఇది 30 రోజుల చెల్లుబాటుతో వినియోగదారులకు 3GB రోజువారీ డేటాను మరియు అపరిమిత వాయిస్ కాలింగ్‌ మరియు రోజుకు 100 SMS ప్రయోజనాలను అందిస్తుంది. FUP డేటా వినియోగం తర్వాత డేటా స్పీడ్ 80 Kbps కి తగ్గించబడుతుంది. మరింత సరసమైన ధరలో కూడా బిఎస్ఎన్ఎల్ రూ.247 వోచర్‌ను అందిస్తుంది. ఇది 30 రోజుల వ్యాలిడిటీతో 50GB హై-స్పీడ్ లంప్-సమ్ డేటాతో వస్తుంది. ఇది మొత్తం ఒకేసారి ఉపయోగించవచ్చు. ఇంకా వినియోగదారులు ఈరోస్ నౌ ఎంటర్‌టైన్‌మెంట్ సర్వీసెస్ యొక్క ఓవర్-ది-టాప్ ప్రయోజనంతో పాటుగా బిఎస్ఎన్ఎల్ ట్యూన్స్, అపరిమిత వాయిస్ కాలింగ్ మరియు రోజుకు 100 SMS ప్రయోజనాలను పొందుతారు.