అల్ట్రా వయోలెట్ F99

బెంగళూరు EV స్టార్టప్ కంపెనీ 'అల్ట్రా వయోలెట్' ఇప్పటికే తన ఎలక్ట్రిక్ స్పోర్ట్స్ బైక్ 'F77' లాంచ్ చేసిన సంగతి తెలిసిందే. అయితే 2023 ఆటో ఎక్స్‌పో వేదిక మీద మరో కొత్త ఎలక్ట్రిక్ బైక్ తీసుకొచ్చింది. ఆటో ఎక్స్‌పో వేదిక మీద లాంచ్ చేసిన ఈ ఎలక్ట్రిక్ బైక్ పేరు "F99 ఫ్యాక్టరీ రేసింగ్ ప్లాట్‌ఫారమ్‌". ఈ అప్డేటెడ్ ఎలక్ట్రిక్ బైక్ గంటకు 200 కిమీ దాకా స్పీడ్ అవుతుంది. అందువల్ల ఈ ఎలక్ట్రిక్ బైక్ F77 బైక్ లాగా కాకుండా రేస్ ట్రాక్‌కి పరిమితం చేయబడింది. ఎందుకంటే ఇది ట్రాక్ లో మంచి అద్భుతమైన పని తీరుని అందించడానికి తయారు చేశారు. ఇందులో రో బిట్‌లు ఇంకా మృదువైన కాంపౌండ్ టైర్ వంటివి ఉన్నాయి. ఇక అల్ట్రావయోలెట్ F99 అనేది F77 60 వోల్ట్ ఆర్కిటెక్చర్ కాకుండా 120 వోల్ట్ ఆర్కిటెక్చర్‌ను కలిగి ఉంది. అయితే ఇందులో భారీగా ఉన్న ఎలక్ట్రిక్ మోటారు కూడా ఉంటుంది. ఇది 50kW లేదా 68hp మోటారు, బైకుని 200kph మాక్సిమం స్పీడ్ వెళ్లేలా చేస్తుందని కంపెనీ తెలిపింది. అంతే కాకుండా ఇది ఇప్పటికే అందుబాటులో ఉన్న F77 Recon కంటే చాలా మెరుగ్గా ఉంటుంది. అల్ట్రావయోలెట్ F99 హై పవర్ అందించే ఎలక్ట్రిక్ మోటరుని కలిగి ఉండటంతో పాటు చాలా అద్భుతమైన డిజైన్ ని పొందుతుంది. ఈ బైక్ రైడింగ్ పొజిషన్ ఇంకా రైడింగ్ ఎర్గోనామిక్స్‌ను అడ్జస్ట్ చేయడానికి అడ్జస్ట్ చేయగల రియర్ సెట్ ఫుట్ పెగ్‌లు కూడా కలిగి ఉంది.ఇంకా అంతే కాకుండా ఇందులో కొంత సన్నగా ఇంకా గట్టిగా ఉండే సీటు కూడా ఉంటుంది. ఈ సీటు రైడర్ కి చాలా అనుకూలంగా ఉంటుంది. ఈ బైక్ బాడీ ప్యానెల్‌లు కార్బన్ ఫైబర్‌తో తయారు చేయబడి ఉంటాయి. అందువల్ల బరువును తగ్గించడంలో ఇవి బాగా సహాయపడతాయి.అల్ట్రావయోలెట్ F99 బైక్ బ్రెంబో మాస్టర్ సిలిండర్ ఇంకా అలాగే పిరెల్లి సూపర్‌కోర్సా టైర్‌లతో ట్వీక్ చేయబడిన బ్రేకింగ్ సిస్టమ్ కలిగి ఉంది. ఇది రేస్ ట్రాక్ మీద మంచి గ్రిప్ అందించేలా డిజైన్ చేయబడి ఉన్నాయి. ఈ లేటెస్ట్ రేస్ ట్రాక్ బైక్ మీటియార్ గ్రే ఇంకా ప్లాస్మా రెడ్ అనే డ్యూయెల్ టోన్ కలర్ స్కీమ్ ని పొందుతుంది. అందువల్ల ఇది చూడటానికి చాలా ఆకర్షణీయంగా ఉంటుంది.