వాట్సాప్ లో 2GB మీడియా ఫైల్లను పంపవచ్చు?
మెటా యాజమాన్యంలోని ఇన్స్టంట్ మెసేజింగ్ యాప్ వాట్సాప్ తన వినియోగదారుల కోసం అనేక కొత్త ఫీచర్లు మరియు అప్డేట్లను విడుదల చేస్తోంది. 2GB వరకు మీడియా ఫైల్లను షేర్ చేసే సౌలభ్యం కల్పించే పనిలో వుంది. ప్రస్తుతానికి అర్జెంటీనా వంటి ఎంపిక చేసిన మార్కెట్లలోని యాప్ యొక్క బీటా వినియోగదారులు మాత్రమే ఈ ఫీచర్ని ఉపయోగించగలరు. ఇప్పటికే, వాట్సాప్ ప్రత్యర్థి - టెలిగ్రామ్ గత రెండు సంవత్సరాలుగా 2GB వరకు గల మీడియా ఫైల్లను షేర్ చేయడానికి వినియోగదారులను అనుమతిస్తుంది. ఈ కొత్త ఫీచర్ కోసం ఎదురుచూస్తున్న వాట్సాప్ వినియోగదారుల కోసం అందుబాటులోకి తీసుకురావడానికి ప్రయత్నిస్తుంది. ఇప్పటి వరకు, వాట్సాప్ 100MB వరకు మీడియా ఫైల్లను మాత్రమే షేర్ చేయడానికి వినియోగదారులను అనుమతిస్తుంది. అలాగే, దాని ఫైల్-షేరింగ్ పరిమితి లేదా సంబంధిత ఫీచర్ల పెంపునకు సంబంధించి కంపెనీ నుండి ఎటువంటి అధికారిక ధృవీకరణ లేదు. ఇప్పుడు, అర్జెంటీనాకు చెందిన వాట్సాప్ బీటా టెస్టర్ 2GB వరకు మీడియా ఫైల్ షేరింగ్ పరిమితి ఉంటుందని చూపించే స్క్రీన్షాట్ను షేర్ చేశారు.
