నెట్‌ఫ్లిక్స్ 150 మందిని ఉద్యోగాల్లో నుంచి తొలగించింది. రెవెన్యూ బాగా తగ్గడంతో, కాస్ట్ కటింగ్ కోసమని ఈ నిర్ణయం తీసుకున్నట్లు కంపెనీ వెల్లడించింది. పర్సనల్ పర్‌ఫార్మెన్స్ ను బట్టి ఇలా చేయలేదని ఆర్థిక లావాదేవీలను దృష్టిలో ఉంచుకుని విధుల్లో నుంచి తొలగించామని నెట్‌ఫ్లిక్స్ అధికార ప్రతినిధి వెల్లడించారు. సహోద్యుగులను ఇంటికి పంపించడం ఏ మాత్రం ఇష్టం లేదని అయినప్పటికీ తప్పడం లేదని అన్నారు. ఈ ఏడాది తొలి త్రైమాసికంలో నెట్‌ఫ్లిక్స్ 2 లక్షల సబ్‌స్క్రైబర్లను కోల్పోయింది. దశాబ్ద కాలంలో ఇదే పెద్ద దెబ్బని కంపెనీ వెల్లడించింది. ఈ సంఖ్య మరో మూడు నెలల్లో 20 లక్షల వరకూ చేరుకోవచ్చని ఆందోళన చెందుతున్నారు. గత నెలలోనూ తమ ఎంటర్‌టైన్మెంట్ కోసం పనిచేస్తున్న జర్నలిస్టులను, రైటర్స్ ను తొలగించింది.
No comments:
Post a Comment