మార్కెట్లోకి వివో వై 16

వివో తాజాగా వై-సిరీస్ నుంచి వై 16 ఫోన్ ను ప్రవేశపెట్టింది. దీని ధర రూ.9,999 (3జీబీ +32జీబీ) అలాగే రూ.12,499 (4జీబీ+64 జీబీ) గా వుంది. ఇక ఈ మొబైల్ ఫోన్ కలర్ ల విషయానికి వస్తే.. స్టెల్లార్‌ బ్లాక్, డ్రిజ్లింగ్‌ గోల్డ్‌ రంగుల్లో లభించనుంది. అదేవిధంగా కోటక్, ఐడీఎఫ్‌సీ, వన్‌కార్డ్, బీవోబీ, ఫెడరల్, ఏయూ బ్యాంక్‌ లకు సంబంధించిన కార్డులతో రూ. 1,000 వరకు పొందవచ్చు. అలాగే ఆన్‌లైన్‌ కొనుగోలుదారులు హెచ్‌డీఎఫ్‌సీ డెబిట్‌,క్రెడిట్‌ కార్డులపై రూ. 750 మేర క్యాష్‌బ్యాక్‌ ను పొందవచ్చు. ఈ ఫోన్ డిస్ప్లే విషయానికి వస్తే ,6.51 అంగుళాల స్క్రీన్, అదేవిధంగా ఫింగర్‌ ప్రింట్‌ స్కానర్, ఫేస్‌ వేక్‌ ఫీచర్, 5,000 ఎంఏహెచ్‌ బ్యాటరీ, ట్రిపుల్‌ కార్డ్‌ స్లాట్, 13 ఎంపీ మెయిన్‌ 2 ఎంపీ మాక్రో కెమెరా, 5 ఎంపీ ఫ్రంట్‌ కెమెరా,తదితర ఫీచర్లు ఇందులో ఉన్నట్లు వివో సంస్థ వెల్లడించింది.